Живот

Ајнштајн бил ксенофобичен расист?

Приватните дневници на Алберт Ајнштајн од патувањата по Азија и Блискиот исток од октомври 1922 до март 1923 година открила за неговата претходно непозната расистичка страна, пренесуваат израелските медиуми.

Познатиот физичар ги запишал своите мисли кои прикажуваат ксенофобичен однос спрема многу народи кои ги сретнал на патувањето, а посебно спрема Кинезите. Ајнштајн ги нарекол “вреден, валкан и глуп народ“ споредувајќи ги со роботи, објави британскиот „Гардијан“.

Истражувачите изјавиле дека биле шокирани од ова откритие, посебно затоа што Ајнштајн подоцна бил познат по својата хуманост и поддршка на борбата за граѓанските права во САД.

Во 1956 година во еден говор го означил расизмот како “болест на белите луѓе“, најавувајќи дека нема намера да молчи за тоа. Во раните дваесетти години ја повел својата тогашна жена Елза Ајнштајн на долго патување.

Ги посетиле Хонгконг и Сингапур, два пати накратко биле во Кина и шест недели престојувале во Јапонија, каде Ајнштајн одржувал предавања. Исто така поминале 12 дена во тогашната Палестина под британски мандат.

Дневниците од патувањата по Далечниот исток, Палестина и Шпанија 1922-1923 (The Travel Diaries of Albert Einstein: The Far East, Palestinem,and Spain, 1922-1923) неодамна ги објави Принстон јуниверсити прес (Princeton University Press).

„Ова е некој вид на контраст на јавниот имиџ на големата хуманитарна икона. Мислам дека поприлично е шокантно да се прочитаат и да се споредат со неговите јавни изјави“ – изјавил преведувачот на дневникот од оригиналниот германски на англиски јазик Зеев Розенкранц, додавајќи дека не биле наменети за издавање.

Ајнштајн кинеските деца опишал дека “изгледаат глупаво и без дух“.

„Би било штета Кинезите да ги истиснат сите други раси. За оние како нас самата помисла на тоа е неизмерно мрачна“ – оценил Ајнштајн, пренесува британскиот весник.

Меѓутоа, односот спрема другите азиски народи бил поинаков. Ајнштајн бил многу повеќе импресиониран од Јапонците, означувајќи ги како “скромни, пристојни и многу допадливи“ .

Розенкранц изјавил дека иако погледите како тие на Ајнштајн во тоа време преовладувале, сепак не биле универзални.

Сепак, Ајнштајн сето тоа го напишал пред да увиди до што може да доведе разисмот во нацистичка Германија и пред да го искуси расизмот против Афроамериканците во САД, каде се преселил во 1933 година.

Триесетина години после патувањето во Азија неговата сопруга во дневниците запишала дека ја одбил понудата да стане претседател на Израел.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер