Здравје

Алиу: Медицинската документација ќе се води дигитално, се подобрува пристапот на граѓаните до нивното здравствено досие

Медицинската документација, упатите, рецептите, извештаите и регистрите ќе се водат дигитално, а хартиената документација ќе се користи само во исклучителни ситуации, како привремено решение при прекин на системот.

Ова се предвидува со измените и дополнувањата на Законот за евиденциите од областа на здравството, кои денеска на прес-конференција ги соопшти министерот за здравство Азир Алиу, а со кои се прави значаен чекор кон целосна дигитализација на здравствениот систем.

Тој рече дека една од клучните новини е регулирање на Електронското здравствено досие за секој пациент, кое ќе претставува централен извор на сите здравствени податоци – од прегледи и резултати до упати, рецепти и телемедицински услуги.

Со новите законски решенија, посочи министерот, значително се подобрува и пристапот на граѓаните до сопственото здравствено досие, преку електронски портал или мобилна апликација, со јасно утврдени правила за пристап кај малолетни лица и можност за овластување друго лице.

- Нашата цел е здравствените податоци да се водат модерно, безбедно и поврзано, со што ќе се подобри и квалитетот на здравствените услуги за пациентите. Со ова законско решение, кое деновиве ќе биде поставено на ЕНЕР, се надминуваат досегашните ограничувања во системот на здравствени евиденции и се овозможува нивно целосно електронско водење преку Националниот систем за електронски евиденции во здравството „Мој Термин“, појасни Алиу.

Законот, потенцира Алиу, предвидува и техничка и семантичка интероперабилност на сите здравствени информатички системи, што значи дека сите јавни и приватни здравствени установи ќе мора да користат системи усогласени со Националниот систем, преку воведување сертифицирање на информатичките системи и задолжително евидентирање на секој пристап до здравствените податоци, со цел зголемување на безбедноста и транспарентноста.

- Дополнително, за првпат се регулира интеграцијата на телемедицината и мобилното здравство (mHealth) во националниот здравствен систем, при што телемедицинските услуги добиваат еднаква правна важност како и физичките прегледи. Предлог-законот предвидува и можност за секундарна употреба на анонимизирани здравствени податоци, исклучиво за цели од јавен интерес, научни истражувања, статистика, образование и развој на здравствени политики, при што е строго забранета секоја употреба што би можела да доведе до дискриминација, профилирање или економска штета за поединец, истакна Алиу.

Со измените, како што рече, се предвидува и централизација и интеграција на здравствените регистри во рамки на Националниот систем, како и зајакнување на безбедносните стандарди, со обврска за здравствените установи да воспостават системи за управување со информациска безбедност и да пријавуваат евентуални безбедносни инциденти.

-Предложените законски измени се делумно усогласени со најновите европски регулативи во областа на дигиталното здравство, вклучително и Регулативата за Европскиот простор за здравствени податоци. Со овој закон се поставуваат темелите за модерен, сигурен и интероперабилен систем за управување со здравствените податоци, кој ќе придонесе за подобар квалитет на здравствените услуги, поефикасно функционирање на здравствениот систем и поголема достапност на услугите за граѓаните, следејќи ги трендовите во оваа област, посочи Алиу.

Тој додаде дека во финална фаза измените на 12 закони од областа на здравството, и како што се финализираат ги објавуваат и на ЕНЕР, каде веќе се поставени законите за здравствена заштита, за заштита од пушењето, за здравствено осигурување, а за Законот за заштита на населението од заразни болести се предвидени новини во рамки на заложбите за дигитализација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп ги прекина нападите врз Иран

Американскиот претседател Доналд Трамп ги паузираше нападите врз Иран за да „ослободи простор“ за преговори, изјави во неделата американскиот амбасадор во Обединетите нации.

Американскиот претседател Доналд Трамп ги паузираше нападите врз Иран за да „ослободи простор“ за преговори, изјави во неделата американскиот амбасадор во Обединетите нации, откако Иран објави дека нема да нападне сè додека САД не го сторат тоа. „Остава простор за преговори“, изјави Мајк Валц за Фокс њуз за одлуката на Трамп, без да открие дополнителни детали за природата на разговорите.

Во текот на викендот имаше затишје во непријателствата меѓу Иран и САД. Пентагон го паузираше бомбардирањето по тринаесет ноќи сè помоќни напади, а немаше извештаи за ирански напади врз соседните земји во последните два дена.

Неименуван висок функционер од администрацијата на Трамп изјави за Ројтерс во саботата дека американскиот претседател отсекогаш јасно ставал до знаење дека „преферира дипломатија“, но дека и ѝ покажува на Исламската Република „што ќе се случи ако сериозно не се приближи на преговарачката маса“.

Иран ги суспендира нападите сè додека САД го прават тоа

Ирански извор објави во неделата дека Иран исто така ги суспендира нападите, сè додека САД го прават тоа. „Пристапот на Иран останува „удар за удар“: ако нападите престанат, Иран исто така ќе ги прекине своите операции. Таа порака веќе им е пренесена на Соединетите Држави“, изјави тој за Ројтерс.

Сепак, тој извор нагласи дека „постои повеќе скептицизам отколку оптимизам во врска со прекинот на нападите“ и дека „преовладувачкиот став е дека станува збор за тактичка пауза, а не за вистинска“.

Тагови: Доналд Трамп Иран

Судбина

Познат Англичанец остана без работа поради скандал, сега објави бизарна снимка со палачинки (ВИДЕО)

Поранешниот фудбалер Џермејн Џенас (43) испрати порака до критичарите преку бизарно видео објавено на Инстаграм.

Во видеото, поранешниот играч од средниот ред на Англија танцува без маица пред чинија со палачинки. Џенас го носеше дресот на репрезентацијата 21 пат во својата кариера и имаше 202 настапи за Тотенхем. За време на неговиот престој на Вајт Харт Лејн, тој ја делеше соблекувалната со Лука Модриќ, а играше и за Њукасл, Нотингем Форест, Астон Вила и КПР.

По завршувањето на неговата играчка кариера, која беше скратена и завршена со повреди во 2014 година, Џенас најде ангажман во медиумите. Работел како водител на церемониите на УЕФА, а на Би-Би-Си имаше постојан ангажман како дел од емисијата „Меч на денот“. Беше отпуштен во август 2024 година.

Причината беа несоодветните пораки што им ги испраќаше на две жени. Џенас беше редовен соработник на Би-Би-Си и Радио 5 Лајв, а неколку месеци откако обвинувањата станаа јавни, неговата сопруга Ели Пенфолд објави дека се разделуваат по 16 години брак.

„Изгубив сè“

Во интервју за емисијата „Добро утро Британијо“ на ITV, Џенас рече дека „изгубил сè“ по „тежок двегодишен период“. Тој изрази жалење за своето однесување, но додаде дека верува оти бил „строго казнет“ за своите грешки.

Порано овој месец, тој беше виден на море со новата девојка Ан Лепладер, а двојката ја потврди врската минатата година.

„Веќе не ми е гајле што се зборува“

Во објава на Инстаграм во сабота, Џенас одлучи да им возврати на критичарите. Заедно со видео од него како танцува и врти чинија со палачинки со бело чоколадо, тој напиша порака: „Веќе не ми е гајле што се зборува... Ти и тие е*ете се... Со почит“.

По објавата, тој додаде: „Моите палачинки од бело чоколадо по тренинг во сабота наутро се легендарни, имајте прекрасен викенд на сите“.

View this post on Instagram

A post shared by jermaine jenas (@jjenas)

Легендарниот англиски фудбалер Рио Фердинанд шегувајќи се реагираше на објавата, пишувајќи: „Окккккк... овие песни воопшто не одговараат на описот“. Поранешниот соиграч од репрезентацијата, Шон Рајт-Филипс, исто така се вклучи со смешен емотикон. Џенас му одговори на Фердинанд: „Немаш поим за оваа музика, опушти се“.

Џенас се најде во центарот на гореспоменатиот скандал кога колега го обвини дека ѝ испраќал несоодветни пораки, а по неа, се јавија и други жени со слични обвинувања. Би-Би-Си го отпушти, а англиските медиуми пишуваат дека Џенас заработувал околу 200.000 фунти (234.000 евра) годишно на таа работа. Во август 2024 година, во подкаст на Talksport, тој презеде дел од одговорноста: „Не направив ништо нелегално, ова беа несоодветни пораки помеѓу двајца возрасни кои се согласија. Срам ми е и длабоко ми е жал. Се разочарав себеси, моето семејство, пријателите и колегите и им должам извинување на сите. Многу ми е жал.

Мислам дека би било фер да кажам дека имам проблем. Знам дека се саботирам себеси и имам самодеструктивен нагон кога станува збор за мојата врска и знам дека ми треба помош. И добивам помош. Направив многу грешки и во моментов си поставувам многу прашања. Знам дека има многу работа што треба да се направи и ќе биде тешко.

Пред да стане јавно ова, го посетив мојот лекар и по многу дискусии, се запишав на терапија. Сакам да се обидам да ги решам овие проблеми, да откријам од каде доаѓаат и зошто го правам ова и ги повредувам луѓето што ги сакам. Не сум горд на она што го направив и она што го кажав. И го сметам за измама, да, иако никогаш не се случило ништо физичко.“

Тагови: палачинки скандал

Македонија

АА: Состојбата во градот Гостивар се движи кон целосна нормализација, да не се користи за политички поени

Состојбата во градот Гостивар се движи кон целосна нормализација, благодарение на ангажманот на локалните и централните институции, организациите, пријателите и сите вклучени страни.

Состојбата во градот Гостивар се движи кон целосна нормализација, благодарение на ангажманот на локалните и централните институции, организациите, пријателите и сите вклучени страни, на кои им изразуваме искрена благодарност за нивната висока подготвеност и покажаната поддршка.

Кризните штабови, на централно и локално ниво, функционираат исклучително добро. Општина Гостивар целосно соработува со сите надлежни институции и ги стави на располагање сите свои капацитети за што побрзо надминување на состојбата.

Интензивно се работи на враќање на состојбата во нормала. Очекуваме наскоро да се обезбеди вода за техничка употреба, а потоа и безбедна вода за пиење.

Воедно, искрено ги повикуваме сите оваа ситуација да не ја користат за собирање политички поени, на штета на граѓаните, особено оние кои не донесоа ниту едно шише вода во Гостивар, туку се задоволија само со критикување на постапките на институциите.

Политички рејтинг не се гради врз туѓа несреќа. Во овој момент, приоритет треба да биде надминувањето на состојбата и поддршката на граѓаните.

Сите околности и одговорности треба да се утврдат преку правична, објективна и транспарентна постапка.

Алијанса за Албанците