Актер од серијата „Закон и ред“ е осуден на 25 години затвор поради убиство (ВИДЕО) - Канал 5

Шоу биз

Актер од серијата „Закон и ред“ е осуден на 25 години затвор поради убиство (ВИДЕО)

Актерот Исаја Стоукс (45), најпознат по појавувањето во хит серијата Law & Order, е осуден на минимум 25 години затвор, со можност за доживотен затвор, за смртоносно пукање што се случило на 7 февруари 2021 година, во Сент Албанс.

Актер од серијата „Закон и ред“ е осуден на 25 години затвор поради убиство (ВИДЕО)

37-годишниот Тајрон Џонс бил застрелан повеќе пати во главата и градниот кош и бил прогласен за мртов на местото на настанот, објави Дејли Меил. Актерот Стоукс бил уапсен пет месеци подоцна, откако истрагата открила дека тој ја демнел жртвата дури четири месеци пред злосторството.

На 13 март 2025 година, поротата го прогласи за виновен за убиство и две точки од обвинението за недозволено поседување оружје, а неговата казна беше изречена во петокот, на 21 март. За време на изрекувањето на пресудата, Стоукс изгледал вознемирено додека членовите на семејството на убиениот Џонс аплаудираа. Судијата Кенет Холдер беше остар кон Стоукс, прекорувајќи го поради прекин на судењето и обид за повторно отворање на претходните предлози.

„Не ми е гајле дали тврдиш дека си невин“

Кога Стоукс пркосно му промрморе нешто на судијата, Холдер возврати: „И не ми е гајле што рече! Не ми е гајле што тврдиш дека си невин, ти си повеќе виновен од кој било кој некогаш стапнал во оваа судница!“ Тој додаде: „Мислевте дека тоа што сте во затвор ќе ви помогне во филмската кариера кога ќе излезете. Но проблемот е што нема да излезете. Никој не може да планира и изврши убиство толку глупаво како што направивте вие“.

Судијата потсетил како Стоукс со месеци бил опседнат со одмазда поради тепачка на роденденската забава на Џонс во октомври 2020 година, по што тој го следел и на крајот го убил. „Го ловевте Џонс и го застрелавте единаесет пати за да се осигурате дека ќе умре... Иронично, тоа крваво дело ви го донесе признанието што го посакувавте. Сега вие сте пример како некој може да си го уништи сопствениот живот за миг“.

Џонс го избрка од неговата роденденска забава

Судијата Холдер, исто така, истакна дека и тој и адвокатите на Стоукс постојано го советувале актерот да прифати спогодба за признавање на вината откако ги видел снимките од надзорните камери кои јасно го идентификувале како сторител, но Стоукс одбил, пишува Дејли мејл.

Според окружниот обвинител на Квинс, Мелинда Кац, Стоукс бил „понижен и лут“ откако бил исфрлен од роденденската забава на Џонс во октомври 2020 година поради несоодветно однесување кон гостите.

„Не му дадовте шанса, ги излажавте сите“

„Тој подготвуваше одмазда со месеци, прикачи ГПС уред на автомобилот на Џонс и го следеше со недели пред да го најде паркиран на улицата Линден и да испука 11 куршуми во него“, рече Кац. „За ова педантно планирано убиство сега е задоволена правдата, а обвинетиот остатокот од животот ќе го помине зад решетки како директна последица на неговите криминални дејствија.

Емотивен говор пред судот одржа и таткото на убиениот Тајрон Џонс - Тајрон Џонс постариот. „Ти Џеј беше забавен, полн со љубов, тој беше син, брат, вујко и внук. Не сакам да се сеќавам на денот кога решивте да го убиете мојот син. Го изгубив мојот единствен син, не од несреќа или болест, туку од чудовиштето Исаја Стоукс.

"Го следевте мојот син со недели. Додека седеше во автомобилот, не му дадовте шанса... Сите ги излажавте! Сега треба да одам на гробишта да разговарам со мојот син", додал тој.

YouTube video

Изгуби многу килограми во затвор

Покрај „Закон и ред“, Стоукс глумеше и во сериите Rescue Me, Boardwalk Empire и Louie, а неговата последна телевизиска улога беше во 2019 година во серијата Power. Покрај глумата, тој правеше музика и под псевдонимот I$AIAH, а својот последен сингл Persona of a Hustler го издаде во 2023 година.

Пред судењето, Стоукс беше едвај препознатлив поради значителното губење на тежината за време на неговото време во затворот на островот Рикерс. Мелинда Кац заклучи: „Ова беше ладнокрвно, планирано злосторство за одмазда. Мојата канцеларија ќе продолжи неуморно да работи против насилството со огнено оружје со истрага и гонење на оние кои го шират на нашите улици“.

Тагови: актер затвор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“. 

Видео-фото: Најпознатата плус сајз манекенка гордно го покажа телото: Вака изгледа мојот живот

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

Еврото падна на најниско ниво во однос на доларот во последните 17 месец

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бен Афлек ги обожава сите свои поранешни партнерки, но не престанува да зборува за овие две

Мегапопуларниот актер Бен Афлек, иако официјално е разведен, сè уште го привлекува вниманието на јавноста поради своите поранешни партнерки и пријателскиот однос што го одржува со Џенифер Лопез и Џенифер Гарнер.

Бен Афлек ги обожава сите свои поранешни партнерки, но не престанува да зборува за овие две

Афлек игра главна улога во филмот „Animals“, кој воедно и го режираше за „Нетфликс“, па деновиве е на голема промотивна турнеја. Во интервју за „Варајети“ (Variety), тој беше прашан што мисли за актерскиот талент на Џенифер Лопез.

Тој беше продуцент на нејзиниот филм од 2025 година, „Kiss of the Spider Woman“, за кој многумина сметаа дека таа заслужила номинација за „Оскар“.

Истото мислење преовладуваше и по нејзината улога во филмот „Hustlers“, пренесува „Hola“. Џенифер не доби номинација за ниту еден од тие филмови, а кога го прашаа зошто смета дека нејзиниот талент често се занемарува, Бен призна дека е „пристрасен“.

„Имам голема почит и ценење за она што таа го прави. Она што го имам забележано кога станува збор за наградите е дека комерцијалниот успех на некое остварување не секогаш се совпаѓа со мојот вкус“, рече тој.

Претходно во истото интервју, тој ја спомна не само Лопез, туку и својата прва поранешна сопруга, Џенифер Гарнер, па така нивните имиња ретко се спомнуваа заедно во истиот разговор.

Кога го прашаа за ѕвездите, нивната моќ за градење бренд, како и за секторот за содржини и рекламирање на неговата компанија „Artists Equity“, Бен ги пофали двете поранешни сопруги.

„Уметниците треба да заработуваат пари. Ова е особено очигледно во музичката индустрија. Од луѓето се очекува, било премолчено или сосема отворено, да заработуваат пари и на други начини“, рече актерот.

„Денес имате и свој идентитет на социјалните мрежи. Работите на негово градење. Гледав како Џенифер Лопез и Џенифер Гарнер брилијантно го развиваат своето присуство во тие простори и создаваат вредност“, рече тој и призна дека не верувал оти и самиот некогаш би можел да го направи истото.

Тагови: Бен Афлек Џенифер Гарнер Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер