Амбасадорот на САД во ЕУ: Сакаме соработка со Европа, промените во европското законодавство ќе бидат од голема корист - Канал 5

Свет

Амбасадорот на САД во ЕУ: Сакаме соработка со Европа, промените во европското законодавство ќе бидат од голема корист

 Сакаме соработка со Европа, им рече денеска на европратениците од Комитетот за надворешни работи на Европскиот парламент постојаниот претставник на САД во институциите на ЕУ во Брисел, амбасадорот Ендру Пуздер.

Амбасадорот на САД во ЕУ: Сакаме соработка со Европа, промените во европското законодавство ќе бидат од голема корист

Промените во европското законодавство би биле од голема корист, додаде тој, и повика на олеснување на работењето на технолошките компании од неговата земја во Европа. Според него, економијата наскоро ќе биде водена од вештачка интелигенција, но за таа цел ќе бидат потребни многу енергија, центри за складирање податоци, самите податоци и ретки фосилни минерали.

Амбасадорот изрази надеж дека во наредните денови ќе биде потпишан договор меѓу САД и ЕУ за фосилни горива, како и дека Европа наскоро конечно ќе го потврди трговскиот договор со Вашингтон.

Најголем интерес на САД е ЕУ да напредува економски, рече Пуздер. Тој истакна дека ЕУ е стратешки и културно витална за Соединетите Американски Држави и столб на економскиот напредок на неговата земја. Силна Европа е посилен трговски партнер и поспособна да ни помогне низ целиот свет каде што се бориме против злите сили, рече тој.

Амбасадорот додаде дека откако пристигнал во Брисел пред неколку месеци, бил изненаден кога открил дека ЕУ има многу слична визија со Вашингтон за прашања како што се Кина и имиграцијата. Тој додаде дека Соединетите Американски Држави и ЕУ имаат желба да видат крај на војната во Украина.

Тагови: ЕУ САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Разрешениот министер Љутков стана национален координатор за култура

Екс-министерто за култура Зоран Љутков нема да се врати во Драмскиот театар, туку ќе продолжи да биде дел од владиот кабинет, потврдуваат од владата.

Разрешениот министер Љутков стана национален координатор за култура

Неговата нова позиција е национален координатор за култура.

-Неговото докажано искуство, пред се како докажан актер е предност и додадена вредност во владиниот кабинет – велат од владата за Канал 5.

Љутков беше минстер од формирањето на владата во 2024 година, а функцијата ја напушти во рамки на реконструкцијата на владиниот состав кога на негово место беше избран дотогашниот заменик-министер Седат Сулејмани.

Тагови: Зоран Љутков

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: До 13 часот регистрирани 10 пожари, од нив пет се активни, два се под контрола, а три изгаснати

Пет пожари се активни до 13 часот, два се ставени под контрола, а три се изгаснати, информираше ЦУК.  

ЦУК: До 13 часот регистрирани 10 пожари, од нив пет се активни, два се под контрола, а три изгаснати

Активни пожари има во општина Студеничани кај селата Моране, Вртекица и Рамни Габер каде гори мешана шума, во општина Македонски Брод кај селата Драгов Дол и Локвица, опожарена е ниска вегетација, нискостеблеста шума и грмушки. Во општините Велес кај село С’лп и селата Добрино и Тисовица во општина Зелениково, каде гори ниска вегетација, дабова и габерова шума и квалитетна дабова шума.

Мешана шума гори на просторот меѓу општините Јегуновце, Желино и Сарај, а во општина Штип во населба Балканска каде гори ниска вегетација.

Тагови: ЦУК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжи судењето за „Пулс: Објектот имал прегради и врати кои ја попречиле евакуацијата

Со изведување на градежното вештачење и распит на вештите лица кои го изработиле, денеска во судницата во затворот „Идризово“ продолжи судењето за пожарот во кочанската дискотека „Пулс“.

Продолжи судењето за „Пулс: Објектот имал прегради и врати кои ја попречиле евакуацијата

Во судницата наодите поврзани со урбанистичките и градежните аспекти на објектот ги презентираа вештите лица Душица Трпчевска Ангелковиќ и Маријана Лазаревска.

Во вештачењето е констатирано дека во објектот биле поставени прегради од гипс-картон и врати кои претставувале пречка за безбедна евакуација. Лазаревска покажа фотографии од изведбата на челични греди и столбови во приземјето на објектот, направени во 2012 година во рамки на пренамената од магацин за теписи и теписони во угостителски објект.

Лазаревска претходно посочи дека на објектот биле изведени надворешни скали и настрешница, како и преградни ѕидови од гипс-картон со кои бил оформен влез со двокрилна двонасочна врата. Според неа, ваквото решение било недозволено од безбедносен аспект, особено при евакуација.

Со изведувањето на градежното вештачење, кое го изработил тим од градежниот факултет при УКИМ, се очекува да заврши доказната постапка предложена од обвинителството.

Тагови: Пулс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер