Ана Брнабиќ е избрана за претседателка на српскиот парламент, опозицијата ја напушти салата - Канал 5

Балкан

Ана Брнабиќ е избрана за претседателка на српскиот парламент, опозицијата ја напушти салата

Актуелната српска премиерка Ана Брнабиќ денеска е избрана за претседател на српскиот парламент, во продолжение на бурната тридневна конститутивна седница која повремено беше на раб на физички конфликт.

Ана Брнабиќ е избрана за претседателка на српскиот парламент, опозицијата ја напушти салата

Ана Брнабиќ беше предложена од владејачката коалиција предводена од Српската напредна партија (СНС), а и покрај категоричното противење на опозицијата, за неа гласаа 153 од вкупно 250 пратеници во српскиот парламент, објави Индекс.

Гласањето беше јавно, при што беа повикани поединечно пратениците, а опозицијата предвреме ја напушти салата, со исклучок на петмина претставници од листата „Ние - гласот на народот“ на контроверзниот лекар Бранимир Несторовиќ, кои гласаа против изборот на Брнабиќ.

Бурната тридневна дискусија, главно надвор од дневниот ред на седницата, се одвиваше со приговори на опозицијата и размена на остри зборови со владејачката партија - од обвинувања за изборна кражба и последователно запишување во избирачкиот список до тоа кој и како го „изневерил Косово“ и националните интереси, кој е корумпиран, каков е учинокот на претходната влада.

Од владејачката партија, пак, ја обвинија опозицијата дека работи против интересите на нивната земја со поднесување претставки до меѓународните институции за кражба на изборите.

Во низата забелешки со кои се оспорува предлогот Ана Брнабиќ да биде претседател на Собранието, опозицијата, меѓу другото, укажа и на фактот дека во седумте години од нејзиниот мандат на чело на владата, јавниот долг се зголемил од 24,2 на 36,4 милијарди евра и дека кредитите на граѓаните се зголемиле од 6,8 на 12,6 милијарди евра и дека инфлацијата била многукратно повисока од официјално објавената од Владата.

Шефот на претставничката група на СНС, Миленко Јованов, изјави дека нема основани критики од опозицијата кои би ја дисквалификувале Ана Брнабиќ да биде шеф на парламентот, „бидејќи такви работи нема“. „Имаше само повторени хакирани фрази“, рече Јованов.

Конституирањето на парламентот, заедно со потврдувањето на претставничките мандати на новиот собраниски состав, почна на 6 февруари, а по две одложувања продолжи во понеделник. Но, гласањето за Брнабиќ започна дури денеска.

Српската напредна партија победи на предвремените избори на 17 декември минатата година, за кои опозицијата тврди дека биле наместени со бројни злоупотреби, особено во Белград.

Прогресивците освоија 129 од 250 места во државниот парламент, а со 18-те мандати на нивните претходни коалициски партнери, социјалистите (СПС) на Ивица Дачиќ и Алијансата на Унгарците од Војводина (СВМ), имаат удобно мнозинство со поддршката на неколку малцински листи.

Конституирањето на парламентот е предуслов за формирање на нова влада. Претставникот на кој ќе му биде доверен да го предложи неговиот состав се уште не е предложен, иако рундата консултации со претседателот на Србија, Александар Вучиќ е затворена. Опозицијата не учествува на консултациите.

Конституирањето на парламентот доаѓа во време кога од српските власти се бара, по бројните приговори за регуларноста на декемвриските избори, да ги применат препораките на меѓународната набљудувачка мисија (ОДИХР) со цел да се обезбедат фер услови за идни избори, пред сѐ формирање на уреден избирачки список, откажување од официјални кампањи и рамноправна застапеност на сите учесници во медиумите, кои во најголем дел се контролирани од власта.

Резултатите од спроведувањето на вкупно 25 препораки на ОДИХР веќе можеа да се видат во кампањата за повторени избори во Белград, најавени за 2 јуни, кои ќе ги распише претседателот на Собранието.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Насилство низ Европа по натпреварот меѓу Мароко и Франција- полицајци спасуваат жива глава (ВИДЕО)

Фудбалската репрезентација на Франција го победи Мароко со 2:0 во четвртфиналето на Светското првенство. 

Насилство низ Европа по натпреварот меѓу Мароко и Франција- полицајци спасуваат жива глава (ВИДЕО)

Французите славеа со головите на Килијан Мбапе и Усман Дембеле. Во полуфиналето, Франција го чека подобриот од Шпанија и Белгија, кои ќе играат вечерва во 21:00 часот.

По победата на Франција, низ цела Европа избувнаа немири, главно предизвикани од Мароканци. Беше многу интензивно во Лондон, каде што полицајци беа снимени како бегаат од група демонстранти во претежно муслиманска населба. Еден полицаец беше повреден. Некој го удрил со шише во главата.

