Македонија

Ако продолжи поскапувањето можно е владата да ги намали акцизите

Доколку продожи растот на цената на нафтата на светските берзи и тоа има големо влијаение на цената кај нас – Владата е подготвена за нови интервенции и мерки со цел да се спречи нов енормен раст на горивата.

Според најавите од премиерот, Христијан Мицкоски ако има потреба ќе се намалува акцизата и маржата, во моментов вели состојбата се следи. Нова цена регулаторна треба да донесе в понеделник, но каква би била цената – Мицкоски вели засега е рано да се каже.

„Нека се затвори денеска тргувањето на плац и тогаш можеме повеќе да кажеме но ние имаме мерка во следните две недели намалување на ДДВ то. Следна мерка после овие две недели доколку продолжи растот на берзите ќе биде намалување на акцизата и нормално намалување на маржата односно цената на складиштење, транспортните трошоци итн тоа би биле следни чекори.“- Христијан Мицкоски – претседател на Влада

Дополнително вели вниматлено се следат и цените на храната. 30тина тимови на ДПИ се постојано на терен и до средината на следниот месец се очекува до министерството за економија и труд да биде доставен целосен извештај од инспекторатот по што ќе се знае дали и какви чекори би се презеле. Мицкоски ги оцени како манипулација изјавите на опозицијата – која тврди дека цените на храната секојдневно растат.

„Различни типови на маркети се посетуваат апсолутно се гледаат сите трошоци и врз основа на тие трошоци носиме стратегија и политика и ако видиме дека постои непазарно однесување ќе делуваме како Влада.“ - Христијан Мицкоски – претседател на Влада

Владата во неделата прогласи 30 дневна кризна состојаба и го намали ДДВто на горивата од 18 на 10 %, што директно влијаеше врз цената, по што со понеделничката одлука на РКЕ бенизните останаа со иста цена а дизелот наместо за 10,5 се зголеми за 3,5 денари по литар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Иван Анастасовски во „Вести плус“

Почитувани, вечерва во Вести Плус гостува Иван Анастасовски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Провокативната Нивес со интересни фотки и порака

Хрватската, старлета, пејачка, водителка, писателка и инфлуенсерка Нивес Целзијус повторно го привлече вниманието на своите следбеници на социјалните мрежи, овојпат со фотографии од одмор што ја доловуваат летната атмосфера.

Бујната Нивес сподели фотографии од одморот, а покрај објавата остави кратка, но впечатлива порака.

„...кожата ми гори, срцето ми трепери...“, напиша Нивес.

Стиховите што таа ги избра дополнително ја истакнаа атмосферата што сакаше да ја пренесе преку фотографиите, а објавата не остана незабележана од нејзините следбеници.

Нивес често споделува моменти од своите патувања и одмори во текот на летните месеци, а нејзините објави редовно привлекуваат големо внимание кај јавноста.

Тагови: нивес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Белгиски нуркач пронашол необично богатство во потонат брод

Неверојатно откритие во близина на брегот на Довер го привлече вниманието и на експертите и на љубителите на историјата.

Белгискиот нуркач и подводен фотограф Стеф Панис открил гајба со недопрени шишиња пиво и џин во остатоците од брод што потонал во 1864 година кај Довер, во југоисточна Велика Британија; едно шише со етикета „Guinness London“ привлече меѓународно внимание, а компанијата „Гинис“ изјави дека би сакала да го испита во својата лабораторија.

Нуркачот го открил потонатиот брод „Миндоро“ на длабочина од 25 метри и внатре пронашол гајба со шишиња, меѓу кои и едно од познатиот бренд за пиво, пренесува фламанскиот радиодифузер VRT.

„Ова шише ми го привлече вниманието бидејќи, исто како шише шампањ, имаше некаков вид капаче на врвот“, изјавил Панис.

Тој истакнал дека на шишето со пиво, кое 162 години лежело на морското дно, стоела етикетата „Guinness London“ – што е особено интересен детал со оглед на тоа што пивото „Гинис“ се произведува во Ирска, а не во Лондон.

Панис објасни дека од компанијата „Гинис“ дознал оти, во времето кога потонал бродот, вообичаена практика било пивото да се транспортира во буриња до разни локации – вклучително и Лондон – за таму да се флашира и дистрибуира.

„Миндоро“, бродот во чија близина биле пронајдени шишињата со алкохол стари 162 години, бил дрвен едреник што превезувал колонијален товар на пат кон Ванкувер. Покрај остатоците од бродот, на морското дно биле пронајдени и прибор за јадење, чинии, бројни шишиња вино, пиво и џин, како и делови од пушки и воени ремени.

„Таму [во Ванкувер] бил стациониран полк на британската армија, а бродот превезувал залихи за нив. Нуркањето до остатоците од бродот е како патување низ времето, така да се каже“, рече Панис.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.