Американски мултимилионер (78) е осуден на доживотен затвор- со години убивал

Богатиот американски наследник Роберт Дарст, познат по документарецот на телевизијата HBO, е осуден на доживотен затвор во судот во Лос Анџелес без можност за помилување, за убиство на неговиот најдобар пријател.

Мултимилионерот (78) е прогласен за виновен во септември за убиство на неговата пријателка Сузан Берман во нејзиниот дом во Беверли Хилс во 2000 година, за да ја спречи да и каже на полицијата за исчезнувањето на неговата сопруга Кетлин две децении претходно.

„Тоа злосторство е убиство на сведок“, рече судијата Марк Виндам пред изрекувањето на пресудата.

„Таа околност во голема мера го отежна тоа страшно и вознемирувачко злосторство“, додаде судијата.

Судијата го одбил барањето на одбраната за ново судење, оценувајќи дека има доволно застрашувачки докази за неговата вина.

Судот го сослушал и синот на жртвата. Роднините на Сузан Берман го молеле на суд да каже каде е телото на неговата сопруга Кетлин.

Тој се изјаснил за невин.

За време на судењето, Роберт Дарст, седел речиси неподвижен во својата инвалидска количка.

Обвинителите веруваат дека Сузан Берман му помогнала на Роберт Дурст да ја прикрие неговата улога во убиството на неговата сопруга Кетлин и дека Дарст ја убил Берман за да ја спречи да им каже на полицајците во Њујорк, кои го истражуваат исчезнувањето на неговата сопруга во 1982 година.

Црната овца на едно од најголемите њујоршки семејства, Роберт Дарст, е уапсен во март 2015 година, пред емитувањето на последната епизода од биографскиот документарен филм во шест дела на ХБО „Џинкс“.

Серијата се занимавала со уште една крвава епизода од животот на Роберт Дарст, убиството на сосед кога подоцна го распарчил и го фрлил во морето. Тој бил ослободен од обвинението за кривичното дело, благодарение на армијата најскапи адвокати кои го бранеле врз основа на различни аргументи, вклучувајќи легитимна одбрана, случајно испукување на куршум и дела извршени под дејство на алкохол.

Во документарниот филм „Џинкс“, се чинело дека Дарст ненамерно ја признал вината, кога промрморе во себе додека бил во тоалет и неговиот безжичен микрофон не бил исклучен: „Што направив, очигледно ги убив сите“.

Видео-Фото: Ибра како вистински борец

Еден од најдобрите светски фудбалери во последните две децении, асот на Милан Златан Ибрахимовиќ покажа дека и со 40 години е вистински „ѕвер“.

Популарниот Ибра покажа дека со право не само што е мајстор со фудбалската топка дека е мајстор и во боречките вештини.

Шведскиот фудбалер со потекло од Балканот покажа и докажа зошто е носител и на црн појас.

Ибра како вистински ММА борец ја растури боксерската вреќа.

За Златан дефинитивно годините се само бројка.

Заради промоција на спортот, Златан има почесен црн појас во теквондо, кој во 2010 година му го додели олимпискиот шампион Мауро Сармиенто. Повеќе од десет години подоцна, Ибрахимовиќ се уште удира многу силно.

Најпродаваните автомобили во Европа

Со години првото место беше резервирано за „Volkswagen Golf“, а во октомври не е ниту меѓу првите десет во Европа, според „JATO Dynamics“.

Нарушувањата во производството на нови автомобили поради недостаток на чипови се веќе познати и поради тоа фаворитите во продажба од месец во месец изгледаат поинаку. Со години првото место беше резервирано за „Volkswagen Golf“, а во октомври не е ниту меѓу првите десет во Европа, според „JATO Dynamics“.

Првото место сега го има одличниот мал „SUV Peugeot 2008“ (18.109 продадени примероци), втор е „Renault Clio“ (14.639), потоа „Dacia Sandero“ (14.034), „Peugeot 208“ (13.978), на петтото место е „Ford Focus“. (12.704)…

Голфот испадна од првите десет - продадени се нешто повеќе од 11.000 возила. Поради недостиг на чипови, фабриката на Фолксваген во Волфсбург, Германија, работи на ниво кое не е забележано од 1958 година, пишува магазинот ХАК.

Санкционирани 78 возачи на автопат Велес – Скопје – Куманово

 На автопатот Велес – Скопје – Куманово при зајакната акциска контрола денеска се санкционирани 78 возачи кои возеле со брзина поголема од дозволената, информираат од Министерството за внатрешни работи.

Од нив, 22 возилa се движелe со брзина над 50 километри на час повеќе од дозволеното, а шест возила се движеле со дури над 70 километри на час повеќе од дозволената брзина.

Од МВР посочуваат дека засилените акциски контроли продолжуваат и во наредните денови и апелираат до сите учесници во сообраќајот да ги почитуваат сообраќајните правила и прописи со цел заеднички придонес за побезбедни патишта.

притисни ентер