Актерката најпосле откри која е тајната на четири децениската врска со познатиот актер - Канал 5

Шоу биз

Актерката најпосле откри која е тајната на четири децениската врска со познатиот актер

„Нека не ве лажат, ова е вистината“!

Актерката најпосле откри која е тајната на четири децениската врска со познатиот актер

Парот никогаш не го официјализира својот однос, а сè уште во нивната љубовна врска постојат „искри“.

Холивудската актерка Голди Хоун, позната по својот ведар дух и врската долга повеќе од четири децении со актерот Курт Расел, откри една неочекувана, но искрена тајна на нивната 40-годишна љубов. Имено, ако треба да судиме по нејзините зборови, тајната на нивната повеќедецениска врска е токму добриот се*с.

Голди Хоун (78) на неодамнешната хуманитарна вечера за нејзината фондација „MindUP“, отворено проговори за тоа што ја одржува нивната врска сите овие години. Додека Голди и Курт (73) разговараа со новинарите од „Е! News“, актерката ја истакна важноста на интимноста во врската.

- Мора да имате добар сe*с. Интимниот однос е нешто што ги поврзува партнерите и создава поголемо чувство на припадност. Луѓето кои имаат здрави сексуални односи имаат тенденција да траат многу подолго. Меѓутоа, не е работата само во се*сот, туку и во топлината и интимноста што ја создава – истакна актерката, а за тоа пишуваше и „Пипл“.

Овој пар е познат по тоа што е во врска од 1983 година, заедно делат четири деца. Оливер и Кејт Хадсон се деца од претходниот брак на Голди со Бил Хадсон, додека нивниот син Вајат Расел е заедничко дете. Курт го има синот Бостон од претходниот брак.

Покрај интимноста, Голди истакна дека долгогодишните партнери мора да го прифатат фактот дека се различни личности.

- Не размислувате секогаш на ист начин. Мора да го прифатите тоа, но и да се запрашате: Дали ни е забавно? Дали навистина го сакаме ова? Дали се смееме заедно? Дали делиме исти интереси? Нема потреба да делиме сè, но важно е навистина да ја сакате личноста со која сте – заклучила таа.

Курт даде свое мислење за тоа што ги прави успешни долгорочните врски.

- Повеќето парови, после толку години, поминале низ речиси сè што постои - и подеми и падови. Разбираме што значи да се биде заедно. Ми се допаѓа што се запознавме и што и понатаму уживаме еден со друг. Сè уште сакаме да бидеме заедно – додаде тој.

Голди и Курт, иако не се во брак, станаа симбол на долготрајна љубов во Холивуд, докажувајќи дека почитта, смеата и, како што вели Голди, „добриот с*кс“ се совршениот рецепт за среќна врска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Отстранета нелегалната конструкција на „Даме Груев“ , јавниот простор вратен на граѓаните

Општина Центар ја отстрани металната конструкција на улица „Даме Груев“, кај слаткарницата „Малага“. Со нејзиното демонтирање, пешачката патека повторно е слободна за движење.

Герасимовски: Отстранета нелегалната конструкција на „Даме Груев“ , јавниот простор вратен на граѓаните

„Го расчистивме просторот и го вративме на пешаците, на кои им припаѓа. Јавните површини мора да бидат слободни и достапни за сите“, рече градоначалникот на Општина Центар, Горан Герасимовски.

Конструкцијата, која претходно се користеше како тераса, ја зафаќаше пешачката зона и го попречуваше нормалното движење во строгиот центар на градот.

Општина Центар продолжува со инспекциски контроли и активности за отстранување на бесправно поставени конструкции и објекти, со цел заштита на јавниот простор и непречено движење на граѓаните.

Општина Центар - Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уапсени се повеќе лица во контрола на угостителски објекти во Скопје

Ноќеска акциска контрола во угостителски објекти во Скопје, лишени од слобода повеќе лица, меѓу нив и малолетници.

Уапсени се повеќе лица во контрола на угостителски објекти во Скопје

Секторот за внатрешни работи Скопје, во содејство со инспектори од Државен пазарен инспекторат, ноќеска изврши контрола во повеќе угостителски објекти во Скопје. За време на контролата легитимирани се 37 лица и лишени од слобода се осум лица, од кои три малолетници.

Притоа, во два угостителски објекти констатирано е пречекорување на работното време, а во еден од угостителските објекти констатирано е точење на алкохол на малолетни лица, како и лица кои поседуваат наркотични дроги, психотропни супстанции и прекурсори.

Акциските контроли продолжуваат и во наредниот период, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се уредува нова парковска површина кај „Џевахир“ во општина Аеродром

Се уредува нова парковска површина од околу 3.000 м2 во непосредна близина на комплексот „Џевахир Скај Сити“ во Општина Аеродром.

Се уредува нова парковска површина кај „Џевахир“ во општина Аеродром

Градоначалникот на Општина Аеродром Дејан Митески денеска изврши увид во активностите за расчистување на просторот што ќе прерасне во нов парк со детско игралиште, пешачки патеки, урбана опрема и зеленило.

На целиот простот ќе биде поставен и систем за наводнување, како и комплетно нови линии за осветлување.

Благодарност до компанијата „Џевахир“ за поддршката и соработката во реализацијата на овој проект со кој аеродромци добиваат ново место за одмор, рекреација и дружење.

Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер