Од доказите и вештачењата утврдиле дека кај неа немало вина за сообраќајката
Јавно обвинителство:
- Од страна на Основното јавно обвинителство Скопје со наредба е наложено ново вештачење, согласно кое возачот не направил пропусти, а пешакот е тој кој има направено пропусти кои се причинско последично поврзани со настанување на незгодата. Од страна на оштетените – законски застапници на сега починатото лице, доставено беше вештачење кое по наодот и мислењето се разликуваше од другите вештачења.
За да се расчистат контрадикторностите бидејќи сообраќајното вештачење на обвинителството и двете вештачења на одбраната пејачката, се разликувале од она на семејството на починатиот се разликувале обвинителството нарачало петто по ред вештачење односно од тим на вешти лица од бирото за судски вештачења. Според ова супер вештачење возачот во конкретната ситуација реагирал соодветно на дадената ситуација а пешакот не преминувал на обележан премин, велат од обвинителство
Јавно обвинителство:
-Во околностите кои се создале со неправилното и невнимателно преминување на пешакот преку коловозот надвор од пешачки премин, возачот немал техничка можност да ја избегне незгодата.
Од обвинителство велат дека брзината со која се движела Алачки е во рамките на законски дозволеното.
Сообраќајката со трагичен епилог се случи на 9 октомври минатата година кога пеачката со возило Ауди А4 се движела во правец од Зоолошката градина кон булеварот Партизански одреди а старецот натоварен со кеси ја минувал улицата.
Веднаш по несреќата Канал 5 разговараше со внук на починатиот кои изрази сомнеж дека старецот се движел среде улица бидејќи како што рече сообраќајните прописи ги почитувал.