Во извештајот се проценува дека коронавирусот не бил развиен како биолошко оружје.
Тие наведуваат и дека постои можност никогаш со сигурност да не го утврдат потеклото на вирусот.
Природното потекло и истекувањето од лабораторијата се убедливи хипотези за тоа како Ковид-19 прво ги заразил луѓето, но аналитичарите не можат да се договорат за тоа што е поверојатно и дали воопшто може да се направи конечна проценка, се вели во извештајот на ОДНИ.
Извештајот, исто така, ја отфрла сугестијата дека коронавирусот настанал како биолошко оружје и се наведува дека поборниците на оваа теорија „немаат директен пристап до Институтот за вирологија во Вухан“ и се обвинети за ширење дезинформации.
Извештајот е производ на 90-дневна ревизија објавена од администрацијата на американскиот претседател Џо Бајден во август, во услови на интензивни политички судири околу тоа дали да се обвини Кина за глобалната пандемија и до кој степен, или владите кои можеби не реагирале доволно брзо за да се заштитат нивните граѓани.
Во извештајот на ОДНИ се наведува дека четири американски разузнавачки агенции и тело кое обединува повеќе агенции имаат „ниско ниво на доверба“ дека „Ковид-19“ потекнува од заразено животно или поврзан вирус.
Но, една агенција смета дека има „умерена доверба“ дека првата човечка инфекција со Ковид-19 најверојатно била резултат на лабораториска несреќа, која најверојатно вклучувала експериментирање врз животни во Институтот за вирологија во Вухан.
Американските разузнавачки агенции веруваат дека нема да можат да дадат попрецизно објаснување за потеклото на ковид-19 без нови информации кои укажуваат дека вирусот поминал специфичен пат од животните до луѓето или дека лабораторија во Вухан работела на вирусот или сроден вирус на ковид-19.
Во извештајот се наведува дека на американските агенции и на глобалната научна заедница им недостигаат „клинички примероци или целосно разбирање на епидемиолошките податоци од најраните случаи на Ковид-19“ и дека овој извештај може да се преиспита доколку се појават повеќе докази.
Кина се соочи со меѓународни критики дека не соработува поактивно во истрагите за потеклото на актуелниот коронавирус.
Кинеската амбасада во Вашингтон не одговорила веднаш на барањето за коментар.