Албанија: Притвор за кандидатот за градоначалник на Химата за купување гласови - Канал 5

Балкан

Албанија: Притвор за кандидатот за градоначалник на Химата за купување гласови

На судската расправа присуствувала и грчката амбасадорка

Албанија: Притвор за кандидатот за градоначалник на Химата за купување гласови

Судот во Валона го прифати барањето на Обвинителство со кое на Фреди Белери, обвинет за купување гласови, му е изрече мерка притвор и тој во затвор ќе остане до крајот на судскиот процесот против него.

Белери, кој е кандидат за градоначалник на Химара, главно населена со Грци, на опозициската изборна коалиција „Заедно победуваме“ од Партијата за заштита на човековите права на грчкото малцинство, беше уапсен во четвртокот на полноќ во кафуле во Химара, во негова сопственост.

На судската седница Белери го отфрлил обвинението, оправдувајќи се дека бил пијан и не се сеќава на сите разговори што ги имал тој ден. Според него, тој бил со соработниците и дека немал пари да купи гласови.

-Сè се користи и се толкува политички, рекол тој.

За неговата одбрана „купувањето на гласови“ не била докажана, зашто „информациите полицијата ги добиле од поединец и тоа е политичка измислица“.

Околу случајот силно заинтересирана е Грција, којашто на албанското МНР му врачи демарш, шефот на дипломатијата

Никос Дендијас вчера објави дека за тоа го запознал и високиот претставник на ЕУ за надворешна политика и безбедност Жозеп Борел и шефот на шведската дипломатија, како земја претседавач со ЕУ. На судскиот процес денеска присуствувала и грчката амбасадорка во Тирана, Константина Камици.

Албанските медиуми пренесуваат и реакција на американскиот Стејт департмент дадена за грчките медиуми.

-Ги повикуваме властите праведно и правично да ги применуваат сите закони и прописи на фер и еднаков начин. Важно е сите да ги почитуваат законите и правилата со кои се регулираат изборите, како и меѓународните правила, вклучително и забраната за купување или продавање гласови, изјавил претставник на американскиот Стејт департмент.

Доколку се потврди неговата вина, Берели, според важечките законски одредби може да добие казна затвор во траење од 5 години. Вториот обвинет за помагање на делото, Пандели Коконеши, не бил изведен пред суд заради влошена здравствена состојба, поради што морал да биде хоспитализиран во болницата во Валона.

Грчко МНР: Одлуката на албанскиот суд за притвор на кандидатот за градоначалник ќе има влијание на односите со ЕУ

Денешната одлука на судот во Валона, доколку доказите не се неоспорливи, е скандалозна, коментираат од Министерството за надворешни работи на Грција за одлуката на албанскиот суд да му одреди мерка притвор на кандидатот за градоначалник на Химара од партијата на грчкото малцинство КЕАД Дионисис Фреди Белерис и додаваат дека ова ќе влијае на односите на Албанија со ЕУ, јави дописничката на МИА од Атина.

Грчкото МНР реагираше со соопштение во кое вели дека „апсењето на кандидат за градоначалник два дена пред избори не претставува владеење на правото“ и додаваат дека одлуката за притвор на ги менува „правилата за еднаквост на општинските избори во Химара, најважниот центар на грчкото национално малцинство во Албанија“.

-Ваквата одлука ќе има влијание и врз односите на Европската унија со Албанија, бидејќи предуслов на овој европски пат е посветеноста на земјите кандидати до европските правила и принципите на владеење на правото. Одлуките како денешната кои ги прекршуваат горенаведените принципи значат дека во пракса Албанија не го следи европскиот пат, соопштија од грчкото МНР.

Официјална Атина, вчера, откако беше уапсен Белерис, ги информираше високиот претставник на ЕУ за надворешна политика и претседателката на ЕК, а беше испратен и демарш до Министерството за надворешни работи на Албанија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ученик со ловечка пушка пукал во училиште во Франција- се сомнева на тероризам (ВИДЕО)

Француските обвинители за антитероризам ја презедоа истрагата за пукањето во училиште во близина на Марсеј. 

Ученик со ловечка пушка пукал во училиште во Франција- се сомнева на тероризам (ВИДЕО)

Случајот е пренасочен откако првичните проверки покажаа дека 14-годишниот осомничен ученик е можно да е поврзан со онлајн движењето True Crime Community (TCC), пишува Ројтерс.

Вчера, еден ученик рани двајца наставници со ловџиска пушка. Според официјалните лица, тој го скрил оружјето во торба за гитара. Нападот предизвикал паника, а децата избегале за да се засолнат.

Истрагата е префрлена во Париз

Канцеларијата на обвинителот за антитероризам објави дека го презема случајот од канцеларијата на обвинителот во Марсеј. „Првите истраги, кои вклучуваат анализа на дигиталните уреди на малолетниците, укажуваат на веројатна врска со движењето True Crime Community (TCC). Тие исто така сугерираат дека злосторството во училиштето било мотивирано од таа идеологија“, се вели во соопштението на обвинителот.

Во истиот текст, TCC е опишан како „екосистем на онлајн заедници кои ги слават сторителите на масовно убиство и на одредени начини поттикнуваат екстремно насилство“.

Обвинителството потврди дека е покрената истрага поради сомнение за „обид за убиство како дел од терористички потфат, учество во терористичко злосторничко здружение со намера за извршување кривични дела против лица и прекршување на законот за оружје поврзано со терористички потфат“.

Тагови: тероризам ученик

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанев во работна посета на СВР Тетово: Фокус на безбедносната состојба и претстојните избори

Директорот на БЈБ, Александар Јанев, во работна посета на СВР Тетово: Фокус на безбедносната состојба и претстојните избори.

Јанев во работна посета на СВР Тетово: Фокус на безбедносната состојба и претстојните избори

Денеска (13.10.2026), директорот на Бирото за јавна безбедност, Александар Јанев, заедно со дел од својот тим, оствари работна посета на СВР Тетово, при што беа разгледани актуелните безбедносни состојби, сообраќајната безбедност, јавниот ред и мир и борбата против криминалот.

Посебен акцент беше ставен на претстојните локални избори и обврската на полицијата да обезбеди безбеден, мирен и демократски изборен процес, без притисоци и незаконски влијанија врз граѓаните.

Директорот Јанев ја нагласи важноста на превентивното дејствување, оперативната координација и користењето на современите технолошки средства, како и професионалното и непристрасно постапување на полициските службеници.

„Во борбата против криминалот нема простор за селективност, а во извршувањето на полициската должност нема простор за неодговорност. Законот мора да важи за сите подеднакво“, порача Јанев, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Груби излегува од домашен притвор, но без пасош

Поранешниот вицепремиер Артан Груби излегува од домашен притвор, но без пасош. потврдија од Кривичниот суд попладнево. 

Груби излегува од домашен притвор, но без пасош

Основниот кривичен суд Скопје го одби барањето на одбраната за враќање на патната исправа на Груби, кој е второобвинет во предметот за „Државна Лотарија“. Иако мерката куќен притвор му е укината по сила на законот, обвинетиот и натаму останува без пасош. По добиено негативно мислење од надлежното јавно обвинителство, Судот го одби барањето на Груби да му биде вратен пасошот и покрај гаранцијата од околу 336.000 евра во недвижен имот што тој ја понуди, а против него се определени дополнителни мерки за претпазливост.

„Се прифаќа предлогот на Основното јавно обвинителство за определување мерки за претпазливост, и тоа: Забрана за напуштање на живеалиште односно престојувалиште, Обврска повремено да се јавува во судот, Забрана за приближување односно остварување контакт и врски со одредени лица. Дополнително, против обвинетиот и натаму останува активна мерката за претпазливост – одземање на патната исправа и забрана за издавање нова патна исправа или друг документ за преминување на државната граница, соопштија од Кривичен.“

За укинувањето на домашниот притвор за Груби од Судот велат дека согласно членот 470 од Законот за кривична постапка, притворот што му е определен на ексвицепремиерот во конкретниот случај може да трае најдолго 60 дена од поднесувањето на обвинителниот предлог, кој во конкретниот случај е поднесен на 13 август годинава, поради што Кривичниот совет донел решение за укинување на мерката.

Артан Груби е обвинет заедно со уште седум лица, меѓу кои и поранешниот директор на Државна лотарија, Перпарим Бајрами, за злоупотреба на службената положба во врска со набавката на ВЛТ-апарати за потребите на Лотарија. За ова дело е предвидена казна од една до пет години затвор. Поранешниниот вицепремиер, по повеќе од една година недостапност за органите на прогонот, во февруари годинава се врати во земјава и беше приведен на граничниот премин „Блаце“.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер