Американка е пуштена на слобода по 13 години затвор- докажано е дека не е виновна - Канал 5

Свет

Американка е пуштена на слобода по 13 години затвор- докажано е дека не е виновна

Кимберли Ханзлик (59) од Њујорк не можеше да ги контролира емоциите кога по долги 13 години била ослободена од затворот во кој била толку долго, иако била неправедно осудена.

Американка е пуштена на слобода по 13 години затвор- докажано е дека не е виновна

Таа липаше, плачеше, беше во шок - мешавина од тага, солзи радосници и чувство на олеснување.

Судот во Бронкс нареди нејзино ослободување откако новите докази покажаа дека, спротивно на тогашната пресуда, таа нема никаква врска со нарачаното убиство во Бронкс што се случило пред 25 години.

„Веднаш знаевме дека е невина“, изјави нејзиниот адвокат Ирвинг Коен за New York Post. Тој бил клучен во нејзиното ослободување и рече дека Кимберли Ханзлик реагирала „навистина емотивно“ на ослободувањето.

Во 2011 година, Кимберли Ханзлик била осудена на 20 години затвор. Судот, врз основа на доказите во тоа време, утврдил дека Кимберли го дала клучниот совет што довело до убиството на семејниот човек Џозеф Браун во Њујорк во март 1999 година. Убиецот ја застрелал својата жртва осум пати, пишува Билд.

Во текот на истрагата било утврдено дека за време на ликвидацијата дошло до промена на идентитетот и дека не требало да биде убиен Џозеф Браун, туку неговиот брат, наркодилерот Томас Браун. Во тоа време Кимберли Ханзлик била проститутка зависна од крек, поради што нејзиниот кредибилитет бил доведен во прашање, што веројатно придонело за толку голема затворска казна.

„Госпоѓа Ханзлик помина 13 години во затвор врз основа на сведочењето на судењето кое денес веќе нема да биде веродостојно во светлината на откривањето на новите информации. Таа е апсолутно невина“, рече нејзиниот адвокат, истакнувајќи дека една од клучните точки за време на изрекувањето на пресудата било она што наводно било видено на местото на злосторството на авенијата Ист Тремонт во Њујорк.

За време на новите истраги, се појавиле докази кои покажуваат дека изјавата на клучниот сведок што првично довело до осудата на Кимберли Ханзлик била лажна. Кимберли не била на местото на злосторството, што автоматски не ја става во никаква поврзаност со убиството.

Семејството на жртвата со големо незадоволство ја примило новата пресуда и се уште тврдат дека Кимберли е виновна.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Новак Ѓоковиќ гради кула од 320 метри во Мајами (ВИДЕО)

Новак Ѓоковиќ веќе неколку години активно се префрла од тенисот на работните места што ќе ги работи по завршувањето на неговата неверојатна кариера. 

Новак Ѓоковиќ гради кула од 320 метри во Мајами (ВИДЕО)

Србинот продолжува да им пркоси на физиката и се обидува да освои уште еден голем трофеј на 39-годишна возраст.

Од друга страна, тој е вклучен и во развојот на ATMA, нов луксузен бренд на Aman Group, кој има план да направи нешто навистина големо во Мајами.

Имено, идејата е да се комбинираат сместување, спортски објекти и програми што ќе помогнат во здравјето, закрепнувањето и долговечноста. Централната фигура на сè ќе биде облакодер во Брикел, во една од најпознатите и најлуксузните области во Мајами. Се наведува дека кулата ќе достигне висина од 320 метри, што е три пати повисоко од Белградската кула...

Ѓоковиќ и Aman Group започнаа соработка во 2024 година. Српскиот тенисер треба да учествува во планирањето на програмата и идеите што луѓето ќе ги користат.

Тагови: Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Ја обновуваме жичарата, Скопје повторно ќе ужива во својот најубав поглед

Градоначалникот на Град Скопје, Орце Ѓорѓиевски, денеска направи увид во работните активности за обнова на жичарата на Водно.

Ѓорѓиевски: Ја обновуваме жичарата, Скопје повторно ќе ужива во својот најубав поглед

- Жичарата е едно од омилените скопски доживувања. Таа нѐ носи поблиску до природата и до глетката што секогаш нѐ потсетува колку е убав нашиот град. Но, при увид, беа констатирани сериозни недостатоци, последица на долгогодишното неспроведување на неопходните големи сервиси и редовното одржување од страна на претходните раководства. Беше потребен обемен и темелен зафат, занемаруван речиси една деценија. Затоа жичарата беше ставена вон функција. За мене, безбедноста на нашиот народ е пред сѐ. Тука нема компромис. Сега сме посветени на нејзината целосна реконструкција. За безбедно возење, сигурна работа и спокојство за секој посетител – изјави Ѓорѓиевски.

Градоначалникот Ѓорѓиевски истакна дека во тек се зафатите за обнова на жичарата и темелна реконструкција на кабините, а се очекува да пристигне и моторот кој е испратен на репарирање надвор од државава.

- Очекуваме за многу кратко време, веќе следниот месец, по завршувањето на работите и неопходните безбедносни проверки, жичарата повторно да ги пречека скопјани и гостите на нашиот град. Го обновуваме она што со години било запоставувано. Со одговорност, со работа и со дела. Го враќаме сјајот на Скопје рече Ѓорѓиевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Максим Димитриевски во „Само Интервју”

Почитувани, утре во Само Интервју ќе гостува лидерот на ЗНАМ и градоначалник на Куманово Максим Димитриевски.

Максим Димитриевски во „Само Интервју”

Правосудниот систем -тригер за владејачката коалиција на ВМРО-ДПМНЕ со ЗНАМ или секое чудо за три дена? Кој и зошто прави хистерија, важат ли во оваа држава законите еднакво за сите?

ЕУ челниците не’ упатуваат решение за деблокада на процесите да бараме преку Софија, како до брз излез од ќор-сокакот со Бугарија, или ќе чекаме подобри времиња?

Кој со какви очила го гледа европскиот извештај? Прави ли Владата доволно за подобрување на животниот стандард?

Може ли растечките тензии во Европа да се прелеат и во регионот?

Утре во Само Интервју кај Гоце Михајлоски гостува лидерот на ЗНАМ Максим Димитриевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер