Ангелевска: Заев бега од дебата со Мицкоски зашто нема објаснување за капитулантскиот договор што го менува идентитетот на македонскиот народ

Денес сме во посета на општина Долнени во рамки на акцијата „Лето за Македонија“ на ВМРО-ДПМНЕ.

Разговаравме со жителите на оваа општина и од она што можевме да го чуеме од граѓаните совршено ни е јасно зошто Зоран Заев не сака да излезе на јавни дебати и на ТВ дуел.

Состојбата во државата е катастрофална, а тоа го потврди и поранешниот лидер на СДСМ Бранко Црвенковски.

Зоран Заев не сака да излезе на ТВ дебата со нашиот лидер Христијан Мицкоски заради тоа што на народот треба да му објасни зошто сака да го промени името на државата, идентитетот, културата, историјата на нашата земја.

На овие граѓани овде им беше ветен живот, а од животот овде нема ништо. Состојбата е катастрофална, овој народ овде се занимава со земјоделие. Ветувано им беше многу, ветено им беше дека ќе има откуп на нивните земјоделски производи, но од тоа нема ништо. Ветувано им бе дека откупувачите овде ќе се тепаат, меѓутоа и од тоа нема ништо.

Зоран Заев треба да му објасни на овој народ зошто го менува името, идентитетот и историјата на овој народ.

ВМРО-ДПМНЕ е против овој капитулантски договор кој е потпишан со нашиот јужен сосед затоа што се менува историјата, се менуваат нашите корени. Затоа ние како ВМРО-ДПМНЕ им апелираме на граѓаните да се водат од сопствените чувства, да се водат од сопственото срце и на 30 септември да го искажат својот став онака како што мислат по свое сопствено убедување.

Силвана Ангелевска, член на ИК на ВМРО-ДПМНЕ

Ева Лонгорија блесна на црвениот тепих во Кан, облечена во фустан со бисери

Актерката Ева Лонгорија блесна на црвениот тепих на Канскиот филмски фестивал. Лонгорија присуствуваше на премиерата на „Kinds Of Kindness“, со Ема Стоун и Џо Алвин во главните улоги.

Таа носеше блескав фустан со бисери и кристали создаден од модниот дизајнер Ели Сааб. Голиот грб и деколтето го истакна со фустанот. Заедно со оваа модна комбинација, Лонгорија реши да ја обликува косата во светли бранови. Таа со својот изглед ги привлече сите погледи и внимание на фотографите.

Лонгорија на премиерата на филмот „Kinds of Kindness“ пристигна во друштво на нејзината колешка, актерката Ајшварија Раи Бачан, која исто така воодушеви од модната комбинација.

Ева привремено се сели во Шпанија со нејзиниот сопруг Хозе Бастон и синот Сантијаго, неодамна објави „ Page Six“.

„Таа ќе поминува многу време таму бидејќи има проекти за целата втора половина од годината“, изјави извор за „Page Six“.

Ева има шпанско државјанство и куќа во Марбела. Нејзиниот сопруг и таа купија викендица таму на почетокот на 2023 година. „Тоа е мојата оаза, мојот рај“, изјави актерката за време на интервјуто за „Hello!“ во јануари 2024.

„Кога не сум тука, работам без престан“, додаде таа.

Извор: Индекс.хр

Ројс го постигна својот 100-ти гол за Борусија на домашен терен во неговиот последен настап

Фудбалерот од средниот ред на Борусија, Марко Ројс постигна гол на денешниот натпревар од 34. коло од Бундеслигата со Дармштад, кој се играше на стадионот „Сигнал Идуна Парк“ во Дортмунд.

Триесет и четиригодишниот фудбалер упати прецизен удар во противничкиот гол во 38. минута од натпреварот. Ова е негов јубилеен, 100. гол на домашните натпревари на Борусија.

Ројс имаше и асистенција на овој натпревар.

Германскиот играч за врска го одигра последниот натпревар со Борусија во Бундеслигата. Тој ќе го напушти тимот како слободен играч во јули. /МИА

Баер го победи Аугсбург и ја заврши сезоната во Бундеслигата без пораз

Баер попладнево оствари домашна победа над Аугсбург (2:1) во натпреварот од 34. коло на германскиот фудбалски шампионат.

За домаќините погодија Виктор Бонифас и Роберт Андрич, голот за Аугсбург беше дело на Мерт Комура.

Избраниците на Чаби Алонсо, кои рано станаа германски шампиони, Бундеслигата ја завршија непоразени, освојувајќи 90 бода. Серијата без пораз на Леверкузен во сите натпреварувања достигна 51 натпревар.

Аугсбург заврши 11-ти со 39 бодови./МИА

притисни ентер