Автомобилизам

Ако се откажат од Тесла и купат електрично Порше, добиваат 4.500 долари бонус

Првиот и во исто време најсилен адут на Porsche во палетата на електрифицирани автомобили е секако Taycan.

Целосно електричниот автомобил е еден од ретките што може да одговара на перформансите на Tesla, а многумина го доживуваат како еден од најдобрите електрични автомобили на пазарот во моментов.

Моделот неодамна беше обновен и сега е уште поатрактивна опција. Меѓутоа, за да им го олесни изборот на сите и да поттикне посебна група фанови, Порше покрена нова иницијатива. Имено, сите сопственици на Tesla Model S кои сакаат да се приклучат на нивниот камп и да купат Taycan Porsche ќе добијат бонус од значителни 4500 американски долари.

Навистина, бонусот важи и за сите други, но јасно е која е целта, особено на американскиот пазар, каде што овие два модели го имаат приматот во премиум сегментот.

Според Cars Direct, бонусот важи за сите модели од залиха, а износот зависи од преостанатото време на закупот и се движи од минимум 1.500 до споменатиот максимум 4.500 американски долари. Сето ова го нуди програмата Добредојдовте во Порше.

Да напоменеме дека Taycan Turbo S има 952 КС, 96 km/h стигнува за 2,3 секунди, но и тоа не е максимумот што го нуди Porsche. Тука е и Turbo GT со 1108 КС и пакетот Weissach, кога е недофатлив на патеката.

НБА

Никола Јокиќ се врати по повредата со трипл – дабл

Кошаркарите на Денвер синоќа на домашен терен го совладаа Милвоки со 127:117 и со тоа го забележаа 46. сезонава во НБА лигата.

Најефикасен во тимот на Денвер беше српскиот репрезентативец Никола Јокиќ, кој во првиот натпревар откако се врати на паркетот по повредата забележа трипл-дабл со 39 поени, 10 скокови и 10 асистенции. Српскиот центар ги пропушти претходните пет натпревари на Денвер поради повреда на зглобот.

Во редовите на Милвоки поради повреда отсуствуваа Јанис Антетокумпо и Демијан Лилард.

Денвер е трет во Западната конференција со 46 победи и 28 порази, додека Милвоки е шести на Истокот со 40 победи и 32 порази. /МИА

Свет

Брачна двојка од Јапонија сe депортирани поради скандалозно однесување на Кинескиот ѕид

Маж и жена од Јапонија биле уапсени и депортирани од Кина поради „скандалозно однесување“ за време на нивната посета на Кинескиот ѕид.

Сѐ почнало невино, или барем засегнатите така мислеле, кога сопругот решил да се пошегува па го покажал задникот додека жената го фотографирала на Кинескиот ѕид. Меѓутоа, тој чин, којшто според кинеските закони се смета за „навреда на јавната пристојност“, предизвика бес и доведе до брза депортација на прекршителите, истакнувајќи го судирот на културните норми меѓу Јапонија и Кина, пишуваат кинеските медиуми.

По инцидентот, обезбедувањето на историскиот споменик веднаш реагирало и ги приведе мажот и жената. Поради нивните постапки, тие биле уапсени и две недели биле в затвор пред депортацијата во Јапонија.

Јапонското Министерство за надворешни работи потврди дека туристите „на крајот биле ослободени и вратени во Јапонија“ и оти тоа се случило во јануари, иако веста е објавена сега.

За време на нивниот разговор со дипломатите и надлежните кинески власти, ослободените се правдале дека тоа било шега. Но, нивното објаснување не ја намалува сериозноста на културниот престап и прекршувањето на законските прописи во Кина.

Свет

Најмалку шест лица загинаа во терористички напад во Пакистан

Најмалку шест лица загинаа во терористички напад во областа Гвадар во југозападната пакистанска провинција Белуџистан, соопшти полицијата.

Според локалните власти, нападот се случил кога вооружени терористи отвориле оган врз цивили во областа Калмат во Гвадар, Пакистан, убивајќи пет лица, додека едно рането лице им подлегнало на повредите во болница.

Полицијата, безбедносните сили и спасувачките екипи брзо пристигнале на местото на инцидентот, кои ги префрлиле телата и повредените во блиската болница.