Други спортови

Ангел Петрушев прогласен за најдобар кајакар на Македонија за 2022

Наградите беа доделени во трите дисцилини кои се актуелни во кајакраскиот спорт.

Вчера во хотелот АУСТРИАН ПАЛАС , Скопје се одржа избор на најдобар кајакар за 2022 година во организација на Кајакарската Федерација на Македонија.

Наградите беа доделени во трите дисцилини кои се актуелни во кајакраскиот спорт :

За нај надежен млад кајакар во дисциплината кајак спуст на дива вода е прогласен Благој Гугунов Кајак Кану Клуб Арка Борец Велес. Плакета За најдобар млад кајакар во дисциплината спуст доби Кристијан Лазаров додека за најдобар кајакар во спуст-спринт е прогласен Аслександар Златаров. Плакетата за најдобар кајакар во спуст-класик ја доби Љубомир Спасиќ и најдобар тренер во оваа дисциплина е Љубомир Спасиќ ККК Арка Борец Велес- Наградите ги додели претседателот на Олимписки комитет на Македонија Даниел Димевски

Во дисциплината кајак спринт на мирна вода за надежна млада кајакарка е прогласена Јана Патче од ККК Црн Дрим од Струга.Плакета за нај надежен млад кајакар во дисциплината спринт доби Слободан Попоски, за најдобар кајакар во оваа дисциплина е прогласен Никола Малески ККК Радика- Дебар, додека за најнадежен млад кајакар е прогласен Јован Циркоски ККК Дрим Струга.Најдобар тренер во оваа дисциплина е прогласен Радован Поповски ККК Стрмец Охрид- Наградите ги додели Заменик директорот на Агенција за Млади И спорт Амир Билали.

Во дисциплината кајак слалом на дива вода Плакета за За нај надежен млад кајакар доби Христијан Смилев Кајакарски клуб Бабуна Велес.За најдобар млад кајакар беше прогласен Стефан Рибарски, за најдобра кајакарка пак е прогласена Олгица Мелова ККК Просек Демир Капија,најдобар кајакар во оваа дисциплина е Ангел Петрушев , додека за најдобар тренер е прогласен Димче Стефановски ККК Вардар Велес.-наградите ги додели претседателот на Кајакарска Федерација на Македонија Г-динот Дрилон Леши.

НАЈДОБАР КАЈАКАР ЗА 2022 ГОДИНА е прогласен АНГЕЛ ПЕТРУШЕВ со освоено 2-место на 53 Илинденски кајак слалом ИКАС 2022, 36 –место на Светски куп за Сениори во Краков Република Полска, 19 -место на Светско првенство во кајак слалом за Јуниори во Ивреа – Република Италија и 4-то место на Европско Јуниорско првенство во кајак слалом на диви води во Чешке Буџевице – Плакетата и наградата од 150.000 денари ја додели претседателот на КФМ Г-динот Дрилон Леши.

На оваа манифестација беа доделени благодарници за Ветераните во овој спорт Илија Младеновски , Ивица Крстиќ ,Трајко Ангеловски и Перо Доновски како и за Агенцијата за Млади и спорт и Олимпискиот комитет на С. Македонија за посебен придонес во реализација и афирмација на кајкарскиот спорт во Репубика Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Владата гради посилна економија, просечната нето-плата зголемена за скоро 8000 денари

Владата предводена од ВМРО-ДПМНЕ покажува дека економската политика дава резултати. Стандардот на граѓаните постојано се подобрува, а платите континуирано растат.

Македонската економија бележи стабилен раст веќе 7 квартали по ред, со БДП од 3%, што е јасен показател дека земјата е на вистинскиот пат.

Резултатот на конкретната и посветена политика на Владата ги става граѓаните на прво место, се покачија платите на просветните работници, здравствените работници, припадниците на полицијата и одбраната.

Бројките го потврдуваат ова. Просечната нето-плата пораснала од 40.496 денари на 48.433 денари за само две години, зголемување од 19,6%. Дури и кога ќе се земе предвид поскапувањето, реалната куповна моќ на граѓаните е значително зголемена, односно платите растат побрзо од цените.

Оваа позитивна тенденција не е ограничена само на одредени сектори, раст бележат информациите и комуникациите, транспортот, рударството, недвижностите, и многу други дејности, што покажува дека напредокот е широк и го опфаќа целото општество.

Инфлацијата се стабилизира, економијата расте, а платите продолжуваат нагорна патека. И ова е само почетокот, ВМРО-ДПМНЕ останува посветена на уште подобри економски резултати во иднина.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Тендер коалицијата се префарба - стари министри, нови криминални тендери

Организираната криминална група ВМРО и нејзината тендер коалиција со ЗНАМ завршија со првичните разговори за реконструкција на Владата. Сега следуваат „финални консултации“.

Преведено на јазикот на реалноста: тендер коалицијата се префарба за да продолжи со истата политика на криминални тендери, задолжувања и изолација.

ЗНАМ, приватно здружение на Максим Димитриевски финансирано од Мицкоски, како партнер кој повеќе не постои во вистинска смисла на зборот, сега треба да се појави со „нови“ лица.

Прашањето е: кого да вметнат кога веќе нема никого? Можеби Максо? Тој е нов.

Целта на оваа реконструкција не е подобра Влада. Целта е мачкање очи на граѓаните и продолжување со криминалните тендери, зачувување на коруптивните мрежи и купување на уште малку време. Сè друго е шарена лага за граѓаните.

Додека Организираната криминална група ВМРО се занимава со преуредување на фотелји, економијата е во тешка криза.

Буџетот е пред колапс, странските инвестиции се намалени за 60%, македонските работници се со најниски плати во Европа, младите масовно ја напуштаат земјата. Нема зголемување на минималната плата на 600 евра, цените отидоа до плафон, а потрошувачката кошничка достигна 70.000 денари само за основни потреби.

Наместо да се соочат со овие проблеми, тие прават театар наречен реконструкција.

Оваа Влада не може да се реформира. Таа може само да се маскира. И токму тоа го прави сега - со нови министри од истата тендер коалиција, со истите криминални практики и со истата политика која ја турка Македонија во изолација и сиромаштија.

Граѓаните не сакаат нови министри, тие сакаат крај на криминалните тендери, крај на лажењето и крај на политиката која ја уништува државата.

Оваа Влада може да доживее реформа само кога ќе се реформира правосудството, кога ќе има европско обвинителство и кога ќе одговараат за криминал и корупција.

Таа реформа ја чекаат граѓаните и тоа време набрзо доаѓа.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Рама: Албанците од Македонија на протестите во Тирана се жртви на политички каравани

Албанскиот премиер Еди Рама, го критикуваше учеството на Албанците од Косово и Македонија на протестите организирани против него на движењето „Фламинго револуција“.

Митинг беше обележан со масовно учество на Албанци од дијаспората, кои во голем број се придружија на маршот кон зградата на владата во Тирана. Рама ги критикуваше организаторите кои, според него, донеле Албанци од Приштина и од Тетово на протестите, а учесниците ги нарече „жртви на политички каравани“.

„Албанците од Македонија не се дијаспора на Албанија на туѓа територија. Заедно со Македонците, тие се составен народ во својата земја. Дијаспората се емигранти кои живеат во странски земји, а не тие, ниту Албанците од косово, кои имаат своја независна држава“, напиша Рама во објава на социјалните мрежи. Албанија 20-на дена се соочува со континуирани протести, предизвикани од контроверзен проект поврзан со планираната изградба на луксузен туристички комплекс поврзан со зетот на претседателот на Соединетите Американски Држави, Доналд Трамп, Џаред Кушнер.

Тагови: Еди Рама

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.