Адвокатот на Тачи се повлекува бидејќи обвинетиот не ги исполнил обврските кон него - Канал 5

Балкан

Адвокатот на Тачи се повлекува бидејќи обвинетиот не ги исполнил обврските кон него

Американскиот адвокат Грег Кихо најави дека ќе престане да го брани поранешниот командант на ОВК Хашим Тачи пред судот во Хаг бидејќи Тачи „не ги исполнил обврските“ кон него и неговите соработници.

Адвокатот на Тачи се повлекува бидејќи обвинетиот не ги исполнил обврските кон него

На Тачи му се суди пред специјалниот косовски суд во Хаг под обвинение за воени злосторства во Косово и Албанија, 1998-99 година.

Во барањето за разрешување од должноста бранител, објавено денеска на веб-страницата на судот, Кихо како образложение наведува дека „Тачи не ги исполнил обврските“ кон него и петмина негови соработници.

Адвокатот Кихо нагласи дека го предупредил Тачи оти ќе се повлече, но Тачи и покрај тоа не ги исполнил обврските. Потоа Кихо на 19 јануари до судот поднесе барање за повлекување.

Кихо се повика на судскиот кодекс според кој бранител може да бара повлекување „доколку клиентот не ги исполни обврските кон адвокатот во однос на неговите услуги и ако е предупреден дека бранителот ќе бара разрешување доколку не се исполнат обврските. "

Специјализираните совети на Косово, како што официјално се нарекува судот, го назначија Кихо за бранител на Тачи на 25 мај 2021 година.

Кихо ја водеше одбраната на Тачи во судницата од почетокот на судењето, на 3 април минатата година.

Според судските правила, барањето за повлекување на главниот бранител на Тачи мора да биде одобрено од судскиот совет на американскиот судија Чарлс Смит.

Во барањето, Кихо изразил подготвеност да продолжи да го застапува Тачи се додека не биде назначен нов бранител на Тачи, а најмногу 45 дена.

Како што пренесе Бета повикувајќи се на медиуми, трошоците за одбраната на Тачи и на другите обвинети Кадри Весељи, Реџеп Сељими и Јакуп Красниќи досега биле на товар на косовските власти.

Сите обвинети ги бранат странски адвокати, повеќето од Велика Британија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Пожарот во Белгија се шири кон Германија

Големиот пожар што беснее во областа Хај Фенс (High Fens) и во природниот резерват Хај Свомп (High Swamp) во источниот дел на Белгија се наоѓа на само три километри од германската граница.

Видео: Пожарот во Белгија се шири кон Германија

Ситуацијата во пограничниот град Моншау, во западна Германија, беше напната во текот на изминатата ноќ, а на жителите од некои делови на градот им беше препорачано да се подготват за напуштање на своите домови, пренесува „Блид“.

„Не може да се исклучат ризиците по здравјето предизвикани од чадот од пожарот. На жителите на Платевен, Лејлох и Калтерхерберг, западно од Месевего, им се препорачува да ги напуштат овие подрачја до 10 часот наутро и да престојуваат кај роднини и пријатели“, се наведува во соопштението на локалните власти.

Потврдено е дека градските власти на Моншау ќе отворат прифатилиште во општествениот центар во Имгенбројх, почнувајќи од 7 часот наутро, за сите оние што не можат самостојно да најдат алтернативно сместување.

Екипите за итни интервенции во Моншау не очекуваат огнот наскоро да се прошири на германска територија, но потврдуваат дека се во состојба на подготвеност.

„Секако, внимателно ја следиме ситуацијата. Ќе продолжиме континуирано да ја следиме и проценуваме состојбата, а по потреба ќе ангажираме и дополнителни противпожарни сили“, изјави Филип Кригер, командант на противпожарната служба во Моншау.

Од белгиска страна, евакуацијата на градовите Кихелшајд и Лејкауљ веќе е започната.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МО: Утре во 19 часот, почесна артилериска стрелба по повод Денот на Армијата

Почесна артилериска стрелба по повод Денот на Армијата

МО: Утре во 19 часот, почесна артилериска стрелба по повод Денот на Армијата

Министерството за одбрана ги информираме граѓаните на Скопје, дека на 17-ти август 2026 година (понеделник), со почеток во 19.00 часот, во касарната ,,Илинден“ во Скопје од страна на единица на артилерискиот баталјон на Армијата ќе се изврши почесна артилериска стрелба со истрелување на 10 плотуни од 6 артилериски орудија.

Почесната стрелба како дел од протоколарните обврски на Армијата за одбележување на празници е во рамки на активностите кои се реализираат по повод одбележувањето на 18Август-Денот на Армијата.

Претходно, истиот ден, во 18.00 часот ќе биде извршена и пробна артилериска стрелба со истрелување на еден плотун од 6 артилериски орудија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Видео: Неверојатен судир на аеродромот: „Фиат Панда“ удри во мал авион

Неверојатна сообраќајна несреќа во Италија.  Автомобил панда се заби во мал авион без да закочи .

Видео: Неверојатен судир на аеродромот: „Фиат Панда“ удри во мал авион

Невообичаена несреќа се случи во делот за општа авијација на аеродромот Милано-Линате, кога службено возило се судри со приватен авион од типот „Хокер Бичкрафт 400А“ (Hawker Beechcraft 400A).

Според снимката од безбедносната камера, авионот се движел кон пистата, додека возилото „Фиат Панда“ се приближило без видливо запирање и удрило во предниот дел на леталото.

https://www.instagram.com/reel/Db5e9ZDsOh_/?utm_source=ig_embed&utm_campaign=loading

За среќа, во несреќата нема повредени. За воланот на автомобилот бил 54-годишен вработен во компанија што обезбедува услуги за опслужување на аеродромот. Меѓу патниците и членовите на екипажот немаше повредени. Ударот бил насочен кон предниот дел на авионот, односно кон заштитниот поклопец што ги штити радарската антена и другата опрема сместена во носот на леталото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер