Американските сили ги нападнале трите главни нуклеарни постројки на Иран: Натанц, Исфахан и Фордо - Канал 5

Свет

Американските сили ги нападнале трите главни нуклеарни постројки на Иран: Натанц, Исфахан и Фордо

„Фордо, Натанс и Исфахан не постојат“ – изјави претседателот Доналд Трамп по синоќешниот жесток напад на САД врз трите главни нуклеарни постројки на Иран. 

Американските сили ги нападнале трите главни нуклеарни постројки на Иран: Натанц, Исфахан и Фордо

Американските стелт бомбардери Б-2 исфрлија шест „уништувачи на бункери“ – единствените бомби кои можат да пробијат во длабочините на постројката „Фордо“, т.н. крунски бисер на нуклеарната програма Техеран. Нападите беа спектакуларен успех, кажа Трамп, кој не ја исклучи можноста да има нови...

-Нашата цел беше уништување на иранските капацитети за нуклеарно збогатување и запирањето на нуклеарната закана од држвата која е најголемиот светски спонзор на тероризмот. Иран, силеџијата на Блискиот Исток, сега мора да склучи мир. Доколку не го направат тоа, идните напади ќе бидат далеку поголеми и многу полесни. - Доналд Трамп – Претседател на САД

Како, „Прекрасен и праведнички напад, кој ќе ја промени историјата“ го оцени американското бомбардирање израелскиот премиер Нетанјаху. Според него, ниту една држава нема капацитет да изведе ваков напад.

-Историјата ќе забележи дека претседателот Трамп делуваше да му се спротивстави на најопасниот светски режим, на најопасните светски оружја. Неговото водство денеска создаде историска пресвртница која ќе го води Блискиот Исток и пошироко во иднина на просперитет и мир. Претседателот Трамп и јас често велиме „ до мир преку сила, прво доаѓа силата, а потоа мирот“.

Според Техеран, американското бомбардирање порачаа ќе создаде трајни последици, а од таму веднаш возвратија со Балистички ракети Корамшар – 4 кон Тел Авив, силно оружје кое за прв пат се користи од почетокот на конфликтот, а кое според иранските власти успешно ја пробила израелската одбрана.

Иранскиот министер за надворешни работи – Абас Арагчи побара реакција од ОН. Тој од Истанбул порача дека Трамп го предал Иран, но и американските граѓани влегувајќи во конфликтот.. Дипломатската врата вели не е затворена, а за евентуален ирански одговор кон САД не сакаше да говори...

-Претседателот Трамп беше избран врз платформа дека ќе стави крај на скапите американски бескрајни војни во нашиот дел од светот, тој не го предаде само Иран, злоупотребувајќи ја нашата посветеност кон дипломатија, но исто така ги измами неговите гласачи приклучувајќи се на мисијата на баран воен криминалец, кој се навикнал да ги експлоатира животите и богатството на американските граѓани за да ги унапреди целите на израелскиот режим. - Абас Арагчи – Министер за надворешни работи на Иран

Нападот на САД создаде нова глобална загриженост.. Европските високи претставници, кои за утре најавија министерски состанок, повикаа на воздржаност, прекин на огнот и враќање на преговарачката маса.

По бомбардирањето се огласи и екс-рускиот претеседател и премиер Медведев, кој оцени дека по нападот на САД, постои расположение кај многу земји директно да го снабдат Иран со нуклеарно оружје, но не откри кои.. Според него, бомбардирњето на нуклеарните постојки направило штети, но не големи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски во Њујорк на говорот на Руте по повод 25- годишнината од нападите на 11 септември

Премиерот Христијан Мицкоски денеска во Њујорк присуствуваше на говорот на генералниот секретар на НАТО Марк Руте по повод 11 септември.

Мицкоски во Њујорк на говорот на Руте по повод 25- годишнината од нападите на 11 септември

Говор на генералниот секретар на НАТО, Марк Руте, по повод одбележувањето на 25 години од нападите на 11 септември 2001 година врз Соединетите Американски Држави и првата и единствена примена на членот 5 од Северноатлантскиот договор (НАТО), објави на ФБ премиерот Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Хаос во Боливија: Голман не сака да брани пенал (ВИДЕО)

Неверојатни сцени се видени на натпреварот од Купот на Боливија помеѓу Атлетико Индепендиенте Кочабама и Вилстерман Кооператива.

Хаос во Боливија: Голман не сака да брани пенал (ВИДЕО)

При нерешен резултат 2-2 во судиското продолжение, домашниот тим притискаше силно, но аргентинскиот голман на гостинскиот тим успеа да го спаси својот гол со три спектакуларни одбрани.

Сепак, и покрај ова, главниот судија Карлос Артеага досуди пенал за Индепендиенте, по што на теренот избувна општа врева. Следеше пауза од речиси дваесет минути, за време на која револтираните гости протестираа и го убедија судијата да ја промени својата одлука, но тој остана непомирлив.

Потоа во центарот на вниманието се најде голманот на Вилстерман, Густаво Тесоноте, кој одлучи да го бојкотира изведувањето на најстрогиот пенал во знак на протест. Неговиот револт се манифестираше со прво свртување на грбот кон теренот, а потоа ноншалантно потпирање на стативата, мирно гледајќи го Ернест Адири како постигнува гол и му носи триумф на домашниот тим.

Овој необичен инцидент брзо стана вирален на интернет, алармирајќи ја Боливиската фудбалска федерација и локалната судиска организација да преземат итни мерки. Подоцнежната анализа потврди дека нема прекршок што заслужува највисока казна, што резултираше со суспензија на судијата на неодредено време.

Тагови: Боливија голман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре врнежливо и постудено време со температури од 4 до 23 степени

Утре времето ќе биде облачно и постудено со повремени врнежи од дожд кои ќе продолжат и во текот на ноќта, информираат од УХМР.

Утре врнежливо и постудено време со температури од 4 до 23 степени

МАКСИМАЛНА ТЕМПЕРАТУРА (во оС)

11 Попова Шапка, 14 Крушево, 18 Берово, 19 Претор, Маврови Анови, 20 Крива Паланка, Прилеп, 21 Охрид, Битола, Виница, 22 Тетово, Штип, 23 Кавадарци, 24 Скопје-Петровец, Скопје-Зајчев Рид, Велес, Демир Капија, Струмица, 25 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Утрото беше ведро и студено, а во текот на денот сончево со мала до умерена локална облачност. Дуваше слаб до умерен ветер претежно од западен и северозападен правец.

Во вечерните часови облачноста постепено ќе се зголемува и во текот на ноќта ќе преовладува облачно време. Ќе дува слаб ветер од променлив правец.

ВРЕМЕТО УТРЕ

Облачно и постудено со повремени врнежи од дожд кои ќе продолжат и во текот на ноќта. Врнежите наместа ќе бидат пообилни (над 30 l/m²). Ќе дува слаб до умерен ветер од југоисточен правец.

Минималната температура ќе биде во интервал од 4 до 13, а максималната ќе достигне од 15 до 23 степени.

Во Скопје, облачно и постудено. Попладне и во текот на ноќта ќе има повремени врнежи од дожд. Во делови од котлината врнежите ќе бидат со умерен до повремено засилен интензитет. Ќе дува слаб до умерен ветер од променлив правец. Минималната температура ќе се спушти до 9, а максималната ќе достигне до 18 степени.

ВРЕМЕТО ВО НАРЕДНИТЕ ДЕНОВИ

Во сабота ќе се задржи постудено време, а претпладне ќе има повремени локални врнежи од дожд. Потоа следува период на променливо облачно и потопло време со сончеви периоди. Наместа ќе има зголемена облачност и услови за повремен дожд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер