Македонија

Али Ахмети од Битола: На 30 Септември гласаме за иднината на нашите деца

Демократската Унија за Интеграција активноста на вчерашниот ден во рамките на кампањата за референдумот ја заокружи во Битола.

Пораката на претседателот на ДУИ, Али Ахмети до граѓаните на Битола е зачленувајќи се во Северно- Атланската Алијанса, Македонија станува поцврста и по почитувана држава и од земјите кои не се членки на Алијансата и Европската Унија, сигурно дека историјата ја враќаме назад.

"Се здруживме Албанци и Македонци за една заедничка цел, на овој референдум да гласаме за иднината на идните генерации без разлика на вероисповеда, без разлика на националноста, и ова се постигна. На 30 септември ќе гласаме за мирот, стабилноста, безбедноста, гласаме за иднината. Овој е историски момент за тоа дали земјата ќе оди напред или наназад. Минатото е болно, тоа никако не смее да се повтори. Минатото, оптоватено со војни, конфликти и масакри. Кој победи од тоа минато? Победија тие што бараа слобода, сега, ние кои ја добивме слободата не треба да дозволиме нашата слобода да се ризикува во историски моменти. Јас немам никаков сомнеж дека на 30 септември Албанците ќе гласаат за Европска Македонија", истакна претседателот на ДУИ, Али Ахмети.

Активностите за информирање на граѓаните во врска со референдумот што ќе се одржи на 30 септември ќе продолжат и во текот на денешниот ден, кога централниот штаб на ДУИ ќе присуствува во Охрид и Струга.

Фудбал

Јувентус ќе игра против Милан во полуфиналето на италијанскиот Суперкуп

Одредени двојките за полуфиналето во Суперкупот на Италија.

Вчера Јувентус го освои националниот куп, победувајќи ја Аталанта во финалето на турнирот (1:0).

Во полуфиналето на Суперкупот торинскиот клуб ќе се сретне со второпласираниот од Серија А, тимот на Милан.

Втората двојка ја сочинуваат Аталанта и шампионот Интер.

Суперкупот ќе се игра во Саудиска Арабија во јануари 2025 година.

Живот

Построги казни за пиење алкохол на јавно место на Мајорка и Ибица

Туристите во делови на островите Мајорка и Ибица ќе се соочат со високи казни за пиење алкохол на улица, откако властите на Балеарските Острови на Шпанија ги заострија законите, инаку првпат воведени во 2020 година.

Покрај забраната за алкохол на улица, новите правила им налагаат непродавање алкохол доцна навечер. Засилени се и контролите на платформите за забави. Имено, туристите може да бидат казнети со 750 - 1.500 евра доколку нивното пиење на јавно место „го нарушува соживотот или мирот“ во животната средина. За посериозен прекршок, има и казни од 1.500 до 3.000 евра.

Правилата се применуваат во три одморалишта на Мајорка - Лукмајор, Палма и Калвија, како и Сан Антонио на Ибица.

Забраната важи за една морска милја (1,85 км) од брегот за сите овие дестинации, а на бродовите за забава им е забрането да се приближуваат и им е забрането да земаат или оставаат патници во овие области. Исклучок каде што може да се пие на улица се терасите на баровите или рестораните, или другите области каде што тоа е дозволено со закон.

Продавниците кои нудат алкохол ќе мора да затворат меѓу 21:30 и 8:00 часот.

Македонија

Средба Џафери – Троказ: Македонија да продолжи по зацртаниот пат на европска интеграција

На маргините на лидерскиот состанок за Планот за раст кој се одржува во Котор, Црна Гора, техничкиот премиер Талат Џафери оствари билатерална средба со специјалниот пратеник за Западен Балкан на Франција, Рене Троказ.

На средбата, се разговараше за важноста од продолжување на европскиот пат на Република Македонија во пресрет на формирањето на новата Влада. Троказ ја истакна натамошната француска поддршка на европската интеграција на Македонија во ЕУ, и повика на почитување на меѓународно преземените договори од сите политички чинители.

Премиерот Џафери изрази надеж дека земјата ќе ги заокружи неопходните чекори за продолжување на европската агенда. Во таа насока, ја сподели загриженоста од непочитувањето на уставното име од страна на новоизбраната претседателка на државата и повика на почитување на Меморандумот потпишан пред изборите од страна на политичките партии во поглед на предусловите за нашето интегрирање во Европската Унија.

Премиерот Џафери нагласи дека, за него не е приоритет кој ќе ја сочинува новата Влада, туку исполнувањето на европската агенда. Тоа е патот на иднината и на просперитетот за кој тој ќе продолжи да работи во кое било својство или функција.

притисни ентер