Александра Пријовиќ и Филип Живојиновиќ потпишаа предбрачен договор: Еве како младенците ќе го користат и делат имотот - Канал 5

Шоу биз

Александра Пријовиќ и Филип Живојиновиќ потпишаа предбрачен договор: Еве како младенците ќе го користат и делат имотот

Познатата фолк пејачка Александра Пријовиќ и нејзиниот избраник Филип Живојиновиќ наскоро ќе се венчаат, а ова се деталите од нивниот предбрачен договор.

Александра Пријовиќ и Филип Живојиновиќ потпишаа предбрачен договор: Еве како младенците ќе го користат и делат имотот

Александра Пријовиќ и Филип Живојиновиќ полка ги привршуваат подготовките за гала свадбената веселба која ќе се одржи во јуни 2018 година.

Тие двајца воделе сметка за секој детаљ, а неодамна потпишале и предбрачен договорот.

Александра и Филип се венчаваат од љубов и ниту еден од нив не го интересира материјалната состојба на партнерот. Сепак, тие двајца разговарале и с договориле дека е најдобро да потпишат предбрачен договор. Тоа не е нешто чудно, туку е сосема нормална работа помеѓу сите двојки, не само во светот туку и кај нас, пишуваат српските медиуми.

-Во догворот се наведени движниот и недвижниот имот на сопружниците, кој при развод не би можеле да го делат. Тоа значи се што ќе внесат во бракот и по развод останува со нив. Филип нема да има право на нејзиниот стан во Белград. Исто така автомобилот кој го доби на подарок од Филип и останува на Александра, вели извор додека пак се што е стекнато заеднички во бракот, како што е и со закон определено, ќе се дели на половина:

–Се што ќе стекнат во текот на бракот ќе се дели рамномерно доколку има потреба за тоа. Со тоа што секој од нив има право да се откаже од својот дел во корист на другата страна. Инаку во рамки на предбрачниот договор стои и ставката по која двајцата имаат апсолутно право на користење на движниот и недвижниот имот на партнерот во текот на траењето на бракот.

Во договорот имало и ставка за подароците. Се она што Александра и Филип ќе го добијат, во што спаѓаат и недвижности, како и пари, не мора да го делат со партнерот.

-Секоја ставка е многу јасна, прецизна и точна. Адвокатот водел сметка за секој детаљ, а со клаузула се обврзани секој приход од моментот на склопувањето на бракот транспарентно да му го покажат на партнерот, кој има право да располага со него. И едниот и другиот се многу успешни во својата работа. Одлично работат и заработуваат и ниту еден момент не сакаа да се оптоваруваат со финансиите. Никој од нив не инсистираше на предбрачниот договор, туку низ разговор одлучика да го склопат. Двајцата имаат поддршка од родителите и сите едвај ја чекаат веселбата, а подоцна секако и внуче, завршува изворот.

По повод овие информации, не се јавија да потврдат ниту демантираат ни Филип ни Александра.

Инаку Брена и Боба едвај ја чекаат свадбата која е закажана за 21 јуни во црквата „Василј Острошки“ на Бежаниска Коса во Белград. Кум ќе им биде Милош Теодосиќ, а старосват Ацо Пејовиќ. Свадбената веселба е закажана за Белекспо центарот и ќе присуствуваат 900 гости.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Џип удри во луѓе во Лос Анџелес, тројца загинати

Најмалку три лица загинаа, а тројца други се сериозно повредени откако џип влета во група пешаци во населбата Норт Холивуд во Лос Анџелес, пренесува Ројтерс. 

Џип удри во луѓе во Лос Анџелес, тројца загинати

Инцидентот се случил нешто пред 18:00 часот по локално време. Полицијата сè уште работи на утврдување на точните околности – конкретно, дали возачот намерно удрил во луѓето или станува збор за несреќен случај.

„Мораме точно да утврдиме што се случило и што довело до оваа трагедија“, изјави Кетрин Барџер, членка на Одборот на супервизори на округот Лос Анџелес. „Ќе ја следам истрагата и ќе барам дополнителни информации како што ќе излегуваат на виделина нови факти“, додаде таа.

Според претставници на полицијата и противпожарната служба во Лос Анџелес, три лица загинале на самото место, додека двајца пешаци и возачот на теренско возило биле пренесени во болница.

Градоначалничката на Лос Анџелес, Карен Бас, изјави дека теренско возило излетало на тротоарот и удрило во група улични продавачи и минувачи. Таа додаде дека службите за итни случаи се на терен и дека нејзиниот кабинет соработува со надлежните градски служби.

„Срцето ми се крши за семејствата на сите погодени“, напиша таа на платформата X, додавајќи дека ќе сподели дополнителни информации штом ќе станат достапни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

НБРМ: Компаниите што редовно исплаќале плати преку „АЛТА банка“ АД Битола ќе можат да вршат исплата на плати и придонеси

Народната банка продолжува со постепено олеснување на условите за клиентите на „АЛТА банка“ АД Битола.

НБРМ: Компаниите што редовно исплаќале плати преку „АЛТА банка“ АД Битола ќе можат да вршат исплата на плати и придонеси

Со најновата измена на Решението за администрација се овозможува исплата на плати, заедно со уплата на соодветните даноци и придонеси, за компаниите што во последните три месеци редовно исплаќале плати преку платежните сметки во Банката.

Оваа можност се однесува на компаниите за кои исплатата на плати преку „АЛТА банка“ АД Битола претставува воспоставена практика, односно кои континуирано ја користеле Банката за оваа намена и во трите месеци пред донесувањето на одлуката. Исто така, износот на средствата кои може да се користат од платежната сметка на фирмата во „АЛТА банка“ за исплата на платите може да биде повисок до 5% во однос на вкупниот износ на платите исплатени во октомври. На овој начин се овозможува продолжување на постојните текови на исплата и исполнување на обврските кон вработените и државата, а истовремено се задржува контролата врз одливите на средства од Банката.

Со измената се овозможува и физичките лица во целост да располагаат со новите приливи на своите сметки во „АЛТА банка“ АД Битола, доколку средствата доаѓаат од платежни сметки отворени кај други банки и даватели на платежни услуги. Тоа значи дека граѓаните можат без ограничување на износот да ги користат средствата коишто дополнително ќе им бидат уплатени врз оваа основа.

Народната банка внимателно ја следи состојбата во „АЛТА банка“ АД Битола и продолжува со приспособување на мерките, имајќи ги предвид условите за работење на Банката и потребите на нејзините клиенти. Притоа, приоритет остануваат заштитата на интересите на клиентите и постепеното олеснување на ограничувањата, со задржување на соодветната контрола врз одливите на средства.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Републиканците го блокираа импичментот на Пит Хегсет, демократите најавуваат нов

Републиканците во Претставничкиот дом на САД го блокираа обидот за импичмент на министерот за Одбрана Пит Хегсет.

Републиканците го блокираа импичментот на Пит Хегсет, демократите најавуваат нов

Со 211 гласа „за“ и 204 „против“ беше усвоен предлогот за упатување на осумте точки за импичмент до правосудниот комитет.Иницијативата ја поднесе републиканскиот конгресмен Томас Маси, но не доби поддршка од ниту еден друг републиканец.

Демократите го обвинуваат Хегсет за злоупотреба на функцијата и незаконско наредување воени операции во Иран и Јемен.Во обвиненијата се споменуваат и американските напади врз бродови на Карибите, како и заробувањето на венецуелскиот претседател Николас Мадуро. Хегсет ги отфрли обвинувањата, оценувајќи дека обидот за негов импичмент е политичка фарса.Тој ја бранеше воената политика на администрацијата на Доналд Трамп и тврдеше дека неговите наредби биле законски.

Трамп и потпретседателот Џ.Д. Венс јавно застанаа во одбрана на министерот.Демократите, кои по среднорочните избори ќе ја преземат контролата врз Конгресот, најавуваат дека ќе разговараат за нова иницијатива.

Незадоволството од војната во Иран беше и еден од факторите што влијаеја врз изборните резултати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер