37 години живеел во заблуда: Вистина за потеклото на славниот актер! - Канал 5

Шоу биз

37 години живеел во заблуда: Вистина за потеклото на славниот актер!

Таткото е личност која е со тебе додека растеш, а не некој кој има исти спирали во генетскиот код, остар е Николсон, кој откако дознал која му е вистинската мајка, не сакал да ја истражува вистината за биолошкиот татко.

37 години живеел во заблуда: Вистина за потеклото на славниот актер!
Како и повеќето холивудски ѕвезди, славниот актер Џек Николсон не сака да зборува за својот приватен живот. Но, тука се луѓето од опкружувањето кои ги откриваат пикантните, лични детали, кои од медиумите не можат да се сокријат.

Една од најчудните приказни од животот на 79 годишниот актер датира од триесеттите години на минатиот век, односно од неговото детство, а се однесува на неговото потекло.

Да почнеме од почеток: Џек е роден 22 април 1937 година, во предградие на Њујорк, а се додека не наполнил една година, никој не ја знаел фамилијарната тајна за потеклото на славниот актер, а самиот Николсон ја открил дури кога имал 37 години.

Жената која целиот свој живот ја сметал за сестра била всушност неговата мајка!

Имено, Џун Франсис Николсон, мајката на Џек, се занимавала со танц во театар и размислувала за блескава кариера. Меѓутоа судбината имала друг план – останала бремена со колегата Доналд Фуцил, а потоа се омажила за него во 1936 година, пишува „Todayifoundout.com”.

Меѓутоа, Џун дознала дека Доналд бил оженет од претходно, па бракот набргу бил поништен а нејзината мајка Етел Николсон ја преземала грижата за штотуку родениот Џек, за Џун да може да продолжи со кариерата. Така актерот од раното детство живеел со уверувањето дека баба му и дедо му се неговите родители, а Џун постарата сестра.

Децении подоцна, популарноста на Џек Николсон растела, а заедно со тоа дошло и “копањето“ по деталите од неговото минато.

„Тоа е цената на славата. Сите почнуваат да копаат по твојот приватен живот и следното што дознаваш е дека твојата сестра е всушност твојата мајка!“ – изјавил актерот во едно интервју.

Иако приказната за неговото потекло е прилично истражена, Џек и понатаму не ја знае целата вистина, бидејќи му недостига еден детал – не знае кој е неговиот татко. Кога дознал дека Џун е всушност неговата мајка, а не сестра, Николсон не сакал да дознае кој е неговиот татко.

„Таткото е личност која е со тебе додека растеш, а не некој кој има исти спирали во генетскиот код“ – истакнал актерот, кој одбил ДНК анализа, објаснувајќи дека неговиот дедо секогаш ќе го смета за татко.

Иако Џек не сакал да ја истражува вистината за својот биолошки татко и сето тоа не го интересирало, се појавила верзија дека тоа би можело да биде Еди Кинг, кој бил управник во времето кога Џун работела таму.

Џун починала 1975 година, пред Џек да ја дознае вистината и ја однела во гроб тајната за неговиот татко, а деталите ги раскажала Лорен, жената за која Николсон верувал дека е неговата друга сестра, а всушност била негова тетка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Холандскиот премиер се обидува да го спречи распаѓањето на владата поради спорниот данок на богатство

Холандскиот премиер Роб Јетен се обидува да ја спаси својата малцинска влада во понеделник откако коалицискиот партнер VVD гласаше против даночниот план на неговата сопствена влада.

Холандскиот премиер се обидува да го спречи распаѓањето на владата поради спорниот данок на богатство

Холандскиот премиер Роб Јетен се обидува да ја спаси својата малцинска влада откако коалицискиот партнер VVD гласаше против даночниот план на неговата сопствена влада, а спорот околу зголемувањето на данокот на богатство ја доведе коалицијата на работ на колапс, објави Ројтерс.

Јетен ќе разговара со лидерите на VVD и Христијанско-демократската партија. По гласањето, тој рече дека ќе направи сè што може за да ја спаси коалицијата и најави дека ќе се обиде да постигне „нов почеток“.

Кризата избувна поради договорот со левичарската опозиција за поддршка на даночниот план за 2027 година во замена за мало зголемување на даноците на богатство. Коалицијата од три партии, формирана пред помалку од девет месеци, е поделена околу предлогот.

Десничарската, бизнис-ориентирана Народна партија за слобода и демократија (VVD) остро се спротивстави на амандманот, додека центристичката партија D66 на Јетен и Христијанско-демократската партија го поддржаа предлогот. Сепак, планот беше усвоен со тесно мнозинство, благодарение на гласовите на опозициските партии.

Лидерот на VVD, Рубен Брекелманс, го опиша гласањето како „разочарувачко“ и рече дека неговата партија сериозно ќе го преиспита својот став. Излегувањето на VVD од коалицијата веројатно би значело крај на малцинската влада на Јетен.

Кризата би можела да доведе до нови избори, четврти во Холандија за пет години. Сепак, гласањето не е единствената опција: партиите би можеле да се обидат да формираат нова влада врз основа на постојната распределба на места во Долниот дом на парламентот.

Таквиот договор веројатно би довел повторно до малцинска влада, нешто што главната левичарска опозициска партија Про веќе го отфрли.

Јетен стана најмладиот премиер во холандската историја во февруари. Неговата партија Д66 неочекувано ги доби изборите пред една година, со кампања која ветуваше раскинување со претходната влада, во која доминираше националистот Герт Вилдерс.

Новата влада се соочи со тешкотии од самиот почеток, бидејќи нема мнозинство во ниту еден дом на парламентот и мора да ја обезбеди поддршката од опозицијата за да ги усвои своите предлози. Холандија традиционално е управувана од коалициски влади со парламентарно мнозинство, но нивното формирање е сè потешко поради политичката фрагментација и промените во поддршката на гласачите.

Тагови: данок на богатство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Во Србија итно се повлечени неколку модели на Шкода- имало опасност за возачите

Патничките возила Škoda Octavia, Superb, Kodiaq и Karoq се повлекуваат од српскиот пазар поради ризик од повреди, беше објавено во системот за брза размена на информации NEPRO за опасни производи.

Во Србија итно се повлечени неколку модели на Шкода- имало опасност за возачите

Повлекувањето се однесува на моделот или моделите Octavia, Superb, Kodiaq и Karoq на Шкода, а видот на ризикот е: Ризик од повреди, објави Телеграф.

Овој случај е регистриран под број на повлекување 134/2026, од 13.11.2026 година. Категоријата на случајот е повлекување на потрошувачки производи.

На засегнатите возила, навлегување на влага може да предизвика корозија на завртката за монтирање на управувачот. Доколку оваа корозија напредува, монтирањето на управувачот може да биде компромитирано. Ова може да доведе до губење на контролата врз возилото (губење на способноста за управување) и да го зголеми ризикот од повреди на учесниците во сообраќајот.

На потрошувачите кои го поседуваат овој производ им се препорачува да проверат дали нивниот модел е засегнат од повлекувањето и да ги следат упатствата на производителот, дистрибутерот или надлежните институции.

Кај возилата опфатени со повлекувањето на моделот „48LS“, завртката за монтирање на механизмот за управување ќе биде заменета со нова, поотпорна на корозија. На веб-страницата www.skoda-auto.rs/ е можно да се провери, со користење на VIN бројот (број на шасија на возилото), дали возилото е опфатено со повлекувањето.

Тагови: Шкода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран тврди дека во арсеналот имаат разорно оружје- боеви глави од 2 тона и дострел од 1.500 километри

Заменик-командантот на Корпусот на Исламската револуционерна гарда (ИРГЦ), генерал-мајор Мостафа Езади, рече дека непријателот директно влегол на бојното поле.

Иран тврди дека во арсеналот имаат разорно оружје- боеви глави од 2 тона и дострел од 1.500 километри

Зборувајќи на погребната церемонија за 110 лица убиени во војната меѓу Иран и Ирак во 1980-тите, позната таму како „Света одбрана“, денеска во Техеран, заменик-командантот на Корпусот на Исламската револуционерна гарда (ИРГЦ), генерал-мајор Мостафа Езади, рече дека непријателот директно влегол на бојното поле откако сфатил дека неговите агенти и платеници не се способни да се соочат со Исламската револуција, објави Тасним њуз.

Тој рече дека агресорите се обиделе да го распарчат Иран, да го соборат неговиот политички систем, да го лишат од неговите нуклеарни и ракетни капацитети, да го ослабат Фронтот на отпорот и да ги ограбат неговите нафтени ресурси, како што направија во Венецуела, во обид да го понижат иранскиот народ.

Генерал-мајор Езади истакна дека воените капацитети и одвраќањето на Иран достигнале ниво каде што командантите на ракетните линии на фронтот лансираат ракети со боеви глави тешки два тона на растојание од 1.500 километри, со што ги попречуваат непријателските планови насочени кон безбедноста и моќта на земјата.

Тој додаде дека непријателските бази на копно и море биле подложени на разорни напади од страна на иранските борци, истакнувајќи дека стравот од воените капацитети на Иран ги навел самите противници да признаат дека нивните ракетни залихи и ресурси се значително исцрпени.

Заменик-командантот на ИРГК нагласи дека иранските вооружени сили ќе одговорат веднаш и ефикасно на агресијата и ќе ги натераат напаѓачите да се покаат за своите постапки, во случај на каква било закана, без оглед на нејзиниот интензитет или природа. Тие исто така ќе дејствуваат „без никакви географски ограничувања“ за да ги уништат корените на угнетувањето и ароганцијата, додаде тој.

Изјавите дојдоа откако Врховниот лидер на Исламската револуција, ајатолахот Сејед Моџтаба Хосеини Хамнеи, ја нагласи важноста на одржувањето висока борбена готовност и максималното ниво на одвраќање од потенцијални закани. На неодамнешниот состанок со високи воени команданти, Врховниот лидер нареди итен и силен одговор на каква било закана, без географски ограничувања, нагласувајќи дека ако непријателите обноват воени или терористички напади, иранските вооружени сили и народот ќе одлучат кога ќе завршат и под кои услови.

Тагови: Иран боеви глави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер