Оваа технологија би можела да спаси илјадници животи, но и да го подобри третманот на пациентите, веруваат научниците, а пишува Гардијан.
Студијата, спонзорирана од Британската фондација за срце (BHF), истражувала како паметна машина може да ја подобри точноста на компјутеризираната томографија (КТ) со скенови на срцето, кои се користат за откривање на тромбови или стеснување во артериите.
- Нашето истражување покажа дека некои пациенти кои доаѓаат во болница со болки во градите, а потоа лекарите ги охрабруваат и ги испраќаат дома, имаат висок ризик од срцев удар во следните 10 години, дури и ако нема трага од болест во нивните артерии - изјави за Гардијан проф. Караламбос Антонијадес, шеф за кардиоваскуларна медицина на BHF и директор на Центарот за акутна мултидисциплинарна слика и интервенција во Оксфорд.
- Покажавме дека прецизното снимање може да го промени и подобри третманот на многу срцеви пациенти - додаде тој.
Истражувачите анализирале повеќе од 40.000 пациенти кои редовно правеле КТ на срцето во осум британски болници, а потоа ги следеле во просек 2,7 години.
ВИ била тестирана на дополнителни 3.393 пациенти во текот на осум години и била во можност точно да го предвиди ризикот од срцев удар.
- Се надеваме дека оваа алатка за вештачка интелигенција наскоро ќе биде имплементирана и во други болници, дека ќе помогне да се спречат илјадници смртни случаи од срцев удар - рече Антонијадес.
Професорот Нилеш Самани, медицински директор на BHF, рече дека ова истражување ја покажува вредноста на технологијата базирана на вештачка интелигенција во идентификувањето на оние кои се изложени на најголем ризик од срцев удар.