Бебето е првата жртва од ситни сипаници по прогласувањето на епидемија на морбили во Скопје. Доенчето по потекло е од кумановско и не било вакцинирано, морбилите ги добило од скопските болници каде се лекувало од пневмонија. Епидемилозите велат дека и бебињата под една година може да се вакцинираат.

И министерот за здравство Венко Филипче објасни дека досега се вакцинирани вкупно 7 илјади деца.

-Прво било лекувано во болницата во Козле, а после префрлено на Инфективната клиника каде докторите за жал неможе да се справат со компликациите. Искрено се надевам дека трендот на вакцинација ќе продолжи заради тоа што е единственото нешто што треба и мора да се направи со цел да се подигне колективниот имунитет кој значително е намален после падот на опфатот со вакцинација во 2014 година и за жал сега се соочуваме со овие последици, изјава Венко Филипче.

Доктор Караџовски објасни дека во Скопје само 50 проценти од невакцинираните деца се вакцинирани со морбили и епидемијата во ваква состојба ќе продолжи. За една недела регистрирани се околу 50 заболени од морбили.

Засега нема потврдени случи на болни со грип и морбили во комбинација, но докторите велат дека тоа е нешто што се очекува. Од грип за два дена починаа двајца, засега нема потврда за нови комплицирани случаи со сезонскиот грип.

Шестмесечно бебе заболено од морбили почина изутринава на Клиниката за инфективни болести, изјави денеска министерот за здравство Венко Филипче. Посочи дека бебето имало компликација на белите дробови, и било невакцинирано.