Адвокатите на Балдони го отфрлија обвинувањето на Лајвли за недозволено пренесување информации - Канал 5

Шоу биз

Адвокатите на Балдони го отфрлија обвинувањето на Лајвли за недозволено пренесување информации

Адвокатскиот тим на Џастин Балдони го отфрли тврдењето на Блејк Лајвли дека детали од нејзиното сведочење им биле недозволено пренесени на новинарите и на јавноста. 

Адвокатите на Балдони го отфрлија обвинувањето на Лајвли за недозволено пренесување информации

Имено, како одговор на претходното барање на глумицата, адвокатите на Балдони се осврнаа на обвинението, наведувајќи го нејзиното тврдење како неточно. Правниот тим укажува, според „Пипл“ (People) - дека потенцијалните спорни информации можеле да дојдат од Лајвли, а не од нив.

„Таа не нуди никакви докази - бидејќи нема такви. Лајвли не објаснува зошто таквите протекувања на информации не би можеле да дојдат од неа, нејзиниот сопруг, адвокатите кои ја застапуваат“, тврдат адвокатите на Балдони.

Гласноговорникот на Лајвли, инаку, нагласи дека се задоволни од исходот од нејзиното сведочење и дека со нетрпение очекуваат „наскоро да сведочат против Џастин Балдони и другите обвинети“.

- Сведоштвото е доверливо со добра причина. На поротниците не им се даваат само транскрипти од сведочењето за да го читаат дома, туку тие го слушаат сведочењето презентирано на судењето под надзор на судијата, изјави нејзиниот претставник.

Покрај тврдењето за протекување информации, адвокатите на Лајвли побараа Судот да го избрше непрочистениот транскрипт од 292 страници од нејзиното сведочење, од запечатените документи. Правниот тим на Балдони, пак, ја доведоа во прашање потребата таа да го крие своето сведочење во тужба во којашто таа е тужител. Судењето е закажано за март 2026 година.

Тагови: Холивуд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Жешкиот бран ги топи глечерите во Швајцарија со алармантна брзина

Снегот и мразот на швајцарските глечери се топат со алармантна брзина поради топлотниот бран во Европа, предупредија денес експертите од швајцарската служба за следење на глечерите GLAMOS.

Жешкиот бран ги топи глечерите во Швајцарија со алармантна брзина

Според нив, сезонскиот снег и мраз акумулирани во текот на зимата се очекува да се стопат до понеделник, што би бил вториот најран регистриран „ден на губење на глечери“ во историјата на мерењата, објави Гардијан.

Експертите предупредија дека секое понатамошно топење до октомври би довело до понатамошно намалување на вкупната маса на глечерите во Швајцарските Алпи, кои брзо се повлекуваат со децении.

Раководителот на GLAMOS, Матијас Хус, рече дека низ Алпите се регистрирани „екстремни стапки на топење“, при што некои глечери губат до еден метар мраз вертикално за само десет дена. Тој процени дека состојбата на глечерите се должи на комбинација од високи температури, ниски зимски снежни врнежи и присуство на сахарска прашина, што дополнително го забрза топењето.

Податоците покажуваат дека швајцарските глечери изгубиле околу 38 проценти од својот волумен помеѓу 2000 и 2024 година, додека околу 1.200 глечери исчезнале во последните 50 години.

Експертите предупредуваат дека ако трендот на затоплување продолжи, само мал број глечери би можеле да останат во Алпите до крајот на векот.

Тагови: глечери Швајцарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Активни два пожари кај Трубарево и Опае, еден изгаснат во Велес

Три пожари на отворен простор се појавија денеска, од кои два сѐ уште се активни, соопштија попладнево од Центарот за управување со кризи.

ЦУК: Активни два пожари кај Трубарево и Опае, еден изгаснат во Велес

Првиот активен пожар е во општина Гази Баба, кај село Трубарево, каде гори ниска вегетација и ниска шума.

Другиот активен пожар е на територија на општина Липково, кај село Опае, каде се зафатени ниска вегетација и жито.

Изгаснатиот пожар бил на подрачјето на општина Велес, на улицата „Димко Најдов“ – опожарена била ниска вегетација.

Од Министерството за земјоделство, шумарство и водостопанство вчера информираа дека од 1 јули до крајот на август се воведува целосна забрана за движење во шумите, за да се превенира појава на пожари. Движењето во шумските подрачја ќе биде дозволено единствено со писмено одобрување издадено од страна на подружниците на ЈП „Национални шуми“ и националните паркови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Денга треска“ во Македонија – ја „донесе“ 42 годишник од Бангладеш

Потврден е случај на „денга треска“ во Македонија, информираше директорот на Клиниката за инфективни болести Фадил Цана...

„Денга треска“ во Македонија – ја „донесе“ 42 годишник од Бангладеш

Болеста е откриена кај 42-годишник од Бангладеш кој пристигнал во Македонија на работа. Случајот е потврден врз основа на лабораториски наоди направени на Инфективната клиника во Скопје и во Институтот за jaвно здравје.

Заболениот е хоспитализиран на Инфективна клиника, а здравствените власти уверуваат дека во моментов не постои ризик за ширење на болеста. „Денга треската“ се пренесува исклучиво од убод на комарец.

Инаку, во Скопје, авионска дезинсекција против возрасни форми на комарци најавена е за утре во раните утрински часови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер