Американци посвоиле дете со аутизам , па го вратиле назад во Кина (ВИДЕО)

Двајца Јутјубери посвоиле бебе од Кина, по име Хаксли, пред две и пол години. Сепак, тие решиле да го „вратат“, затоа што „тој има посебни потреби и тие не биле свесни за тоа“.

Мика Стофер и нејзиниот сопруг Џејмс посвоиле момче со аутизам, а тоа го објаснија во видеото наречено „Нови вести за нашето семејство“.

"Кога станува збор за меѓународните посвојувања, секогаш има некои непознати работи, кои не се напишани на хартија. Кога Хаксли пристигна во нашиот дом, тој имаше многу повеќе посебни потреби за кои не бевме свесни, а кои никој не ги спомна", рече Џејмс. .

„Тој помина низ многу терапии во последните две години. Се обидовме да ги задоволиме неговите потреби и да му помогнеме затоа што навистина го сакаме“, продолжи тој.

Како што објасни Мика низ солзи, тие не откриле многу за состојбата на Хаксли на социјалните медиуми, со цел да го заштитат. Двојката објасни дека тој сега е во друго семејство, со неговата мајка која е здравствен работник и каде напредува. Патем, тие веќе имаат четири деца.

Ова видео го погледнале повеќе од 400.000 луѓе. Додека едните се бесни и ја споредуваа оваа постапка со „нешто што не би се случило ниту со домашно милениче“, други ги поддржуваат Мика и Џејмс, пишувајќи им дека сочувствуваат со нив и му посакаат на Хаксли сè најдобро во новото семејство.

СЗО: Пандемијата би можело да се влоши

Пандемијата на коронавирус може да се влоши доколку државите не преземаат строги здравствени мерки на претпазливост, предупреди Светската здравствена организација (СЗО).

„Да бидам искрен, премногу земји се движат во погрешна насока, а вирусот останува јавен непријател број еден“, рече лидерот на СЗО, Тедрос Аданом Габриезус, од седиштето на Обединетите нации во Женева.

„Ако не се почитуваат основите, оваа пандемија само ќе се влошува“, додаде тој.

Денеска бројот на коронавирусни инфекции во светот надмина 13 милиони, со повеќе од половина милион смртни случаи.

Тедрос исто така посочи дека од 230.000 нови случаи забележани во неделата, 80 проценти доаѓаат од 10 држави и 50 проценти од само две држави - Бразил и САД, кои се најпогодени земји од пандемијата, а претседателот Доналд Трамп е чест критичар на СЗО.

„Во блиска иднина, нема да има враќање во старата нормала. Останува уште многу за што да се грижиме“, предупредува Тедрос.

Шефот за вонредни состојби на СЗО, Мајк Рајан изјави дека нивниот тим пристигнал во Кина за да го испита потеклото на вирусот и во моментов се наоѓаат во карантин, стандардна процедура, по што ќе започнат да работат со кинеските научници.

Тедрос откри дека СЗО сè уште нема добиено официјално американско барање да се повлече од таа организација, како што објави Трамп. Американскиот претседател смета дека на почетокот на кризата СЗО отишла на помош на Кина, каде е забележан првиот случај на инфекцијата.

Трамп, кој за време на викендот за прв пат е виден во јавноста со заштитна маска, честопати е мна удар на критичарите кои сметаат дека тој не ја сфаќа пандемијата доволно сериозно, што републиканецот го отфрла.

Се појавија мрачните тајни на мртвиот градоначалник на Сеул

Додека многу жители на Сеул ја оплакуваат смртта на градоначалникот Вон-Сон Парк, јавноста во Јужна Кореја е вознемирена од обвиненијата дека сексуално ја малтретирал секретарката.

Парк, кој беше пронајден мртов во шумски дел на Сеул во петокот, беше либерален и реформски, но и борец за правата на жените, а во еден момент и потенцијален кандидат за учество на претседателските избори закажани за 2022 година.

Без да се открие точната причина за смртта на Парк, полицијата соопшти дека нема причина да се сомнева во убиство, а градските власти соопштија дека градоначалникот оставил проштална порака во која изразил жалење и побарал неговото тело да биде кремирано.

Правниот застапник на поранешната секретарка на Парк, која наводно била сексуално малтретирана, изјавил дека извештајот против градоначалникот е доставен во полицијата на 8 јули, ден пред неговата ќерка да го пријави исчезнувањето.

Адвокатот рече дека Парк испратил пораки и фотографии до поранешната секретарка, вклучувајќи ги и оние чие испраќање се сметало за сексуално вознемирување, како и дека градоначалникот го изложил својот клиент на несакан физички контакт, пренесува АП.

Пронајдено е тело во езерото каде што исчезна холивудска актерка

Тело е пронајдено во езерото каде што актерката Наја Ривера исчезна минатата недела.

Веста ја потврди полицијата, но досега тие не потврдуваат дека станува збор за исчезната актерка. „Тело е пронајдено утрово во езерото Пира. Обработката е во тек“, се наведува во краткиот пост на официјалниот профил на Твитер на полициската станица Вентура.

Најавена е и прес-конференција попладне по локално време.

Актерката исчезна минатата среда на подрачјето на езерото Пиру, каде изнајмила чамец со својот четиригодишен син и потоа отишла да плива.

Снимките од надзорната камера ја прикажуваат како доаѓа на брегот на езерото во нејзиниот Мерцедес, а потоа оди со нејзиниот син за да го изнајми чамецот.

Неколку часа подоцна, екипажот на друг брод го нашол нејзиниот син како спие сам во чамецот и ја известиле полицијата.

притисни ентер