Демонстрантите, исто така, се побунија во Париз, каде што беа измешани навивачи на Франција и Мароко. Ова видео покажува како тие нападнаа полициско возило. Француската влада мобилизираше 20 илјади полицајци низ целата земја, од кои осум илјади само во Париз.

Напади врз полицајци низ Европа

Странските медиуми известуваат за немирите во холандските градови Амстердам, Ротердам, Хаг и германскиот Дизелдорф. Во Хаг, навивачите на Мароко фрлаа стаклени шишиња кон полицијата, а Амстердам објави дека се уапсени најмалку осум лица. Во Диселдорф, тројца полицајци беа повредени од пиротехнички средства фрлени кон нив од страна на мароканските навивачи.

Тагови: полицајци Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

ОЈО: Се проширува истрагата за ботоксите- приведени се три лица, од кои двајца доктори

Приведени се три лица, од кои двајца доктори.

ОЈО: Се проширува истрагата за ботоксите- приведени се три лица, од кои двајца доктори

Во рамките на истражната постапка што ја води предметен јавен обвинител од Основното јавно обвинителство за гонење на организиран криминал и корупција, а која се однесува на организирана криминална група инволвирана во нелегален увоз, дистрибуција и апликација на медицински лекови и медицински помагала, во текот на вчерашниот ден беа реализирани претреси на пет локации во Скопје, меѓу нив и на две здравствени установи. При тоа, се приведени три лица, од кои двајца доктори.

Врз основа на прибраниот доказен материјал, јавниот обвинител донесе Наредба за спроведување истражна постапка против четири лица. Тројца осомничени се товарат за кривичните дела „злосторничко здружување“ и „повреда на права од индустриска сопственост и неовластена употреба на туѓа фирма“, додека едно лице е осомничено за кривичното дело „повреда на права од индустриска сопственост и неовластена употреба на туѓа фирма“.

По предлог на надлежниот јавен обвинител, на сите четворица осомничени судијата на претходна постапка при Основниот кривичен суд Скопје им определи мерки на претпазливост.

Предметот е оформен во април годинава кога беше донесена Наредба за спроведување на истражна постапка против 17 физички и шест правни лица за кои постои основано сомневање дека се инволвирани во извршување на кривичните дела „злосторничко здружување“, „повреда на права од индустриска сопственост и неовластена употреба на туѓа фирма“ и „примање поткуп“.

Истрагата продолжува во насока на целосно расчистување на сите околности на случајот и утврдување на евентуална инволвираност и на други лица, соопштуваат од Обвинителството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пратеничката група на ВМРО-ДПМНЕ порасна на 59: Партијата на Турците влегува во власта со министерско место

Пратеникот од Демократската партија на Турците се приклучи кон ВМРО-ДПМНЕ, со што владејачкото мнозинство сега брои 59 пратеници. 

Пратеничката група на ВМРО-ДПМНЕ порасна на 59: Партијата на Турците влегува во власта со министерско место

Парламентарното мнозинство доби уште еден пратеник - Демократската партија на Турците се приклучи кон коалицијата предводена од ВМРО-ДПМНЕ, со што оваа пратеничка група сега ќе брои 59 пратеници. ДПТМ ќе добие министерско место во Владиниот кабинет како и раководни позиции во одредени институции, најави премиерот Христијан Мицкоски.

„Членот во Владиниот кабинет и неговите обврски ќе бидат претставени пред јавноста и парламентарците следната недела. Ќе има поголем опсег портфолиото на членот на Владата кој што доаѓа од ДПТМ, ќе опфаќа повеќе области, но нема да застанеме тука. Јас очекувам дека ДПТМ ќе предложи сериозни кандидати кои што ќе бидат дел од другите институции и ќе предводат други институции.“

Името на новиот министер ќе биде познато следната недела, а коалициската соработка со ДПТМ ќе важи и за следните изборни циклуси, посочи премиерот. ДПТМ во Собранието е застапена преку пратеникот Бејџан Иљаз, кој беше избран како дел од Европскиот фронт предводен од ДУИ. Сепак, партискиот лидер Зулфикар Зејнула, вели дека политичкото партнерство со ЕП е раскинато уште пред локалните избори и оттогаш во Собранието дејствуваат независно.

„Ние со Европскиот фронт пред година дена раскинавме договор, пред локални избори и година дена ДПТМ и во парламентот бевме како независна партија а исто така и во парламентот делувавме со пратеникот како независна партија. Затоа, не дека се направи пресврт, туку сега успеавме да се договориме и сега се направи коалиција со ВМРО-ДПМНЕ за долги, долги години.“

Реконструкцијата на Владата се очекува да заврши следната недела најпрвин со разрешување на дел од акутелните а потоа и со гласање на новите осум министри.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер