70% погрешно користат тоалет-хартија: Само една положба е правилна и хигиенска - Канал 5

Живот

70% погрешно користат тоалет-хартија: Само една положба е правилна и хигиенска

И повеќе од 150 години по појавата на првата тоалет-хартија, расправата за тоа како треба да биде поставена – „одозгора“ или „одоздола“ – и понатаму предизвикува бурни полемики.

70% погрешно користат тоалет-хартија: Само една положба е правилна и хигиенска

Иако повеќето луѓе несвесно развиваат навика или лична преференција, едно научно мислење сега донесува изненадувачки заклучок.

Во „одозгора“ положба, следниот лист од тоалет-хартијата е свртен кон корисникот, додека во „одоздола“ положба, хартијата виси покрај ѕидот. Иако оригиналниот патент од 1891 година, поднесен од пронаоѓачот на перфорираната тоалет-хартија Сет Вилер, ја поддржува „одозгора“ варијантата, нова научна анализа фаворизира токму спротивниот пристап.

Една рака помалку – помал ризик по здравјето

Д-р Примроуз Фристон, професорка по клиничка микробиологија на Универзитетот во Лестер, тврди дека положбата „одоздола“ всушност е побезбедна и единствено хигиенска. Причината е едноставна – се користи само една рака, со што значително се намалува ризикот од пренос на бактерии од рацете на хартијата која доаѓа во контакт со најосетливите делови од телото.

„Кај положбата ‘одозгора’, потребно е со една рака да ја држите ролната, а со другата да ја кинете хартијата. Тоа го зголемува бројот на контакти со надворешниот слој на хартијата, што значи и поголем ризик од контаминација“, објаснува Фристон за Дејли мејл.

Наспроти тоа, кај положбата „одоздола“, следниот лист лесно може да се притисне до ѕидот и да се скине без потреба од втора рака. Помалку допирање значи и помал ризик од пренос на бактерии – особено опасни за женската интимна зона, каде што ненамерниот контакт може да предизвика инфекции.

Опасности од јавните тоалети

Оваа препорака е особено важна за јавни тоалети, каде што кваките, седиштата и бравите често се жаришта на фекална контаминација.

„Во јавен тоалет, секое дополнително допирање претставува потенцијална опасност“, истакнува професорката и потсетува дека во таква средина треба да се избегнува храна, пијалак и користење на телефон.

Таа предупредува и на уште еден ризик – користењето на двете раце при бришење може да доведе до ширење бактерии од една рака на друга. На пример, ако едната рака веќе била во контакт со загадената хартија, секое понатамошно допирање – на ролната, на хартијата или на другата рака – потенцијално ги пренесува бактериите понатаму.

Што велат анкетите и историјата?

Интересно е што, според различни анкети, дури 70% од луѓето го преферираат положбата „одозгора“, додека 30% остануваат лојални на „одоздола“. Некои тврдат дека „одоздола“ има практични предности – на пример, спречува мачки или мали деца да си играат со ролната и да ја развлекуваат цела. Од друга страна, приврзаниците на стилот „одозгора“ сметаат дека така подобро гледаат колку хартија користат.

Иако современиот свет и понатаму се колеба меѓу стил и функционалност, првиот патентиран тоалет-хартија од 1891 година јасно ја прикажува ролната во положба „одозгора“. Неговиот изумител, њујоршкиот бизнисмен Сет Вилер, е заслужен за тоа што тоалет-хартијата станала перфорирана и достапна во ролна.

Од царски палати до модерни тоалети

Употребата на хартија за лична хигиена почнува уште во 14 век во Кина, каде што припадниците на династијата Хонгву користеле специјални парфимирани листови, достапни исклучиво за царскиот двор. Во тоа време, Европејците се снашле – благородниците користеле волна, коноп, па дури и чипка, додека обичниот народ користел крпи или ракави.

Во Америка сè се менува дури во 1857 година, кога Џозеф Гејети го лансира првото комерцијално пакување тоалет-хартија – медицинска хартија со алое, која се продавала во пакувања од 500 листови.

Првата ролна верзија ја патентира токму Сет Вилер, во 1881 година.

Тагови: тоалет тоалет-хартија хигиена

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Падна авион во Германија, нема преживеани (ФОТО)

Три лица загинаа денеска во пад на мал авион во германската покраина Северна Рајна-Вестфалија, во близина на Еркеленц.

Падна авион во Германија, нема преживеани (ФОТО)

Авионот се урна во поле и беше целосно уништен, речиси ништо не остана од авионот освен опашката.

Цесна 172 полета од област северно од Утрехт во Холандија во понеделник наутро.

Потоа, авионот со четири седишта влезе во воздушниот простор на Германија во близина на автопатот А52. Кратко потоа, околу 11:20 часот, авионот предизвика проблеми од непознати причини во близина на градот Гердерат, во близина на Еркеленц.

Портпаролот на полицијата потврди за Билд дека во авионот имало три лица и дека ниту едно не го преживеало падот.

„Во авионот имало три лица. Сите тројца загинале во падот“, рече портпаролот на полицијата. Причината за падот сè уште не е позната.

Идентитетите на жртвите сè уште не се објавени, додека властите утврдуваат што довело до несреќата.

Причината за падот на малиот авион сè уште не е позната, а истрагата е во тек.

Малиот аеродром Еркеленц-Киховен се наоѓа на околу десет километри од местото на несреќата.

Тагови: авион Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Уапсени се 18 возачи, 17 возеле без возачка- еден бил пијан

Лишени од слобода 18 возачи за „безобѕирно управување возило“, 17 возеле без возачка дозвола и еден под дејство на алкохол .

Уапсени се 18 возачи, 17 возеле без возачка- еден бил пијан

Во текот на изминатото деноноќие, на различни локации во државата, полициски службеници лишија од слобода 18 возачи поради сторено кривично дело „безобѕирно управување возило“ по член 297-а од Кривичниот законик.

Од нив, 17 управувале возило без положен возачки испит и тоа: М.Р.(19), Б.Ф.(24), Џ.С.(24), Ф.С.(33), А.Л.(25), С.Б.(25) и Г.Ѓ.(34), сите од Скопје, Ш.О.(31) од с.Арачиново, скопско, А.Р.(25) од с.Батинци, скопско, С.А.(33) од с. Студеничани, скопско, 17-годишник од с.Стајковци, скопско, С.А.(19) од тетовско, Р.Б.(32) од Куманово, А.Б.(24) од Кичево, П.С.(38) од битолско, 15-годишник од Пробиштип и П.Ѓ.(19) од Велес, кој предизвикал сообраќајна незгода. Од слобода е лишен и О.В. (27) од Македонска Каменица, бидејќи возел под дејство на алкохол. По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Копруција во здравството: Пари за термин, подарок за лекарска услуга

Пари, подароци, лични услуги но и препраќање во приватни установи или во аптеки за купување специфични лекови се едни од најраспространетите форми на корупција во јавниот здравствен систем.

Копруција во здравството: Пари за термин, подарок за лекарска услуга

Јавна тајна е дека постојат одредени суми за одредени лекари, општо-познато е дека без пријател, без врски и без пари не можеш да завршиш работа по болничките ходници, велат дел од споделените сведоштва за доживеаната корупција во македонскиот здравствен систем.

Пари, подароци, лични услуги но и препраќање во приватни установи или во аптеки за купување специфични лекови се едни од најраспространетите форми на корупција во јавниот здравствен систем, посочуваат од Здружението за еманципација, солидарност и еднаквост на жените. Тие денеска во центарот на Скопје поставија симболична „Чекална за бесплатни специјалистички здравствени услуги„ со фигуративни суми за здравствените услуги кои граѓаните, во теорија, од јавнот здравствен систем би требало да ги добијат бесплатно.

-Митото како една форма на корупција во здравството најчесто се јавува за добивање побрз термин, како и преглед преку ред кај одредени специјалистички дејности. Она што е интересно и важно да се истакне е дека 84% од испитаните здравствени работници го препознаваат овој проблем дека постои во секторите во кои што работат и истакнуваат дека е делумно или многу застапен,- - Дарко Антиќ, Програмски координатор во ЕСИ.

Од ЕСИ алармираат дека иако постојат повеќе механизми за пријавување на корупција, како во самите здравствени установи така и преку полицијата, јавното обвинителство и Комисијата за спречувае на корупција, скоро никој не пријавува поради генералната недоверба во јавниот систем.

-Ниту еден од испитаниците ниту здравствените работници кои виделе или се соочиле со некаков тип на корупција, ниту граѓаните немаат пријавено, односно не го користат овој систем. Особено затоа што не веруваат дека финалниот резултат односно дека ќе бидат заштитени во целата постапка и дека некој ќе донесе позитивна одлука и ќе ги заштити. Стравуваат дека понатаму ќе дојдат во контакт со истиот доктор и сепак ќе треба да ја добијат здравствената услуга и одлучуваат да молчат,- - Дарко Антиќ, Програмски координатор во ЕСИ.

Додека 1,7% од граѓаните имале потреба да дадат „ситен подарок„ односно мито на матичните лекари, во преовладувачки 74,6% од случаите, здравствениот работник поврзан со корупција бил лекар специјалист, што значи дека кога граѓаните се најранливи, односно имаат потреба од брза интервенција или преглед, корупцијата е највисока, потенцира истражувањето.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер