Вселенското летало вчера извршило успешен маневар, активирајќи ги придвижувачите за да може сондата да ја однесе на точната траекторија кон Земјата. Инженерите од Центарот Локид Мартин во Литлтон, Колорадо, потврдија дека поттикнувачите работеле седум минути.

Пред неа е голема оддалеченост што мора да ја помине пред да слета во пустината во Јута на 24 септември 2023 година, каде ќе испушти капсула полна со примероци од астероидот Бенну. Така, сондата ја очекува двегодишно патување за време на кое ќе помине растојание од 2,3 милијарди километри.

„Озирис-Рекс“ се оддалечува од Бенну со брзина поголема од 600 милји на час на пат кон дома”, рече Данте Лаурета, шефот на мисијата, во видео преносот на НАСА. Сондата од астероидот носи повеќе од 60 грама примероци.

Вселенското летало било лансирано кон астероидот Бенну од Флорида во 2016 година, а за да ја постигне поставената цел, влезе во неговата орбита во октомври 2020 година, со што стана првото вселенско летало што кружело околу астероидот. Потоа започнала операција со висок ризик.

Сондата постепено се приближуваше до астероидот и ја прошири својата роботска рака со уред за земање мостри. Неколку секунди стапи во контакт со астероидот кога уредот ја допре неговата површина и предизвика експлозија на компримиран азот, доволно силен за да крене прашина од површината, која потоа беше заробена во посебен резервоар.

Научниците од НАСА биле изненадени кога откриле дека роботската рака потонала неколку инчи во површината на астероидот, што сугерира дека „површините на таквите астероиди можат да бидат прилично меки“, рече Лаурета.

Токму поради ова, се собрани повеќе примероци отколку што првично било планирано, па капакот на резервоарот се заглавил. Мисијата речиси не успеала.

Но, инженерите на крајот успешно го затвориле и ги сместиле скапоцените примероци во капсулата прикачена во центарот на леталото.

Озирис-Рекс неколку месеци останал со астероидот Бенну, каде што го проучувал кратерот на површината и сега конечно се враќа на Земјата.

Откако ќе ја испушти капсулата во атмосферата на Земјата и ќе слета во областа Јута, леталото ќе остане во вселената, а доколку му остане доволно гориво, НАСА би можела да го испрати во нова мисија.

Откако ќе се најдат на Земјата, примероците ќе бидат пренесени во вселенскиот центар на НАСА, Џонсон во Хјустон, но научниците ќе анализираат само 25 проценти, а останатите 75 проценти ќе останат недопрени, така што идните генерации експерти од целиот свет ќе можат да ги проучуваат со помош на понапредна технологија, соопшти агенцијата.

Анализата треба да им помогне на научниците подобро да го разберат потеклото на Сончевиот систем и развојот на Земјата како планета на која што може да се живее.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.