Свет

Аксиос: САД ќе ѝ продадат на Саудиска Арабија основен модел Ф-35 поради загриженоста на Израел

Американскиот државен секретар Марко Рубио го увери израелскиот премиер Бенјамин Нетанјаху дека САД нема да и испорача на Саудиска Арабија најсовршениот модел на авиони ловци Ф-35, какви што имаат европските држави, објави Аксиос.

Претходно, американскиот претседател Доналд Трамп изјави дека САД ќе и продадат на Саудиска Арабија најсовршените авиони ловци од петтата генерација. Најавата на Трамп предизвика загриженост кај Израел, единствената држава на Блиски Исток која поседува Ф-35.

Според американскиот портал, Рубио ветил дека дополнително ќе разговара со Израел за да го убеди договорот за оружје со Саудиска Арабија нема да ја поткопа квалитативната воена супериорност на Израелските одбранбени сили (ИДФ) на Блискиот Исток, нешто што е вградено во американскиот закон.

Саудискиот престолонаследник Мохамед бин Салман на 18 ноември имаше средба со Трамп во Белата куќа, при што беа потпишани голем број договори во областа на економијата и одбраната.

Трамп по средбата изјави дека САД ѝ доделиле на Саудиска Арабија статус на главен сојузник на Вашингтон надвор од НАТО.

Во случај на испорака на Ф-35 на Саудиска Арабија, Израел најави дека ќе побара дополнителни безбедносни гаранции од Вашингтон. Особено, борбените авиони испорачани на Кралството не треба да бидат стационирани во саудиските воздухопловни бази во западниот дел од земјата, кои се најблиску до израелска територија.

Тагови: авиони САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Одржав средба со Одил Рено-Басо, претседателка на Европската банка за обнова и развој

Одржав средба со Одил Рено-Басо, претседателка на Европската банка за обнова и развој (ЕБОР), на која разговаравме за можностите за унапредување на соработката и поддршката на развојните приоритети на државата.

Продолжуваме со посветена работа на создавање услови за нови инвестиции, реализација на значајни инфраструктурни проекти и забрзување на економскиот развој, со цел подобрување на квалитетот на живот на граѓаните, објави на ФБ премиерот Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Белорусија се изврши размена на телата на загинатите војници- Русите предале 252, Украинците 25 тела

Русија и Украина разменија останки на 277 војници убиени во војната.

Русија ѝ ги предаде телата на 252 загинати војници на Украина, а за возврат ги презеде останките на 25 свои војници, објави белоруската новинска агенција БелТА. Размената се одржа на граничниот премин Новаја Гута во Белорусија.

Договорено обновување на трипартитните мировни преговори

Репатријацијата на останките се случи еден ден откако специјалниот претставник на САД, Стив Виткоф, ги заврши разговорите со рускиот претседател Владимир Путин во Санкт Петербург. Тие разговараа за обновување на трипартитните мировни преговори, кои беа прекинати уште во февруари.

Украинскиот претседател Володимир Зеленски вчера изјави дека Киев го поддржува американскиот предлог за трилатерални преговори со Москва и Вашингтон. Кремљ објави дека Путин се согласил да ги продолжи преговорите со посредство на САД, веќе следниот месец.

Русија и Украина претходно разменија останки на паднати војници во август и септември. Шефот на кабинетот на украинскиот претседател, Кирило Буданов, на 2 октомври објави дека повеќе од 26.000 тела и останки се вратени во Украина како дел од репатријацијата, но значаен дел од нив сè уште не е идентификуван.

Тагови: русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Том Круз добива награда за животно дело

Признание за исклучителен придонес за филмот, холивудската ѕвезда, актерот Том Круз добива награда за животно дело .

Мегапопуларниот актер Том Круз е добитник на Наградата за животно дело на Американскиот филмски институт, која ќе му биде врачена во април следната година, соопштија денеска организаторите.

Наградата е посветена на зачувувањето и промовирањето на филмот. „Како актер и продуцент, тој внесува извонредна посветеност во сè што прави.

Она што особено го ценам е неговата длабока верба во филмовите и нивната моќ да ги зближуваат луѓето“, изјави Кетлин Кенеди, претседателка на Управниот одбор на Американскиот филмски институт.

Меѓу претходните добитници на наградата на Институтот се Бети Дејвис, Џин Кели, Елизабет Тејлор и Том Хенкс. Круз бил номиниран три пати за наградата на Филмската академија, а минатата година доби почесен „Оскар“ за животно дело.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.