Шоу биз

Актерка доби „жежок“ бакнеж од Ричард Гир, сега е ослободена од обвинението за разврат (ВИДЕО)

Индиската актерка Шилпа Шети е официјално ослободена од обвиненијата за разврат, откако холивудската ѕвезда Ричард Гир јавно ја бакна на настан за подигање на свеста за СИДА пред 15 години.

Овој инцидент потоа предизвика протести во кои радикалните хинду групи ги запалија ликовите на двете ѕвезди поради оцрнување на индиската култура. Набргу потоа судијата издаде налог за апсење, а двајцата биле обвинети по неколку точки за прељуба и недолично однесување.

Обвиненијата против Гир биле набрзо повлечени, што му овозможило на еден од најпознатите будисти во светот да се врати во Индија и да се сретне со Далај Лама. Но, случајот против Шети бил во рацете на индиското правосудство повеќе од една деценија додека конечно не бил официјално завршен минатата недела во Мумбаи.

Во судскиот документ објавен денеска, судијата рече дека обвинувањата против актерката се неосновани и дека таа била жртва на несакана љубовна изведба на познатата холивудска ѕвезда. „Се чини дека Шилпа Шети била жртва на наводниот чин на обвинетиот број еден (Ричард Гир)“, се вели во документот.

На снимката од 2007 година, можно е да се види Гир како спонтано ја бакнува Шети во раката, по што цврсто ја прегрнал и ја бакнал неколку пати во образот. Се` се случило додека двајцата биле на сцената.

Адвокатот на Шети вели дека целиот случај се заснова на фактот дека „таа не се бунела кога кообвинетиот ја бакнал“. „Ова во никој случај не ја прави сторител на какво било кривично дело“, додаде адвокатот.

Шети (46) се уште јавно не ја коментирала одлуката на судот. Таа ги бранела постапките на Гир во 2007 година. Гир подоцна се извинил за неговиот чин во очигледен обид да докаже дека бакнувањето е безбедна активност што не е поврзана со СИДА.

Шети е најдобро позната надвор од Индија по појавувањето во британското реално ТВ шоу Celebrity Big Brother 2007. Серијата се најде во центарот на скандалот откако Шети била расистички малтретирана од другите натпреварувачи.

Свет

Арсовска: Врз основа на кој проект е продолжена реконструкцијата на Универзалната сала?

Градоначалничката на Град Скопје, Данела Арсовска на прес-конференција денеска праша врз основа на кој проект е продолжена реконструкцијата на Универзалната сала, како и врз основа на кое мислење за стабилност и сеизмичка заштита се прави тоа.

Рече и дека градот воопшто не бил информиран за отпочнување на градежните активности, пред да се случи пожарот во изминатата недела.. Арсовска упати повеќе прашања до министерството за култура и до фирмата изведувач.

Свет

За два дена во Појасот Газа влегоа над 550 камиони со хуманитарна помош

Повеќе од 550 камиони со хуманитарна помош влегоа во Појасот Газа во текот на последните два дена откако ги минаа темелните безбедносни проверки, соопшти денеска израелската армија, додека ОН сметаат дека ова е недоволна помош.

Израелската армија, во соработка со израелското тело одговорно за палестинските граѓански прашања, „продолжува со напорите да дозволи секојдневно минување на стотици камиони со храна и хуманитарна помош за жителите на Газа“, се наведува во соопштението на армијата, додавајќи дека само синоќа во северниот дел на газа пристигнале 126 камиони.

Точно 56 пратки помош во храна, исто така, со падобрани пристигнаа во палестинската енклава.

„Нема голема промена во обемот на хуманитарна помош што влегува во Газа, ниту има подобар пристап до северниот дел на Газа“, соопшти агенцијата на ОН за палестински бегалци (УНРВА).

Од почетокот на април просечно 181 камион со хуманитарна помош секојдневно влегуваат во Газа преку пристапните точки Рафа и Керем Шалом, соопшти агенцијата на ОН, оценувајќи дека оваа бројка е „под оперативниот капацитет на двата гранични премини, преку кои дневно треба да минуваат 500 камиони“.

УНРВА ја координира речиси целата хуманитарна помош за Појасот Газа, енклавата која од октомври е опколена и уништена во израелската офанзива./МИА

Македонија

Потпишан меморандум за соработка меѓу шесте синдикални организации на универзитетите

На Правниот факултет при Универзитетот „Гоце Делчев"(УГД)-Штип денеска беше потпишан на меморандум за соработка на шесте синдикати на универзитетите во земјава.

Андон Мајхошев претседател на синдикатот на УГД-Штип рече дека цел на денешното потпишување е заедничка соработка меѓу универзитетите и остварување на нивните права кои ги заслужуваат.

- Основната цел и поентата е да соработуваме заедно, особено во делот на активностите кои престојат по конституирање на новата Влада, а тоа е потпишување на Колективен договор за вработените во јавниот сектор. Освен тоа којшто има примарна задача влегуваат и други активности кои планираме да ги остваруваме во наредниот период. Да се вмрежиме со други јавни универзитети од соседството, непосредното опкружување и пошироко во Европа. Да соработуваме на заеднички проекти заедничка едукација, планирање на заеднички активности, кои значат заштите на правата и обврските о одговорностите на вработените во јавните универзитети, изјави Мајхошев.