Балкан

Анкети: Над 70 отсто од Грците не се согласуваат со нападот на САД и Израел врз Иран

Мнозинството од учесниците во анкетата на „Metron Analysis“ за телевизијата „Мега“, односно 86 отсто негативно го оценуваат Трамп.

Осум од десет Грци ја оценуваат како погрешна одлуката на американскиот претседател Доналд Трамп и израелскиот премиер Бенјамин Нетанјаху да започнат војна во Иран, а 72 отсто сметаат дека не е оправдан овој напад, покажуваат двете истражувања на јавното мислење во Грција спроведени од агенциите „Metron Analysis“ и „MRB“ за грчките телевизии „Мега“ и „Опен“, јави дописничката на МИА од Атина.

За војната во Иран, 68,2 отсто од испитаниците во анкетата од агенцијата „MRB“ одговориле дека грчкиот премиер Кирјакос Мицотакис треба да заземе неутрална позиција, 16,4 проценти сметаат дека треба да ги осуди постапките на Трамп и Нетанјаху, додека пак 10,4 отсто одговориле дека треба да изрази поддршка за американскиот претседател и израелскиот премиер.

Паралелно речиси седум од десет анкетирани се согласуваат со одлуката на Грција да испрати воена помош на Кипар.

Мнозинството од учесниците во анкетата на „Metron Analysis“ за телевизијата „Мега“, односно 86 отсто негативно го оценуваат Трамп.

Во однос на внатрешно-политичката ситуација и домашните проблеми, резултатите од истото истражување покажале дека 64 отсто од граѓаните сметаат дека земјата оди во погрешна насока, 68 отсто негативно ја оценуваат работата на Владата, а речиси половина од анкетираните (48 проценти) одговориле дека лично тие се во полоша состојба во споредба со една година претходно.

На политичката сцена и на двете истражувања, владејачката Нова демократија е на првата позиција со 23,8, односно 24,9 отсто, втора е ПАСОК со 10,4 и 11,2 проценти, а следат левичарската Курс на слобода, радикално десничарската Грчко решение и Комунистичката партија со рејтинг меѓу шест и девет отсто.

Истражувањето на јавното мислење на „Metron Analysis“ за „Мега“ било спроведено од 11 до 17 март со анкетирани 1.311 лица со право на глас, додека пак на „MRB“ за „Опен“ од 16 до 18 март со 1.000 лица.

Тагови: Анкети

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кузмановска: Криминалната ВМРО го казни претседателот на СДММ - Трајче затоа што не молчи!

Трајче е казнет затоа што не молчи.

Криминалната ВМРО и Мицкоски го прераспределија претседателот на СДММ од Штип во Берово или повеќе од 100 километри од неговото место на живеење до работното место.

Младите масовно се иселуваат а имаме обиди за замолчување на сите оние кои јавно зборуваат и избираат да не молчат.

Денеска е Трајче, а утре може да биде ској млад, секој од нас.

Од пред УЈП порачуваме, вие не го казнивте Трајче вие го казнивте правото младите слободно да мислат и слободно да зборуваат.

Но нема да молчиме, нема да не исплашите, нема да не замолчите.

Младите се против реваншизам, против, притисоци, против уцени и казни. Колку повеќе притискате, толку погласно ќе зборуваме.

Другар Трајче, со тебе сме.

Стефанија Кузмановска, потпретседателка на СДММ

Тагови: СДММ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Делегација од шест македонски општини го посети и македонскиот КИЦ во Загреб

Иницијативи за културна соработка и туристичка промоција на локалните самоуправи.

Во рамките на студиската посета на Република Хрватска посветена на развојот на граѓанските енергетски заедници, делегација од шест македонски општини го посети и македонскиот Културно-информативен центар во Загреб и оствари средба со директорката Мими Ѓоргоска Илиевска.

Во состав на делегацијата беа градоначалниците на Битола, Кичево, Новаци и Демир Капија – Тони Коњановски, Александар Јовановски, Стевче Стевановски и Наталија Димитриева, секретарите на Куманово и Вевчани – Емилија Сларидис Јаневска и Зоран Радиноски, како и координаторот за енергетски проекти во Еко-свест, Жарко Конески.

Во текот на посетата се иницираа можности за продлабочување на соработката меѓу македонскиот КИЦ во Загреб и македонските општини. Посебен акцент беше ставен на промоцијата на општините како туристички дестинации преку претставување на нивното културно наследство, традиција, природни убавини и современи културни содржини, со цел зајакнување на културниот туризам и нивна поголема меѓународна видливост.

Во таа насока беа разгледани повеќе иницијативи и можности за заедничко организирање културни настани, изложби, презентации и други активности преку кои ќе се афирмираат културните и туристичките потенцијали на македонските општини пред хрватската јавност.

Македонскиот КИЦ во Загреб изразува благодарност до делегацијата што, и покрај својата студиска посета, одвои време да го посети КИЦ-от, при што ваквите средби се значајни за унапредување на взаемната соработка.

Тагови: КИЦ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Васев ќе се брани од слобода, по една година помината во затворски притвор

Поранешниот директор на Клиниката за онкологија, Нина Васев излегува од затворот во Скопје каде помина една година во притвор, одлучи Кривичниот суд.

Одлуката следува откако судот прифатил гаранција обезбедена преку хипотека на недвижен имот во вредност 183 илјади евра, а на второобвинетиот Нухи определена му е гаранција од скоро 350 илјади евра. Васев е дел од истрагата и судската постапка поврзана со случајот „Онкологија“. Тој е меѓу обвинетите во првиот предмет што се однесува на финансиското работење на Клиниката за онкологија. Заедно со поранешниот економски директор Артан Нухи, се соочува со обвиненија за продолжени кривични дела злоупотреба на службената положба и овластување, измама во службата и проневера во службата. Според обвинението, делата биле извршувани во периодот од 2018 до 2022 година. Обвинителството тврди дека при набавката на биолошка активна терапија, молекуларна таргет терапија и моноклонални антитела биле набавувани лекови на реверс без соодветен правен основ. Во обвинението се наведува дека потоа, преку постапки за јавни набавки, биле покривани веќе преземените обврски кон добавувачите, кои фактурирале претходно испорачани лекови. Васев е обвинтет во случајот Онкологија 1 каде се терети за погрешно лекување заедно со уште двајца доктори.

Тагови: Нино Васев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.