32-годишниот Џоел Гај Џуниор го направил ова барање во вторникот пред судот во Ноксвил во американската држава Тенеси, пишува The Sun.
Гај Џуниор наводно ги убил неговите родители Џоел Гај Постариот (61) и Лиза Гај (55) во нивниот дом во 2016 година. Кривичниот суд во округот Нокс оваа недела доби два предлога од обвинетиот во кои се бара судијата да му изрече смртна казна.
„Во случај да бидам прогласен за виновен за убиство од прв степен, му давам слобода на судот да ме осуди на смрт или на доживотен затвор без можност за помилување“, наводно, напишал Гај Џуниор.
И покрај барањето за извршување, Гај Џуниор сè уште не признал дека ги убил неговите родители.
„Ова барање не е наменето како признание за вина, ниту, пак, треба неговата содржина да се толкува како доказ за вина“, додаде тој.
Полицијата во округот Нокс верува дека Џоел Гај и неговата сопруга биле убиени некаде помеѓу 25 и 26 ноември 2016 година. Нивните тела биле пронајдени распарчени, а некои делови биле чувани во пластични контејнери.
Гај Џуниор е обвинет дека се обидел да се ослободи од доказите за убиството потопувајќи делови од телото на неговите родители во киселина. Полицијата ја пронашла главата на неговата мајка во тенџере на шпоретот.
Детективот Џереми МекКорд, кој ја водел истрагата за ова двојно убиство, во 2018 година изјави дека тоа е неговото „најужасно искуство во полициските сили, односно во целиот негов живот“. Тој рече дека „имало крв насекаде, на ѕидовите и на подот“.
Според обвинителите, родителите на Гај Џуниор неколку дена пред убиството му рекле дека повеќе нема да го поддржуваат финансиски. Обвинетиот тогаш живеел во Батон Руж, Луизијана, но престојувал со неговите родители за време на Денот на благодарноста, за тие да бидат убиени ден-два по празниците.
Судењето на Гај Џуниор треба да започне на 28 септември.