Живот

82% од богатството во 2017 година оди во рацете на само 1% од луѓето на светот

Најбогатите 1% од светот создадоа 82% од богатството во светот во изминатата година, додека најсиромашната половина од светското население немаaт добиено ништо .

Ова ги покажува новата студија на добротворната организација Оксфам, цитирана од АФП.

Студијата беше објавена пред светската елита за да се состане на годишниот Светски економски форум во Давос.

Во новата студија на хуманитарната организација се открива дека шест пати побрзо милијардери во светот си го зголемиле статусот во споредба со обичните работници од 2010 година, исто така, станува јасно дека меѓу март 2016 и март 2017 година на секои два дена се појавувал нов милијардер.

Оксфам користи откритија за да ја прикаже светската економија, каде што богатите продолжуваат да акумулираат повеќе пари, додека стотици милиони луѓе “се борат да преживеат”.

Растот на милијардери не е знак на просперитетна економија, туку симптом на неуспешен економски систем, изјави извршниот директор на Оксфам, Вини Бијаимма, во соопштението.

Организацијата, исто така, истакна дека жените продолжуваат да заработуваат помалку од мажите, често најниска плата и потешко да најдат работа. Девет од десет милијардери се мажи, се вели во студијата со наслов ” Наградување на работа, а не богатство “.

Податоците на Credit Suisse беа користени за подготовка на извештајот.

Од “Оксфам” повикуваат владите да ги ограничат вкупните приходи на акционерите и менаџерите, да ја намалат разликата во платите кај половите, да се борат против даночното затајување и да се зголемат трошоците за здравство и образование.

Оваа година, фокусот на Форумот во Давос е како да се создаде “заедничка иднина во несигурен свет”.

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

Свет

Ханија: Хамас го проучува примирјето „во позитивен дух“

Хамас во „позитивен дух“ го проучува предлогот за примирје, до кој се дојде со посредство на Египет, изјави денеска лидерот на палестинското движење, Исмаил Ханија.

Ханија во телефонски разговор со шефот на египетското разузнавање Абас Камел кажа дека преговарачите на Хамас ќе се вратат „што е можно поскоро“ во Египет за да ги завршат актуелните разговори за прекин на огнот.

Во моментов се чека одговорот на ова палестинско движење на предлогот за прекин на огнот, што предвидува примирје во израелските воени операции, проследено со размена на заложниците киднапирани за време на нападот на Хамас на израелска територија на 7 октомври, за палестинските затвореници кои ги држеше Израел.

Израелската влада, од своја страна, денеска го обвини Хамас дека го попречува договорот со тоа што одбива да направи отстапки.

-Единственото нешто што го спречува договорот е Хамас. Хамас само ги заострува своите услови и се крие зад неразумните барања, изјави портпаролката на израелската Влада, Ракела Карамсон.

Таа повтори дека Израел продолжува да се подготвува за голема офанзива на Рафа, град што се наоѓа на крајниот југ од Појасот Газа, и покрај противењето на меѓународната заедница. /МИА

притисни ентер