Ценовен хаос на пумпите во Германија: Гориво со променлива цена – по 50 пати дневно! - Канал 5

Свет

Ценовен хаос на пумпите во Германија: Гориво со променлива цена – по 50 пати дневно!

Германските бензински пумпи често ја менуваат цената на горивото. Всушност, ја менуваат премногу брзо, оцени порталот за споредба на цени „Benzinpreis.de“. Молскавичните промени го оневозможуваат информирањето на потрошувачите, наведува порталот.

Ценовен хаос на пумпите во Германија: Гориво со променлива цена – по 50 пати дневно!

Критиката ја поддржа и Агенцијата за борба против монополи, но здружението на оператори на пумпи „Fuels and Energie“ ги отфрли сите забелешки.

Основата за жалбата е студија за следење на цените на околу 14.000 пумпи од 12 до 18 мај. Пумпите секоја промена мора да ја пријават до канцеларијата за транспарентност на пазарот.

„Benzinpreis.de“ утврдил дека 11.000 пумпи барем еднаш ја промениле цената што важела помалку од 15 минути, а 3.851 пумпа ја менувала цената и за помалку од пет минути, пишува „B92“.

Со тоа „се манипулира со потрошувачите“ кои избираат пумпа според цената, без реална шанса навистина да ја затекнат таа цена кога ќе пристигнат. Порталот во студијата ги повика здруженијата за заштита на потрошувачи да ги предупредат операторите.

Fuels and Energie, кое ги претставува и големите трговци со нафтени деривати, укажа дека канцеларијата за пазарна транспарентност не утврдила никакви недостатоци во нивното работење.

– Пазарот на гориво за возила е целосно транспарентен – а бензинските пумпи – во силна конкуренција се борат за секој поединечен возач и затоа цената варира – соопшти здружението.

Сепак, федералната антимонополска агенција за dpa оцени дека – честото менување на цените на пумпите го оневозможува потрошувачот да ги споредува податоците и да заштеди.

Агенцијата уште во април го анализираше пазарот и утврди дека во првиот квартал пумпите во просек ја коригирале цената 22 пати дневно, а секоја дванаесетта пумпа ја менувала повеќе од 35 пати во 24 часа.

На високите просечни вредности придонеле некои пумпи кои ја менувале цената и повеќе од 50 пати дневно – односно повеќе од двапати на час.

Агенцијата укажа и на практики од други држави, како Италија и Австрија, каде на различни начини се ограничува бројот на промени на цените, но засега нема препорака за решение за Германија.

Дополнително, економистите се разидуваат околу ефектите од честите промени на цените – некои го гледаат тоа како порталот, додека други сметаат дека брзите корекции на долг рок ја туркаат цената надолу, пренесува Биз портал.

Тагови: Германија гориво

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Она што требаше да биде возбудлива авантура се претвори во кошмар за турист од индиската држава Карнатака, откако паднал од висина од речиси 12 метри додека се возел со жичарница во одморалиште во Дандели.

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Инцидентот се случил кога, според семејството, безбедносниот механизам откажал, објавува NDTV.

Видеото се појави на мрежите

Туристот, идентификуван како К. С. од градот Виџајапура, претрпел повеќекратни скршеници во рацете и нозете откако ја изгубил заштитата на средина од возењето и паднал на земја.

Страшниот инцидент бил снимен со камера, а видеото брзо се проширило на социјалните мрежи.

Според семејството, безбедносната сопирачка на жичарницата „попуштила“, додека К. С. висел во воздух, по што се струполил на земја.

Семејството го обвини менаџментот на одморалиштето за небрежност, тврдејќи дека опремата „не била правилно одржувана“.

Бараат одговорност од менаџментот

Повредениот маж прво бил однесен во Владината болница во Дандели, по што бил префрлен во болница во Виџајапур.

Поради потребата од специјализиран третман, тој подоцна бил префрлен во Мираџ, каде што бил згрижен.

Семејството бара одговорност од менаџментот на одморалиштето, тврдејќи дека „несреќата можела да се спречи“ со редовно одржување на опремата и соодветни безбедносни проверки.

Тагови: туристот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска.

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска, за време на рецитирањето на бројаницата, непосредно пред мисата во 10 часот наутро.

Таа била во главната црква кога била нападната, објавува RTE, по што била однесена во Универзитетската болница Вотерфорд со сериозни, но не опасни по живот повреди.

Полицијата уапсила маж во 30-тите години во блиската куќа и му бил запленет нож. Тој моментално е во притвор во полициската станица во округот Вотерфорд.

Парохискиот свештеник, отец Ричард О'Халоран, потврди дека еден верник е повреден во нападот.

Епархијата Вотерфорд и Лизмор изјави дека е „длабоко шокирана од насилниот инцидент“ што се случил за време на службата, со порака за поддршка на повредената жена и благодарност до верниците кои помогнале „за време на овој ужасен настан“.

Истрагата е во тек, според ирската телевизија.

Тагови: Црква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се обиделе да спасат човек да не се удави, па се удавиле петмина- трагедија во Охајо (ВИДЕО)

Две жени и тројца мажи се удавија во американската држава Охајо.

Се обиделе да спасат човек да не се удави, па се удавиле петмина- трагедија во Охајо (ВИДЕО)

Според канцеларијата на шерифот на округот Делавер, трагедијата се случила во неделата навечер на реката Скиото, во близина на резервоарот О'Шогнеси, околу 16 километри северозападно од Колумбус, главниот и најголем град во државата Охајо, објави Њујорк Тајмс.

Група од најмалку седум лица - два пара, нивниот возрасен пријател и две деца - престојувале покрај брегот на реката при зајдисонце. „Некои од нив ловеле риба кога еден од возрасните влегол во реката да плива“, рече шерифот Џефри Балцер.

Детето истрчало на патот и запрело автомобил

Кога пливачот почнал да се бори да остане на површината, двајца други возрасни се обиделе да му помогнат, но самите почнале да тонат. „После тоа, уште двајца возрасни се обиделе да ги спасат, пред сите петмина да исчезнат во реката“, им рече Балцер на новинарите на прес-конференција.

„Не е невообичаено едно лице да почне да се дави, а други да се обидуваат да го спасат, иако немаат потребни вештини, па затоа завршуваме со повеќе смртни случаи“, нагласи шерифот.

Властите беа известени за несреќата откако едно од двете деца истрча на блискиот пат и го запре автомобилот. На возачот му беше кажано дека „неговото семејство е удавено во реката“. Службите за итни случаи веднаш беа испратени на местото на настанот и брзо ги пронајдоа двете жени и ги извлекоа од водата. Набргу потоа, тие беа прогласени за мртви во блиската болница.

Телата на тројцата исчезнати мажи беа пронајдени следниот ден. Шерифот рече дека двете деца, и двете под десетгодишна возраст, биле згрижени од локалните служби за заштита на деца по трагедијата.

Тагови: Охајо удави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер