39.то Европско првенство во кошарка во четири држави - Канал 5

Кошарка

39.то Европско првенство во кошарка во четири држави

Европскиот шампионат во кошарка (Евробаскет) за првпат ќе се одржи во четири држави односно само првата фаза натпреварите по групи ќе се играат во четири градови низ целиот континент. Овој шампионат требаше да се одржи во Украина, но поради безбедносната ситуација ФИБА Европа донесе одлука организацијата да и биде одземена на Украина, а подоцна е решено во четири држави да се играат натпреварите од групите. Па така, А групата се игра во Монпеље (Франција), Б групата се игра во Берлин (Германија), Загреб (Хрватска) е домаќин на Ц групата и Д групата ќе се игра во Рига (Летонија).

39.то Европско првенство во кошарка во четири држави
Од овој шампионат е променет и системот на натпреварување. Во втората фаза ќе се пласираат четирите првопласирани селекции од секоја група што не беше случај досега, кога продолжуваа три репрезентации. Наместо досегашната втора фаза во група ќе се игра осминафинале по принцип на елиминации, а потоа ќе следува четвртфиналето, полуфиналето и натпреварите за медали. Двете првопласирани селекции (финалистите) ќе обезбедат пласман на Летните Олимписки игри во Рио 2016, додека репрезентациите кои ќе се пласираат од 3 до 7.место ќе играат во олимписките квалификации.
Завршницата од осминафиналето до крајот на првенството ќе се игра во францускиот град Лил.

На Евробаскетот ќе настапат 24 репрезентации, а најмногу учества има актуелниот европски шампион Франција (37), а зад нив е Италија со 36.
Македонија по петти пат ќе биде учесник на Евробаскет. Првото учество нашата репрезентација го имаше во 1999 година на шампионатот во Франција (13.место), на второто учество во Полска 2009 година бевме пласирани на 9.место, а во 2011 година во Литванија го постигнавме најголемиот успех со пласманот на 4.место. Пред две години во Словенија, македонската репрезентација го освои 21.место.

Во однос на претходното првенство три репрезентации се нови: Исланд (дебитант), Холандија (последен пат играше на ЕП 1989 година во Загреб) и Естонија (последно учество 2001 година). За разлика од шампионатот во Словенија ги нема селекциите на: Црна Гора, Велика Британија и Шведска.
Според најавите вкупно 28 играчи кои настапуваат во НБА лигата ќе се најдат на ова првенство, а ќе бидат предводени од „тројката“ кои на последните седум европски првенства го освојуваше признанието МВП (најкорисен) играч: Тони Паркер (Франција) во 2011 и 2013 година, Пау Гасол (Шпанија) 2003 и 2009 година и Дирк Новицки(Германија) 2001, 2005 и 2007 година.

Распоред на групите:

А група (Монпеље): Франција, Полска, Босна и Херцеговина, Израел, Русија, Финска.
Б група (Берлин): Германија, Исланд, Србија, Шпанија, Италија, Турција.
Ц група (Загреб): Хрватска, Македонија, Словенија, Грција, Холандија, Грузија.
Д група (Рига): Летонија, Чешка, Естонија, Белгија, Украина, Литванија.
Евробаскетот почнува на 5.септември (утре) и ќе трае со 20.септември, а титулата европски шампион ја брани Франција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп се сретна со Зеленски и Нетанјаху, се разговарало за воздушната одбрана на Украина и за Иран

Американскиот претседател Доналд Трамп одржа одделни средби со украинскиот претседател Володимир Зеленски и со израелскиот премиер Бенјамин Нетанјаху во Вашингтон.

Трамп се сретна со Зеленски и Нетанјаху, се разговарало за воздушната одбрана на Украина и за Иран

Американскиот претседател Доналд Трамп одржа одделни средби со украинскиот претседател Володимир Зеленски и со израелскиот премиер Бенјамин Нетанјаху во Вашингтон, кои Белата куќа ги оцени како позитивни и продуктивни.

Двајцата лидери престојуваа во главниот град на САД за да присуствуваат на погребот на сенаторот Линдзи Греам, кој беше силен поддржувач на Израел и застапник за американската помош за Украина.

По средбата со Трамп, Зеленски рече дека американскиот претседател го прифатил барањето на Украина за добивање лиценци за производство на системот за противвоздушна одбрана „Патриот“.

Средбата со Нетанјаху пак, Трамп ја оцени како позитивна, а израелскиот премиер за медиумите соопшти дека двајцата имаат разбирање за како што посочи, заедничката цел иран да не произведе нуклеарно оружје...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија прогласи вонредна состојба поради сериозниот недостиг на вода

Унгарскиот министер за заштита на животната средина, Ласло Гајдош, денеска изјави дека владата прогласила вонредна состојба поради сериозниот недостиг на вода предизвикан од сушата.

Унгарија прогласи вонредна состојба поради сериозниот недостиг на вода

Во објава на Фејсбук, Гајдош наведе дека индексот на суша во 66 од вкупно 84 унгарски водостопански области ги надминал праговите утврдени со прописите, поради што биле воведени вонредни мерки, пренесе МТИ.

Според него, експерти од Дирекцијата за управување со води ќе спроведат посебни мерки за заштита и управување со водните ресурси на 74 отсто од територијата на земјата, со цел да се ублажат последиците од сушата.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заменик-министерот за јавна администрација Јаќимоски на работен состанок за реализацијата на Реформската агенда

Заменик-министерот за јавна администрација Јаќимоски на работен состанок за реализацијата на Реформската агенда и процесот на европска интеграција.

Заменик-министерот за јавна администрација Јаќимоски на работен состанок за реализацијата на Реформската агенда

Заменик-министерот за јавна администрација, Лазе Јаќимоски, денеска учествуваше на работен состанок посветен на реализацијата на Реформската агенда и процесот на европската интеграција, предводен од претседателот на Владата на Република Македонија, проф. д-р Христијан Мицкоски, и директорот на Генералниот директорат на Европската комисија за проширување и источно соседство, Герт Јан Копман.

На состанокот беа разгледани досегашниот напредок во спроведувањето на реформските активности, приоритетите во наредниот период, како и потребата од понатамошна координација меѓу институциите со цел навремено исполнување на преземените обврски од Реформската агенда.

Во фокусот на состанокот беа и реформите во областа на јавната администрација, како значаен дел од процесот на европска интеграција и усогласувањето со европските стандарди. Во оваа насока, беа разгледани активностите поврзани со исполнувањето на обврските од Реформската агенда, како и тековните процеси за унапредување на законската рамка и системските решенија во областа на јавната администрација.

Преку континуирано спроведување на реформите и конструктивна соработка со европските партнери, Министерството за јавна администрација придонесува кон изградба на институции кои функционираат според принципите на професионалност, ефикасност и отчетност. Јакнењето на јавната администрација останува еден од клучните приоритети во процесот на европска трансформација на државата.


Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер