И покрај тоа што на овие избори се избираат претставници во Конгресот , гувернери на сојузните држави и градоначалници , иднината на Трамп во голем дел ќе зависи од утрешните избори.
Според предвидувањата , Трамп на овие избори ќе го загуби мнозинството во Конгресот. Од друга страна , во прилог на Трамп се повеќе од добрите економски резултати, од пад на невработеноста и растот на БДП , па натаму . Тој на последните митинзи говореше за Демократите издајници и неамериканци . Неговиот предизборен спот , кој за критичарите е расистички , CNN одби да го емитува.
Доколку Трамп остане без мнозинството на Републиканците во двата дома на Конгресот , ќе има врзани раце во однос на реализацијата на своите планови.
Ваквата практика претседател на САД да остане без мнозинството во Конгресот не е невообичаена.
Она што може да го загрижи претседателот на САД е можноста двата дома на Конгресот да ја почнат процедурата за отповикување на Трамп од функцијата. Сепак за формална потврда на импичментот се потребни две третини од гласовите , за што Демократите едноставно немаат политичка сила да ги достигнат.
Предизборните анкети предвидуваат победа на Демократите во Конгресот , но не и во Сенатот. Од 435 места во претставничкиот дом , демократите треба да добијат 23 места за да имаат мнозинство од 218. Според предвидувањата , тие имаат 182 места кои сигурно ќе ги задржат, 10 места кои веројатно ќе ги задржат и три места кои ги имаат , а најверојатно ќе ги загубат.
Републиканците имаат 140 места , кои сигурно ќе ги задржат, 55 места кои веројатно ќе останат нивни и 45 места кои би можеле да ги загубат , но и не мора.
Во меѓувреме на гласачките места во Мајами веќе се формираа редици за гласање на рано отворените гласачки места.