Ако резервоарот не е наполнет најмалку 75 отсто, не можете да ја напуштите државата: Еве која земја врши вакви ригорозни контроли - Канал 5

Свет

Ако резервоарот не е наполнет најмалку 75 отсто, не можете да ја напуштите државата: Еве која земја врши вакви ригорозни контроли

Правилото важи за возила на бензин, дизел и компримиран гас, а наводно строго се спроведува на граничните премини.

Ако резервоарот не е наполнет најмалку 75 отсто, не можете да ја напуштите државата: Еве која земја врши вакви ригорозни контроли

Одењето преку граница за поевтино гориво е позната пракса меѓу многу возачи ширум Европа. Меѓутоа, една далекуисточна држава најде оригинален начин да ѝ доскочи на таа навика.

Во Сингапур не е дозволено да се напушти земјата доколку резервоарот не е наполнет најмалку 75%, пренесува B92.

Можеби ќе ве интересира: Стигнува нова, подобра врста гориво - еве кои модели можат да го користат

Сингапур со години е едно од најскапите места во светот за поседување автомобил. За да добиете право да купите возило, најпрво мора да платите таканаречен COE – сертификат за сопственост, кој чини околу 70.000 евра.

Потоа следува ARF, посебна такса на купување возило, чиј износ зависи од вредноста на автомобилот и може да достигне и до 320% од цената на возилото.

Кога ќе се додадат високите даноци и дополнителни давачки, цените на просечните автомобили достигнуваат астрономски висини.

И покрај сето тоа, горивото во Сингапур и понатаму има релативно „нормална“ цена – литар бензин чини околу 1,90 евра, што е слично на цените во некои европски земји.

Проблемот настанува во споредба со соседна Малезија, каде литар бензин чини само 40 центи.

Можеби ќе ве интересира: Ценовен хаос на пумпите во Германија: Гориво со променлива цена – по 50 пати дневно!

Границата меѓу двете земји е лесно достапна за сите жители на Сингапур, а најоддалечената точка на државата е оддалечена само педесетина километри од Малезија. За многумина тоа беше совршен начин да наполнат резервоар за ситни пари.

Но, Сингапурците не би биле тоа што се доколку не воведеа правило што сè менува. Така нареченото „Правило на три четвртини од резервоарот“ налага дека ниту едно возило регистрирано во Сингапур не смее да ја напушти земјата со резервоар наполнет помалку од 75%.

Правилото важи за автомобили на бензин, дизел и компримиран гас, и наводно строго се спроведува на граничните премини.

Оние што ќе го прекршат, ризикуваат казна до 500 сингапурски долари (околу 330 евра), а покрај паричната казна, возачите мора да се вратат и да наполнат гориво.

Тагови: гориво Европа Сингапур

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Она што требаше да биде возбудлива авантура се претвори во кошмар за турист од индиската држава Карнатака, откако паднал од висина од речиси 12 метри додека се возел со жичарница во одморалиште во Дандели.

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Инцидентот се случил кога, според семејството, безбедносниот механизам откажал, објавува NDTV.

Видеото се појави на мрежите

Туристот, идентификуван како К. С. од градот Виџајапура, претрпел повеќекратни скршеници во рацете и нозете откако ја изгубил заштитата на средина од возењето и паднал на земја.

Страшниот инцидент бил снимен со камера, а видеото брзо се проширило на социјалните мрежи.

Според семејството, безбедносната сопирачка на жичарницата „попуштила“, додека К. С. висел во воздух, по што се струполил на земја.

Семејството го обвини менаџментот на одморалиштето за небрежност, тврдејќи дека опремата „не била правилно одржувана“.

Бараат одговорност од менаџментот

Повредениот маж прво бил однесен во Владината болница во Дандели, по што бил префрлен во болница во Виџајапур.

Поради потребата од специјализиран третман, тој подоцна бил префрлен во Мираџ, каде што бил згрижен.

Семејството бара одговорност од менаџментот на одморалиштето, тврдејќи дека „несреќата можела да се спречи“ со редовно одржување на опремата и соодветни безбедносни проверки.

Тагови: туристот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска.

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска, за време на рецитирањето на бројаницата, непосредно пред мисата во 10 часот наутро.

Таа била во главната црква кога била нападната, објавува RTE, по што била однесена во Универзитетската болница Вотерфорд со сериозни, но не опасни по живот повреди.

Полицијата уапсила маж во 30-тите години во блиската куќа и му бил запленет нож. Тој моментално е во притвор во полициската станица во округот Вотерфорд.

Парохискиот свештеник, отец Ричард О'Халоран, потврди дека еден верник е повреден во нападот.

Епархијата Вотерфорд и Лизмор изјави дека е „длабоко шокирана од насилниот инцидент“ што се случил за време на службата, со порака за поддршка на повредената жена и благодарност до верниците кои помогнале „за време на овој ужасен настан“.

Истрагата е во тек, според ирската телевизија.

Тагови: Црква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се обиделе да спасат човек да не се удави, па се удавиле петмина- трагедија во Охајо (ВИДЕО)

Две жени и тројца мажи се удавија во американската држава Охајо.

Се обиделе да спасат човек да не се удави, па се удавиле петмина- трагедија во Охајо (ВИДЕО)

Според канцеларијата на шерифот на округот Делавер, трагедијата се случила во неделата навечер на реката Скиото, во близина на резервоарот О'Шогнеси, околу 16 километри северозападно од Колумбус, главниот и најголем град во државата Охајо, објави Њујорк Тајмс.

Група од најмалку седум лица - два пара, нивниот возрасен пријател и две деца - престојувале покрај брегот на реката при зајдисонце. „Некои од нив ловеле риба кога еден од возрасните влегол во реката да плива“, рече шерифот Џефри Балцер.

Детето истрчало на патот и запрело автомобил

Кога пливачот почнал да се бори да остане на површината, двајца други возрасни се обиделе да му помогнат, но самите почнале да тонат. „После тоа, уште двајца возрасни се обиделе да ги спасат, пред сите петмина да исчезнат во реката“, им рече Балцер на новинарите на прес-конференција.

„Не е невообичаено едно лице да почне да се дави, а други да се обидуваат да го спасат, иако немаат потребни вештини, па затоа завршуваме со повеќе смртни случаи“, нагласи шерифот.

Властите беа известени за несреќата откако едно од двете деца истрча на блискиот пат и го запре автомобилот. На возачот му беше кажано дека „неговото семејство е удавено во реката“. Службите за итни случаи веднаш беа испратени на местото на настанот и брзо ги пронајдоа двете жени и ги извлекоа од водата. Набргу потоа, тие беа прогласени за мртви во блиската болница.

Телата на тројцата исчезнати мажи беа пронајдени следниот ден. Шерифот рече дека двете деца, и двете под десетгодишна возраст, биле згрижени од локалните служби за заштита на деца по трагедијата.

Тагови: Охајо удави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер