Ајкула уби човек додека бил на риболов на едно од најпознатите туристички места на светот - Канал 5

Свет

Ајкула уби човек додека бил на риболов на едно од најпознатите туристички места на светот

Маж почина откако бил нападнат од ајкула на Големиот корален гребен, јужно од Кернс во австралиската држава Квинсленд.

Ајкула уби човек додека бил на риболов на едно од најпознатите туристички места на светот

Несреќата се случила околу пладне по локално време, а 39-годишниот маж наводно ловел риба во Кенеди Шоул, плиток гребен на околу 50 километри од брегот, пишува „Гардијан“.

Областа, која се наоѓа помеѓу Кернс и Таунсвил, е популарна дестинација за рекреативен риболов и нуркање. Службите за итни случаи биле алармирани околу пладне, по што мажот бил однесен во пристаништето Хал Ривер Хедс, во близина на градот Тали, во критична состојба. Тој починал од повредите кратко откако бил извлечен на брегот.

Полицијата подготвува извештај

Полицијата на Квинсленд соопшти дека ќе подготви извештај од патолог „по ненадејната смрт на 39-годишен маж, која не се третира како сомнителна“ во областа на крајбрежјето Касовари.

„Итни служби беа повикани на бродот Хал Ривер Хедс каде што се приземјуваше нешто пред 12 часот попладне, по пријавите за напад на човек од ајкула додека се наоѓал на Кенеди Шол“, се вели во соопштението. „Човекот беше извлечен од водата и им подлегна на повредите.“

Напади во регионот

Иако ретки, нападите од ајкули се случиле на гребени и во плитка вода по должината на брегот на Квинсленд. Во 2021 година, пензионираниот нуркач на американската морнарица, Рик Бетуа, преживеа напад од ајкула-бик на гребенот Бритомарт, кој се наоѓа околу 30 километри јужно од Кенеди Шол.

Сè уште не е познато кој вид ајкула е одговорен за денешниот смртоносен напад. Познато е дека ајкулите-бикови и тигрести ајкули се широко распространети по должината на Големиот корален гребен. Големите бели ајкули исто така го населуваат гребенот, но се поретки во потоплите води.

Ова е втор фатален напад во Австралија за краток временски период. Минатиот викенд еден човек почина откако беше нападнат од ајкула кај островот Ротнест, во близина на Перт. На 38-годишникот му беше укажана помош на местото на настанот во саботата, но неговиот живот не можеше да се спаси.

Тагови: ајкула риболовот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Центар со ексклузивна поддршка за македонската музичка сцена по повод 50 години постоење

 Четврто издание на традиционалниот музички хепенинг „Нешто што ќе остане“: Општина Центар со ексклузивна поддршка за македонската музичка сцена по повод 50 години постоење.

Општина Центар со ексклузивна поддршка за македонската музичка сцена по повод 50 години постоење

Скопје се подготвува за уште една вечер за паметење! Во сабота, 12 септември 2026 година, од 20 часот, Паркот на франкофонијата ќе биде епицентар на четвртото последователно издание на традиционалниот музички хепенинг „Нешто што ќе остане“, кој годинава се одржува во духот на големиот јубилеј - 50 години од формирањето на Општина Центар.

Општина Центар и понатаму е единствена општина што преку овој настан недвосмислено ја застапува и поддржува домашната култура, ангажирајќи исклучиво македонски уметници и музички изведувачи. Преку оваа традиција во фокус остануваат промоцијата и поддршката на македонската музичка сцена и домашниот автентичен звук.

Годинава на настанот ќе учествуваат гигантите на домашната урбана сцена. Публиката ќе има ретка можност да ужива во ексклузивниот скопски настап на популарното дуо „Дупер“, а енергијата до максимум ќе ја издигнат Слаткар, еден од највлијателните хип-хоп артисти на нашите простори, како и хитмејкерите 2 Бона. Покрај нив, сцената ќе ја збогатат и извонредните вокали Лина Пејовска и Барбара Поповиќ.

Диригентската палка на целовечерната програма ќе биде во рацете на омилениот и незаменлив македонски актер Сашко Коцев. Со својот препознатлив хумор, непосредност и уникатен шарм, Коцев ќе се погрижи за атмосферата меѓу настапите и ќе ја води публиката низ сите изненадувања на оваа јубилејна вечер.

„Овој хепенинг е подарок за сите жители на Центар и Скопје - вечер посветена на заедништвото, позитивната енергија и поддршката на нашите музички таленти“, вели градоначалникот Горан Герасимовски.

Со „Нешто што ќе остане“ ќе се забавуваат сите генерации. Ве покануваме заедно да го прославиме овој важен јубилеј и да создадеме уште една вечер што ќе се памети!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Роналдо му изразил сочувство на Меси по смртта на неговиот татко

Големи ривали, но и големи луѓе.

Роналдо му изразил сочувство на Меси по смртта на неговиот татко

Двете големи фудбалски ѕвезди кои со своето ривалство на зелениот терен ги одбележаа последните 15 години во светскиот фудбал Португалецот Кристијано Роналдо и аргентинскиот волшебник Лионел Меси покажаа дека нивното ривалството е само на теренот не и во приватниот живот.

Португалецот Кристијано Роналдо упати сочувство до Лионел Меси и неговото семејство.

Еден од најдобрите фудбалери на сите времиња, Кристијано Роналдо, испратил порака за поддршка до Лионел Меси по смртта на неговиот татко Хорхе.

Најважниот човек во животот на аргентинскиот волшебник почина на 69-годишна возраст, по борба со тешка болест.

Ситуацијата за семејството Меси била многу тешка уште за време на Светското првенство, а трагичната вест пристигнала овој викедн во саботата.

Сочувство до Лионел пристигнуваа од сите страни, а посебно внимание привлече емотивната порака од Кристијано Роналдо, со кого водеше големи битки на теренот, како и трката за титулата „најдобар на сите времиња“ (GOAT), која ја подели фудбалската јавност.

„Голема прегратка за тебе и твоите најблиски во овој тежок момент, Лео. Остани силен“, му порача Роналдо на Меси.

Тагови: Кристијано Роналдо Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЛДП: Додека се шири западнонилската треска, институциите молчат – кој ќе одговара?

Додека западнонилската треска се шири, имаме заболени и веќе еден починат пациент, надлежните институции повторно се однесуваат како проблемот да ќе исчезне ако доволно долго молчат.

ЛДП: Додека се шири западнонилската треска, институциите молчат – кој ќе одговара?

Ова не е тема за бирократски соопштенија и префрлање на топката од една институција на друга. Ова е јавно здравје и човечки животи.

Според досега објавените информации, епидемија е прогласена во Кисела Вода, Гази Баба, Аеродром, Бутел и Илинден, регистрирани се 26 случаи, а еден пациент е починат. Затоа прашуваме: што правеа институциите додека растеше бројот на заболени?

Кога го добиле првото предупредување? Кога сфатиле дека бројот на случаи расте? Дали и кога е извршена дезинсекција и со каков опфат? Кои биле утврдените ризични подрачја? Колку пари се обезбедени за итни мерки и, конечно, кој ќе понесе одговорност ако било задоцнето со превенцијата?

Не прифаќаме граѓаните да дознаваат од медиуми и социјални мрежи дека во нивната општина е прогласена епидемија, додека надлежните се кријат зад институционален молк.

Комарецот не знае каде завршува една, а почнува друга општина, па затоа е срамно Владата, Министерството, здравствените институции и општините да си ја префрлаат одговорноста додека заразата се шири.

Бараме Владата, Министерството за здравство, Институтот за јавно здравје, Центарот за јавно здравје – Скопје и локалните самоуправи веднаш и јавно да соопштат што презеле досега, што ќе преземат во следните денови и кој конкретно е одговорен за секоја мерка.

За епидемија не се реагира откако ќе почнат да се бројат заболени и починати. Се реагира пред тоа. Тоа се вика превенција. Сè друго е неодговорност што граѓаните ја плаќаат со сопственото здравје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер