4.500 тони отпад собрани за 72 часа, 40 казни и 70 опомени во Скопје - Канал 5

Македонија

4.500 тони отпад собрани за 72 часа, 40 казни и 70 опомени во Скопје

Ужасните слики исчезнаа, „метрополата“ станува попристојно место за живеење – 72 часовното интензивно чистење ја нормализираше состојбата во Скопје. 

4.500 тони отпад собрани за 72 часа, 40 казни и 70 опомени во Скопје

Иако времето за „генералката“ заврши, екипите се и натаму на терен – особено на плоштадот и во коритото на Вардар каде денеска работеше багер, а во тек беше и машинско чистење.

Ова се „црнилата“ со кои живееја скопјани изминатиот период. Сега се чисти, ќе треба малку време да помине, но да се надеваме дека ваквата слика веќе нема да се повтори.

Иако има уште работа во поголемиот дел од градот граѓаните велат состојбата со хигиената е видливо подобра. Очекуваат ваквиот однос кон престолнината да продолжи секојдневно за никогаш да не се повтори хаосот од изминатите неколку недели.

Се приметува, еве гледам и по кејот. Видовте како беше досега, сега е подобро./ Почисто во секој поглед/ Има микролокации каде што не е уште, но генерално е тргнато во позитивна смисла./ Ние како граѓани кои ги плаќаме тие комунални услуги, треба секојдневно тоа да си функционира, меѓутоа изминатите 15 до месец дена тоа не функционираше./ Пред 15 дена беше катастрофа, сега барем е уредено./Нешто е почисто од што беше, но не е како што треба. Се уште недостасува, недостасува редовно да се прави.

Екипата на Канал 5 направи обиколка и низ споредните скопски улици каде контејнерите изминатиот период беа извори на зараза. Најголемиот дел се празни, но се уште има некои на кои треба да им се посвети внимание. Сепак, за чист град потребна е и совесност кај граѓаните, бидејќи некој доцна синоќа на најпознатата скопска улица – Рузвелтова си го истоварил кабастатиот отпад, како што ни посочија од паркови и зеленило на терен.

Градоначалникот Орце Ѓорѓиевски 3 дневната акција која финишираше синожа ја оцени како успешна, иако на почетокот изгледално нереално да се изведе поради состојбата на јавните претпријатија. Тој вели дека чистењето на град0т ќе стане секојдневна пракса

-И јас како градоначалник и мојот тим, но и работниците сме платени од скопјани, ова го должиме на скопјани и ова не е нешто што се сработило дополнително и надвро од тоа што треба да биде постојана рутина наша, но во наредниот период, еве сакам да бидам прецизен дека нема да запреме иако успешно ја спроведовме активноста, нема да запреме, правиме оперативен план за дејствување и во наредниот период,- – Орце Ѓорѓиевски – Градоначалник на Скопје.

Во акцијата за чистење на Скопје учествуваа преку 2.000 работници и беа вклучени повеќе служби, меѓу кои и пожарникарите., а како ѓто беше соопштено беа собрани над 4500 тони отпад

YouTube video

Тагови: Орце Ѓорѓиевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Три години штедел за да си купи скутер- влегол во продавницата со вреќа монети, продавачите ги броеле со часови (ВИДЕО)

Невообичаена приказна за трпение и упорност доаѓа од индиската држава Телангана, каде што 51-годишниот Б. Рави Џозеф успеал да ја оствари својата желба .

Три години штедел за да си купи скутер- влегол во продавницата со вреќа монети, продавачите ги броеле со часови (ВИДЕО)

Невообичаена приказна за трпение и упорност доаѓа од индиската држава Телангана, каде што 51-годишниот Б. Рави Џозеф успеал да ја оствари својата желба на прилично необичен начин - купил нова Хонда Актива со пари што ги штедел исклучиво во монети три години.

Џозеф, кој работи како пастор во црква, живее во округот Манчеријал. Почнал да штеди на 10 октомври 2023 година, кога решил дека секој пат кога ќе добие кусур во монети од 10 рупии (околу девет евро центи), ќе ги штеди.

Не секогаш имал поддршка

Па, малку по малку, за време на неговите дневни патувања до продавницата и други активности, успеал да собере 123.000 рупии, или околу 1.158 евра.

„Во текот на изминатите три години, од парите што ги трошев, вклучувајќи купување намирници и други трошоци, каде и да одев, успеав да издвојам нешто. Така штедев“, рече тој.

Сепак, неговиот план не секогаш наидувал на поддршка. Во еден момент се појавија гласини дека монетата од 10 рупии може да биде повлечена од оптек или да го изгуби статусот на законско средство за плаќање.

Поради ова, некои членови на неговото семејство почнаа да го одвраќаат од понатамошно собирање пари.

На почетокот, тие самите беа скептични во врска со необичниот начин на штедење, но со текот на времето ја прифатија идејата и го поддржаа во остварувањето на својата цел, објавува Индија Тудеј.

Тој имаше и поскапа желба

Џозеф првично размислуваше да ги искористи заштедите за да купи нешто корисно за домаќинството, но подоцна се предомисли и реши да ги инвестира парите во ново превозно средство. Неговиот претходен мотоцикл почна да се расипува и повеќе не работеше правилно, па затоа одлучи дека е време да го замени.

Тој исто така призна дека има уште една, многу поскапа желба - би сакал да може да купи мотоцикл Royal Enfield Bullet, но неговите финансиски можности не му го дозволуваа тоа.

Кога конечно одлучи да купи Honda Activa, се соочи со уште еден предизвик - да најде продавница што ќе ја прифати целата сума во монети.

Според менаџерот на салонот во Луксетипет, Џозеф прво се обратил кај продавачот 15 дена пред купувањето за да провери дали е можно да го плати скутерот исклучиво со монети од 10 рупии.

Вработените се согласиле да ја прифатат понудата, а потоа Џозеф се појавил во салонот со парите што внимателно ги штедел три години и го зел скутерот.

Тагови: монети скутер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Наставничка призна вина, откако роди дете чиј татко е нејзин 13 – годишен ученик (ВИДЕО)

Сега веќе поранешна наставничка за петто одделение се изјасни за виновна во Њу Џерси откако роди дете за кое обвинителите велат дека било зачнато од ученик кој во тоа време имал 13 години!

Наставничка призна вина, откако роди дете чиј татко е нејзин 13 – годишен ученик (ВИДЕО)

Лора Карон, 36, се изјасни за виновна за кривично дело од втор степен за загрозување на благосостојбата на дете преку сексуално однесување, како дел од спогодбата за признавање на вина што бара од неа да се откаже од лиценцата за наставник и од секое идно јавно вработување, објави Пипл.

Карон првично беше обвинета за тешка сексуална злоупотреба, сексуален напад и загрозување на благосостојбата на дете откако обвинителите рекоа дека таа била во врска со ученикот со години, почнувајќи од кога тој имал 11 години и бил во нејзиното петто одделение.

Според наводите на обвинителите на рочиштето за старателство во 2025 година, сексуалниот контакт со ученикот започнал во 2016 година и траел четири години, што резултирало со раѓање на дете во 2019 година, наводно чиј татко бил тогаш 13-годишно момче.

Обвинителите рекоа дека Карон била пријателка на семејството на жртвата и договорила детето да остане во нејзиниот дом. Ова на крајот доведе до тоа момчето да живее со неа, сè додека полицијата не интервенираше во случајот.

Случајот излезе на виделина по објава на Фејсбук. Таткото на жртвата објави на социјалните мрежи во 2024 година дека неговото дете, кое сега има пет години, личи на неговиот син.

Директорот на училиштето ја видел објавата, го привлекол вниманието на неа и започнал истрага. Кога детективите разговарале со жртвата, тој потврдил дека имал сексуален однос со Карон и дека е татко на нејзиното дете.

На рочиштето за изрекување на пресудата во 2025 година, обвинителите рекоа дека го пресметале бројот на сексуални напади врз основа на интервјуа со жртвата и процениле дека тој бил сексуално нападнат вкупно 416 пати.

Во соопштението за медиумите во кое се објавува признавањето на вината од Карон, обвинителите рекоа дека таа се согласила на петгодишна казна во државен затвор.

Сепак, пред да може да почне да ја издржува казната, таа ќе биде подложена на проценка за да се утврди дали е „склона да го повторува таквото однесување и/или има компулсивни тенденции“, што би можело да влијае на нејзината казна.

По отслужувањето на затворската казна, Карон ќе биде должна да се регистрира во регистарот на сексуални престапници на Меганс Ло и да биде под условна казна до крајот на животот.

Казната на Лаура Карон е закажана за 8 јануари 2027 година.

Тагови: наставничка ученик

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Каде завршија танкерите со со руски дизел за САД?

Договорот меѓу претседателите на САД и Русија, Доналд Трамп и Владимир Путин, за испорака на руски дизел во Соединетите Американски Држави се соочува со сериозни пречки.

Каде завршија танкерите со со руски дизел за САД?

Договорот меѓу претседателите на САД и Русија, Доналд Трамп и Владимир Путин, за испорака на руски дизел во Соединетите Американски Држави се соочува со сериозни пречки, откако два од првите три танкери што го носат руското гориво ги сменија своите првични дестинации.

Танкерот „Талисман“, кој е под санкции од САД, Велика Британија и ЕУ, се пренасочи од својата рута кон американскиот атлантски брег и влезе во Средоземното Море, објави „Фајненшл тајмс“ (FT). Бродот е во близина на брегот на Алжир и испраќа сигнал „чекајќи инструкции“, што укажува дека сè уште не потврдил купувач или пристаниште каде што ќе го истовари својот товар.

Вториот танкер, „Леруо“, кој е под знамето на Сиера Леоне и е во сопственост на компанија од Хонг Конг, ја смени својата дестинација во Бразил. Тој брод е исто така под санкции наметнати од ЕУ, Велика Британија и Канада.

Регулаторните и санкциите ризикуваат да ги запрат испораките

Третиот танкер, „Агиои Фанедес“, кој првично го сигнализираше Њујорк како своја дестинација, сè уште плови кон североисточниот брег на САД, но ниту тој нема потврдено пристаниште за истовар. Неговиот сопственик, грчката компанија „Истерн Медитеран Маритим“, изјави дека бродот продолжува со своето патување во исчекување на инструкции, бидејќи пристаништето каде што ќе се истовари товарот сè уште не е одредено.

Мат Смит, аналитичар во „Кплер“, рече дека не би било изненадувачки ако и тој танкер го промени курсот и го напушти американското пристаниште, со оглед на претпазливоста на потенцијалните купувачи поради регулаторни, правни и санкциони ризици.

Во меѓувреме, друг танкер, „Бист“, исто така плови кон американскиот атлантски брег. Овој брод натоварил дизел во руското пристаниште Приморск на 27 октомври.

Според податоците што ги цитира „Фајненшл тајмс“, првите три танкери требало да транспортираат вкупно околу 140.000 тони руски дизел. Ова се првите пратки опфатени со привремена дозвола од американските власти, издадена откако Трамп објави договор со Путин на 9 октомври за ублажување на ограничувањата за извоз на руски дизел.

Тагови: Дизел Танкери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер