Американска суперѕвезда е исфрлен од авион- не можеле да го разбудат за да си го врзе појасот - Канал 5

Други спортови

Американска суперѕвезда е исфрлен од авион- не можеле да го разбудат за да си го врзе појасот

Одел Бекам Џуниор, суперѕвезда на американскиот фудбал и актуелен победник на Суперболот со Лос Анџелес Рамс, бил исфрлен од авион затоа што заспал пред летот и не можел да се разбуди кога му било побарано да го врзе појасот.

Американска суперѕвезда е исфрлен од авион- не можеле да го разбудат за да си го врзе појасот

Екипажот на авионот се правдал дека се плашел за неговото здравје, а Бекам на крајот бил изведен од леталото од страна на полицијата.

Авионот на Американ ерлајнс бил подготвен да полета од Мајами до Лос Анџелес, но се вратил од пистата до аеродромот и сите патници се симнале пред Бекам Џуниор да го напушти без отпор, во придружба на полицијата. Неговиот адвокат Даниел Давилиер го нарече инцидентот непотребен и ја обвини стјуардесата за преголема ревност, додавајќи дека Бекам ниту се спротивставил, ниту се расправал.

"Летот беше одложен по качувањето и пред полетувањето. Бекам заспа со ќебе над главата, што е нормално при долгите летови. Го разбудиле и му рекле дека авионот се вратил на аеродромот и дека мора да се симне бидејќи не се закопчал кога било побарано“, се вели во официјалното соопштение на адвокатот.

„Премногу ревносната стјуардеса инсистираше сите да се симнат наместо едноставно да му дозволат на Бекам да се закопча и да продолжи со летот. Бекам во ниту еден момент не се спротивстави или расправаше, тој беше подготвен да се закопча, но стјуардесата сакаше да го потврди својот авторитет и да го отстрани Бекам од летот“.

Американ ерлајнс во извештајот навеле дека патник кој „не ги следел упатствата на член на екипажот и одбил да го стави појасот“ бил отстранет од летот за Лос Анџелес. Полицијата соопшти дека екипажот, откако не успеал да го разбуди Бекам Џуниор, се загрижил за неговото здравје.

- Плашејќи се дека Бекам е тешко болен и дека неговата состојба може да се влоши за време на петчасовниот лет, екипажот повикал полиција и противпожарна бригада, соопшти полицијата.

Откако Бекам Џуниор излегол од авионот, останатите патници се вратиле и авионот полетал за Лос Анџелес. Бекам набрзо се појавил на Твитер со смешни емотикони и порака: „Никогаш не сум доживеал она што предмалку ми се случи. А сум видел сѐ“.

Бекам Џуниор на почетокот на годината при победата на Овните во Суперболот тешко го повреди коленото од што се уште не се опоравил. По Суперболот му истече договорот и се уште е без клуб.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Трет пат за неколку дена авион Ф-16 соборува дронови, што навлегле во воздушниот простор на Романија

Романски борбен авион Ф-16 собори дрон кој влегол во воздушниот простор на земјата без дозвола, соопшти денес Министерството за одбрана во Букурешт, што е трет ваков инцидент за два дена, објави Ројтерс.

Трет пат за неколку дена авион Ф-16 соборува дронови, што навлегле во воздушниот простор на Романија

„Дронот беше безбедно соборен, на 12 километри од градот Сулина, во националниот воздушен простор, над територијалните води“, се вели во соопштението на министерството.

Властите вчера исто така соопштија дека е соборен еден дрон кој го нарушил воздушниот простор на Романија над ретко населена област во близина на границата со Украина.

Сличен инцидент се случи на 24 јули, кога дрон влезе во романскиот воздушен простор без дозвола над ненаселена област во округот Бузау.

Тагови: дрон Романија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Пирло нема да застане на чело на италијанската репрезентација- имал спорен договор со Русија

Андреа Пирло (47) се согласи да ја преземе италијанската репрезентација, но официјалната потврда сè уште не е пристигната. 

Пирло нема да застане на чело на италијанската репрезентација- имал спорен договор со Русија

Помеѓу поранешниот одличен играч од средниот ред и изборната клупа беше неговата соработка со Фонбет, голема руска компанија за обложување, што го претвори случајот во политичка и репутациска контроверзност.

Според информациите од италијанските медиуми, Пирло се договорил со Италијанската фудбалска асоцијација за четиригодишен договор вреден околу 1,5 милиони евра по сезона, со бонуси. Тој беше избран откако Пеп Гвардиола ја одби понудата, а проектот треба да трае најмалку до Светското првенство во 2030 година. Ројтерс објави дека ФИГЦ сè уште официјално не го потврдила договорот.

Пирло е амбасадор на рускиот бренд за обложување

Пред да потпише, Пирло мора да биде ослободен од договорот со Јунајтед ФК, клуб од Дубаи кој се натпреварува во втората лига на фудбалот на Обединетите Арапски Емирати. Сепак, во последните денови, неговата соработка со Фонбет, чиј глобален амбасадор е, стана многу поголем проблем.

Претседателот и сопственик на Јунајтед ФК, Сергеј Ломакин, има значајни деловни интереси во Фонбет, а со ангажирањето на Пирло, клубот го искористи неговото глобално признание за промоција на обложувалницата. На крајот на мај, Пирло учествуваше на фудбалскиот настан на Фонбет во Москва, што предизвика критики поради руската инвазија на Украина.

Самата соработка не беше нелегална. Како независен професионалец, на Пирло му беше дозволено да склучи комерцијален договор со Фонбет, а секторот за обложување не е опфатен со санкциите на Европската Унија. Сепак, должноста на италијанскиот тренер е некомпатибилна со активен договор за рекламирање со обложувалницата, па затоа тој ќе мора да ја прекине таа соработка пред да потпише со ФИГЦ.

Италијанските политичари бараат прекин на соработката

Случајот предизвика реакции од италијанските политичари. Лидерот на партијата Азионе, Карло Календа, рече дека луѓето кои учествувале во руската пропаганда по 2022 година не треба да бидат на национални функции.

На критиките се придружи и потпретседателката на Европскиот парламент, Пина Пичиерно, која смета дека Пирло, со својот углед, учествувал во нормализацијата на режимот на Владимир Путин. Бенедето Дела Ведова од партијата +Европа побара да се раскине договорот со Фонбет, додека Мауро Беруто од Демократската партија нагласи дека самата поврзаност на идниот селектор со индустријата за обложување е проблематична.

Поради притисокот од јавноста, се појавија информации дека претседателот на ФИГЦ, Џовани Малаго, го преиспитува назначувањето. „Кориере дела Сера“ пишува дека Пирло ги сметал критиките на политичарите за лицемерни и инструментализирани, но исто така дека е свесен дека неговиот договор сега е во опасност. „Ла Република“ исто така наведува дека соработката со руска компанија би можела да го попречи назначувањето.

Адвокатите се убедени дека назначувањето не е во опасност

Адвокатите на Пирло тврдат дека нема законска пречка. Според „Газета дело Спорт“, договорот со Фонбет содржи клаузула што дозволува раскинување во секое време и без исплата на надомест. Неговите правни застапници исто така работат на раскинување на неговиот договор со Јунајтед ФК и се уверени дека потоа ќе може да потпише за Италијанската фудбалска федерација.

Сепак, конечната одлука сè уште не е објавена. „Газета“ наведува дека контроверзноста веројатно нема да ги промени плановите на ФИГЦ, но дека ако договорот не успее, имињата на Антонио Конте и Роберто Манчини ќе бидат повторно отворени.

Пирло играше 116 пати за Италија и беше еден од клучните играчи во тимот што го освои Светското првенство во 2006 година. Како тренер, тој го водеше Јувентус, со кого го освои Купот на Италија и Суперкупот, а работеше и во „Фатих Карагумрук“, „Сампдорија“ и „Јунајтед ФК“.

Тагови: Андреа Пирло

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Најмалку петмина загинати во страшна сообраќајка во Анталија, трудница меѓу повредените (ВИДЕО)

Во страшна сообраќајна несреќа што се случи во населбата Манавгат во Анталија, Турција, пет лица го загубија животот кога нивниот автомобил падна во клисура. 

Најмалку петмина загинати во страшна сообраќајка во Анталија, трудница меѓу повредените (ВИДЕО)

Двајца повредени се однесени во болница, од кои едната е наводно бремена жена , објави Хабер.

Голема трагедија се случи кога автомобил изгуби контрола и падна во клисура во населбата Манавгат во Анталија. Според првичните информации, пет од седумте лица во возилото го загубија животот, додека две се тешко повредени.

Несреќата се случила на патот Ташагил - Деребучак, во близина на населбата Бејдигин. Автомобилот, кој ја изгубил контролата од возачот, паднал во клисура покрај патот.

5 лица го загубија животот

Откако граѓаните што ја виделе несреќата ја пријавиле во центарот за итни повици 112, на местото на настанот биле испратени медицински екипи, пожарникари, членови на AFAD и жандармеријата. Екипите што се спуштиле во бездната и веднаш стигнале до возилото утврдиле дека пет лица во автомобилот го загубиле животот.

Двете лица што биле повредени во несреќата биле префрлени во болница со брза помош откако добиле прва помош на лице место.

Гувернерот на Анталија, Хулуси Шахин, во својата изјава во врска со несреќата изјави дека во возилото имало вкупно седум лица, од кои пет починале.

Гувернерот Шахин изјави дека една од повредените лица префрлени во болница била бремена и истакна дека екипите продолжуваат со истрагата и спасувачката работа на местото на настанот.

Тагови: Анталија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер