Македонија

Абази и Рускоска се ракуваа, новиот шеф на ОЈО ГОКК стапи на должност

-Функцијата ќе ја извршувам совесно, непристрасно и одговорно..

Со заклетвата пред Советот на Јавните обвинители, ветувајќи дека чесно и професионално ќе ја извршува функцијата, обвинителот Ислам Абази го зпаочна својот прв работен дено како нов шеф на ОЈО за организиран криминал и корупција.

Додека траеше изборот за нов шеф на Обвинителството за гонење на организиран криминал и корупција во јавност не се појавил бидејќи како што рече, сакал за ја си ја заштити својата и приватноста на неговото семејство. Повторно тврдеше дека нема блиски релации со функционери од ДУИ и дека сликите кои се појавија во јавноста се од свадби и случајни средби во Зајас и дека нема да влијаат врз неговата работа да гони организиран криминал.

-Зајас е село и се случува заедно да бидеме поканети со многу луѓе на иста свадба и настани. Сме се сретнале со тие луѓе и тоа е тоа. На тие средби не зборуваме со тие луѓе за предмети ниту за политика, изјава – Ислам Абази – Нов шеф на ОЈО ГОКК.

По заклетвата пред Советот, Абази се упати кон канцелариите на Обвинителството каде и однесе букет цвеќе и кафе на досегашната шефица Вилма Русковска. Средбата со неа траеше кратко, по што ја испрати. Русковска го упатила во предметите што се од интерес за јавноста а пред медиумите сега суспендираната обвинителка рече дека додека очекува да биде отхфрлена кривичната пријава против неа, приоритет и е здравјето.

-Мислам дека на солидни основи го поставив обвинителството и очекувам така да продолжи. Додека не се оперирам јас лично не размислувам што ќе правам понатаму. Советот на ЈО што ќе одлучи јас не знам а за постапките, очекувам кривичната пријава да биде отфрлена и да не продолжи дисциплинската постапка,изјави – Вилма Русковска – Поранешен шеф на ОЈО ГОКК.

Абази беше избран за нов шеф на Организиран криминал пред десетина дена во трката помеѓу четворица кандидати. Досега беше шеф на Вишото јавно обвинителство во Гостивар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Димитриеска-Кочоска и Ацевски потпишаа Меморандум за соработка помеѓу МФ и ДЗР – Поголема координација за заштита на јавните средства

Министерството за финансии и Државниот завод за ревизија ја унапрдуваат меѓуинституционалнта соработка и координација со цел градење посигурен, поефикасен и поодговорен систем на јавни финансии.

Денеска министерката за финансии Гордана Димитриеска-Кочоска и главниот државен ревизок Максим Ацески потпишаа меморандум за соработка помеѓу двете институции.

Министерката Димитриеска-Кочоска истакна дека денешното потпишување на Меморандумот за соработка со Државниот завод за ревизија го зајакнува партнерство коешто ги поврзува експертските, техничките и аналитичките капацитети на две клучни институции во заштитата на парите на граѓаните и создава поцврста институционална основа за заедничко дејствување во спречувањето и откривањето на неправилности, измами и коруптивни дејствија.

„Министерството за финансии и Државниот завод за ревизија потврдуваат јасна политичка и професионална определба за силни институции, одговорно управување со јавните средства и нулта толеранција кон корупцијата. Ова партнерство не е само административен чекор, туку суштинска реформа, која дава основа за подобра координација, поголема транспарентност и поефикасна заштита на јавните средства. Нашата обврска е секој денар од домашните буџетски средства, како и секое евро од европските фондови, да биде потрошено законски, наменски, одговорно и во интерес на граѓаните“, истакна министерката на потпишувањето на Меморандумот.

„Потпишувањето на овој Меморандум претставува воспоставување на бескомпромисен систем на институционална синергија, која преку конкретна примена на меѓународните ревизорски стандарди и операционализација на АФКОС мрежата, гарантира дека секој денар од даночните обврзници е заштитен од неправилности и измами. Со оваа соработка, ние не само што ја подигнуваме транспарентноста и отчетноста на највисоко ниво согласно европските вредности, туку директно го подобруваме квалитетот на услугите за граѓаните, осигурувајќи дека средствата на даночните обврзници се користат наменски во насока на испорака на квалитетни, навремени и континуирани услуги на граѓаните“, изјави главниот државен ревизор Ацевски.

Иницијативата за Меморандумoт за соработка меѓу двете институции е резултат на добрата пракса во земјите-членки на Европската унија и истиот воспоставува рамка за соработка во повеќе области од заеднички интерес, овозможува размена на искуства, знаења и податоци, унапредување на професионалните капацитети и примена на европските стандарди.

Меморандумот ќе овозможи на двете институции размена на знаења и искуства преку работни средби, работилници, конференции, семинари, обуки и други форми на професионално усовршување. Вработените од Државниот завод за ревизија ќе можат да се вклучат како предавачи во обуките што ги организира Министерството за финансии преку Секторот – Академија за јавни финансии, додека експертите од Министерството за финансии ќе можат да придонесат во програмите за континуирано професионално усовршување на вработените во Државниот завод за ревизија. Предвидена е и редовна размена на стручна литература, сметководствени и ревизорски стандарди, методолошки прирачници, годишни програми за ревизорски активности, како и конечни ревизорски извештаи и акциски планови подготвени од јавните субјекти. Со Меморандумот се предвидени активности за подигнување на јавната свест за превенција и препознавање на неправилностите и измамите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Нови снимки од „GTA 6“: Погледнете што откриваат

Треба да добиеме нов поглед на „GTA 6“ следниот четврток, но некои снимки од играта се појавија на интернет дури и пред официјалното лансирање.

Овие снимки наскоро беа отстранети од платформите на кои се појавија, што дополнително ги поттикна сомнежите дека се работи за автентичен материјал. Сепак, според информациите што го придружуваат протекувањето, снимките наводно доаѓаат од верзија на играта стара околу една година и не ја претставуваат верзијата што „Rockstar“ планира да ја прикаже следната недела.

Досега се појавија два кратки клипа.

Првиот го прикажува протагонистот Џејсон како игра кошарка на теренот до неговата куќа. Вториот клип покажува конфликт со возач, а може да се види дека „NPC“ ликовите ќе имаат можност да фрлаат предмети за време на конфликтот.

Клипот наводно открива и некои детали за полициските потера. Се чини дека системот би можел да биде посличен на оној од „GTA 4“, односно полицијата нема да реагира само врз основа на класичното ниво на систем за потера. Наводно ќе има и опис на осомничениот, вклучувајќи го автомобилот што го користи и облеката што ја носи.

Покрај снимките од играта, на интернет почна да циркулира и наводна фотографија од комплетната мапа на „GTA 6“, на која се прикажани имињата на различни региони. Автентичноста на оваа мапа сè уште не е потврдена, објавува „HCL“.

Според претходните информации, играта моментално не е најавена како класично физичко издание со комплетната игра на „Blu-ray“ диск. Наместо тоа, физичкото пакување треба да содржи код за преземање на дигиталната верзија.

Поскапото „Ultimate“ издание исто така привлекува дополнително внимание, кое треба да донесе одредена ексклузивна содржина. Тие вклучуваат дополнителни опции за прилагодување на ликовите и возилата, како и пристап до одредени локации во играта.

Извор: Б92

Тагови: GTA 6

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Португалија ги забранува бурките на јавни места. Казни до 3.000 евра

Португалија усвои закон со кој се забранува покривање на лицето на јавни места, а за прекршување на одредбите се предвидени парични казни кои се движат од 150 до 3.000 евра.

Новите прописи – кои локалните медиуми ги нарекоа „закон за бурка“ – забрануваат носење облека што го крие лицето или оневозможува идентификација, пренесува „Еуроњуз“ (Euronews).

Законот исто така забранува принудување на други лица да го покриваат лицето врз основа на пол, религија, возраст или потекло. „Лицето мора да се смета за централен елемент на човечкиот идентитет и комуникацијата“, изјави португалскиот претседател Антонио Хозе Сегуро, признавајќи дека ова прашање вклучува „голема општествена и културна чувствителност“.

Исклучоци од забраната се предвидени за покривање на лицето од здравствени, професионални или уметнички причини, како и поради временските услови. Забраната не важи ниту за верски објекти, дипломатски претставништва или воздухоплови.

Законот беше усвоен во парламентот во јули со поддршка на владејачката десничарска коалиција и екстремно десничарските партии, додека левичарските партии гласаа против него. Предлогот, поднесен од десничарската партија „Чега“, наиде на негативни мислења од Португалската адвокатска комора, Високиот совет на Јавното обвинителство и Португалското здружение на адвокатки. Експертите исто така изразија загриженост дека законот би можел да биде неуставен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.