Македонија

Активни 13 027 ковид случаи, ако е потребно ќе има нови мерки

Надлежните здравствени власти укажуваат дека ковид вирусот моментно има широка инфекција, се следи ситуацијата, а доколку е потребно ќе има нови мерки.

Засега, истакнуваат надлежните, нема индикација за промена на наставниот модел со физичко присуство на учениците. Бојот на активни КОВИД случаи изнесува 13.027. Според вчерашниот извештај на Министерството за здравство за претходното деноноќие, од 4.621 тестирање се регистрирани 617 нови случаи на Ковид -19, починаа 32 лица, а оздравеле 450 пациенти.

– Во ковид – центрите низ државата има доволно кревети за хоспитализација на пациенти, престојниот период може да биде зголемена потребата од хоспитализации, што бара сериозен пристап и коориднација која успешно се менаџира. Дополнителни капацитети за лекување пациенти со ковид има и истите може да се стават на располагање во секој момент. Доставата на терапија оди тековно и нема застој, напиша вчера на својот фејсбук профил министерот за здравство, Венко Филипче, кој поради пожарот во модуларната болница во Тетово достави оставка до премиерот.

Министерката за образование Мила Царовска, пак, информираше дека завчера бројот на позитивни ученици во училиштата е 0,01, што, наведе, значи дека се помалку новозаразени во споредба со понеделникот. Досега, изјави вчера таа, немаме индикација дека наставниот модел треба да се менува, но во моментот кога ќе добиеме индикација за промена на моделот ние сме спремни така да постапиме.

– Епидемиолозите следат, Комисијата за заразни болести следи, информациите ги добиваат и тие, како што ги добива МОН, и тие дејствуваат врз основа на општина, регион, училиште. Упатувам на тоа дека во училиште се 240 илјади ученици, а вчера бројот на позитивни ученици во училиште е 0,01, што е навистина многу низок процент. Очекувам дека ќе успееме да се одржиме во ниски проценти, затоа што највисок интерес на учениците е да бидат во училница, нагласи Царовска.

Таа информираше дека процентот на вакцинирани наставници е висок и изнесува над 74 процнети. Апелираше до директорите, наставниците и родителите да се почитуваат протоколите за да се заштитат децата и да им се обезбеди правото на учење кое е основно детско право.

– Мислам дека до крајот на месецот ќе постигнеме и едно соодветно ниво како што велат здравствените власти за колективен имунитет кај наставниците и тоа е речиси два пати повисок број од националниот стандард и ме радува тоа бидејќи тоа покажува висока свесност кај наставниците за потребата од континуитет во настава, заклучи Царовска.

Според последните податоци, на вакциналните пунктови во државата и на терен вакцинирани се вкупно 763 965 граѓани. Прва доза вакцина завчера примиле 2 057 граѓани, а вкупно се вакцинирале 13 493. Во државата вкупно се аплицирани 1.411.735 дози вакцини, а ревакцинирани се 647 769 граѓани.

Со последните бројки, 55 отсто од населението над 40 години имаат примено една доза вакцина и 30 отсто од населението над 18 до 39 години е вакцинирано со барем една доза вакцина. Граѓаните без закажан термин се вакцинираат, во постоечките вакцинални пунктовите низ државата. Децата од 12 до 18 – годишна возраст се вакцинираат со согласност од родител.

– Вакцините се безбедни и ефикасни и се единствениот начин да се победи пандемијата. Само со комплетна вакцинација се спречува тешка форма на болеста се намалува шансата од заболување како и смртен исход од истата, нагласуваат од Министерството за здравство.

Вкупната бројка на КОВИД-дијагностицирани лица во земјава од почетокот на епидемијата изнесува 184 893, на оздравени пациенти е 165 527, а на починати 6 339.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Формула

Паника во Ферари: на Хамилтон му се слошило по трката во Сингапур!

По завршувањето на трката за Големата награда на Сингапур во Формула 1, Луис Хамилтон морал да замине на лекарски преглед.

Возачот на ферарри, се соочил со сериозни физички тегоби по исцрпувачката трка за Големата награда на Сингапур, за време на која извозе 62 круга при екстремна топлина и висока влажност на уличната патека „Марина Беј“.

Пилотот на Ферари по трката поради својата здравствена состојба не се појави пред медиумите , а италијанскиот тим потврди дека му била потребна медицинска помош.

Портпаролот на Ферари потврди дека седумкратниот светски шампион се чувствувал лошо откако излегол од болидот и бил прегледан од медицинскиот тим на Меѓународната автомобилска федерација (ФИА).

Поради тоа, на Хамилтон му било дозволено да ги пропушти вообичаените медиумски обврски по трката.

Проблемите на Хамилтон дополнително се влошија поради стратешка грешка за време на самата трка. Британецот не ја послуша наредбата на Ферари да влезе во боксот за време на периодот со виртуелно безбедносно возило, поради што беше принуден да продолжи да вози со стари и значително истрошени гуми.

Поради недостатокот на прилепување, тој не успеа да ја одбрани својата позиција во завршницата.

Хамилтон постепено губеше позиции, а го престигнаа возачот на Мерцедес, Кими Антонели, како и двајцата претставници на Мекларен, Ландо Норис и Оскар Пјастри. Иако во еден момент се бореше за место на подиумот, трката ја заврши на шестото место.

Живот

Aвстралиско-сиднејската епархија му го честита на архиепископот г. г. Стефан јубилејот – 40 години од архиерејската хиротонија

Епархискиот управен одбор на Австралиско-сиднејската епархија, во името на чесното свештенство и верниот народ, упати честитка до Неговото Блаженство, поглавар на МПЦ–ОА и администратор на Австралиско-сиднејската епархија.

Неговото Блаженство, Архиепископот Охридски и Македонски г. г. Стефан, е роден на 1 мај 1955 година во село Добрушево, Битолско. За епископ е хиротонисан на 12 јули 1986 година, а во октомври 1999 година е избран и востоличен за поглавар на Македонската православна црква – Охридска архиепископија. Годинава се одбележува значајниот јубилеј – 40 години од неговата архиерејска хиротонија (1986–2026).

По овој повод, Епархискиот управен одбор на Австралиско-сиднејската епархија, во името на чесното свештенство и верниот народ, упати честитка до Неговото Блаженство, поглавар на МПЦ–ОА и администратор на Австралиско-сиднејската епархија, со следната содржина:

Ваше Блаженство,

Од името на Епархискиот Управен Одбор, свештенството и верниот народ на Македонската Православна Епархија за Австралија – Сиднеј, Ви упатуваме честитки по повод значајниот јубилеј – 40 години од Вашата архиерејска хиротонија.

Четири децении архиерејско служење претставуваат сведоштво за живот посветен во служба на Христа и Неговата Света Црква. Му благодариме на Семилостивиот Бог за годините на Вашето архиерејско служење и Му вознесуваме молитви и понатаму да Ве дарува со добро здравје, духовна крепост, мудрост и благодат во извршувањето на Вашата архипастирска служба.

Нека Господ Исус Христос, по молитвите на Пресвета Богородица и на сите светии, Ве укрепува и чува уште многу години, за доброто и напредокот на нашата Света Македонска Православна Црква – Охридска Архиепископија.

На многаја лета Ваше Блаженство!!!

Магазин

Најлоша причина за влегување во врска: „Се заљубив во неговиот потенцијал, а тоа беше само мојата проекција“

Додека измамата зависи од постапките на другите, заблудата раѓа во вас и ве води во неизвесни води.

Додека измамата зависи од постапките на другите, заблудата раѓа во вас и ве води во неизвесни води. На крајот од патувањето, следува емоционално сознание со кое многумина тешко се справуваат – разочарување.

Завршување на една врска е процес, исто како и влегувањето во неа. Кога ќе погледнете наназад, ретко постои само една причина за разделбата, но сепак постои еден збор што укажува на коренот на проблемот и често ја опфаќа целата динамика: *потенцијал*. Идејата за некого, визијата за иднина исполнета со развој – ја поттикнува почетната занесеност и ја одржува силна, сè до моментот кога станува јасно дека таквата иднина никогаш нема да се оствари. Тоа не е баш лага; тоа е само искривена слика, родена од сопствените потреби и копнежот по блискост.

Не е погрешно да се зема предвид потенцијалот; тој може да послужи како водич за заеднички развој во врската, под услов очекувањата да останат реални. Некои луѓе влегуваат во врска едноставно затоа што не сакаат да бидат сами, а токму „потенцијалот“ е аргументот што го користат за да го оправдаат тоа. Тие не сфаќаат дека вљубувајќи се во нечиј потенцијал се залажуваат себеси и се впуштаат во залуден обид да го променат партнерот.

Партнерот има свои индивидуални цели и обрасци на однесување. Да, некои од нив можат да се подобрат, обликуваат или на нив може да се работи – тоа е дел од личниот развој – но нереално е да се очекува партнерот целосно да се прилагоди на вас, на сликата што сте ја имале во умот или на визијата што првично сте ја виделе. Можеби би сакале тој да се однесува поинаку или да има интереси што се совпаѓаат со вашите... но каде тогаш би била неговата сопствена личност? „Се заљубив во неговиот потенцијал, но тоа беше само проекција на самата себе – на мојот сопствен потенцијал што допрва требаше да го реализирам. Ми требаа три години да сфатам дека почнав да чувствувам гнев кон него бидејќи не ги исполнуваше моите очекувања. Колку е тоа навистина себично? Зошто самата не ги исполнував тие очекувања?“ – вели Даниела (35), опишувајќи врска во која го сакала она што *би можело* да биде, наместо да ја гледа и негува личноста што навистина била присутна. Како што и самата признава, тоа си го правела и себеси.

Ваквото размислување води кон еден маѓепсан круг на фантазија и проекција. Наместо да живеете во моментот и да уживате во времето поминато со партнерот, постојано се потсетувате дека вашите очекувања не се исполнети. Во заедничките мигови треба да се ужива, а не да критикувате. Каде води таквата врска?

Најголемата опасност кај врските засновани на потенцијалот е стравот од загуба. Но, ако не можете да напредувате во врската, ако не сте во состојба да бидете искрени, вреди ли да останете? Како да знаете дали сте заробени во ваква токсичност? Едноставно запрашајте се: дали би останале со партнерот кога би можеле да ја видите иднината и знаете дека ништо значително нема да се промени низ годините? Ставовите, вредностите и навиките би останале исти. Дали го сакате тоа?

Луѓето растат или ги менуваат своите обрасци бидејќи така сакаат. Ги мотивира постигнувањето цели што ги сметаат за важни. Оние што се обидуваат да влијаат на тоа поради задоволување на сопствените потреби, наидуваат на фрустрација и отпор. Партнерот не се чувствува сакано или исполнето; всушност, неговата вистинска вредност се намалува.

Во тешки случаи, оние што се опседнати со потенцијалот и самите трпат психичко или физичко малтретирање – верувајќи дека работите ќе се подобрат. Во меѓувреме, истражувањата покажуваат дека ваквиот начин на размислување – особено во ситуации што го загрозуваат поединецот – го продлабочуваат проблемот, бидејќи постојано го потсетуваат на болката и јазот меѓу реалноста и фантазијата. Потенцијалот станува само еден вид бегство од реалноста.

На крајот на краиштата, со тоа ја загрозувате и сопствената благосостојба. Впрочем, нашата примарна должност е да научиме да се сакаме себеси – да препознаеме што можеме да понудиме, но и како да поместиме некои граници. Ако не можете сами да го направите тоа, неправедно е тоа да го очекувате од другите.