30 дена притвор за Србинот, уапсен на северот на Косово, однесен е во затвор во Подуево - Канал 5

Балкан

30 дена притвор за Србинот, уапсен на северот на Косово, однесен е во затвор во Подуево

Адвокатот Небојша Влајиќ за Косово онлајн потврди дека на уапсениот Милун Миленковиќ му е одредена мерка притвор во траење од 30 дена.

30 дена притвор за Србинот, уапсен на северот на Косово, однесен е во затвор во Подуево

Влајиќ вели дека Миленковиќ бил испратен во затвор во Подуево.

„Рокот за жалба е 48 часа од кога ќе го добиеме решението за притвор. Ќе се жалам“, најавил Влајиќ, пренесува српски Курир.

Во Северна Митровица вчера околу пладне се огласија сирените, а над градот кружеа хеликоптери и беспилотни летала, а поголемо присуство на полициски и оклопни возила на специјалните сили беше забележливо и во Бошњачка Махала.

Специјалните сили на косовската полиција го уапсија Милун Миленковиќ, српски спортист и тренер во кик бокс клубот „Косовска Митровица“, под обвинение, како што изјави министерката Свечља, дека тој е лидер на „Цивилна заштита“ и дека стои зад напад врз припадници на КФОР во Звечан.

Свечља, пак, освен тие наводи, на јавноста не ѝ понуди конкретни докази за обвинувањата против Миленковиќ.

Директорот на Канцеларијата за Косово и Метохија, Петар Петковиќ, изјави дека Миленковиќ е уапсен по лична наредба на Албин Курти, кој, како што рече, косовската полиција го бркала со месеци и му се заканувал со апсење, бидејќи е истакнат борец за правата на Србите на северот на Косово.

Тој истакна дека Миленковиќ не е криминалец, туку истакнат спортист со кого тренираат многу деца.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Експлозии во близина на иранскиот остров Харг- погоден е танкер

Во близина на иранскиот остров Харг во Персискиот залив утрово одекнаа експлозии, јави агенцијата Фарс.

Експлозии во близина на иранскиот остров Харг- погоден е танкер

Како што јави Иранската студентска новинска мрежа (SNN), ирански танкер со нафта во близина на островот Харг бил погоден со проектили.

Иранскиот новински канал Хабар Фури објави дека танкерот бил погоден со четири американски проектили и дека во тек е евакуација.

Островот Харг се смета за клучен нафтен терминал и околу 90 отсто од извозот на нафта на Иран се обработува таму.

Американскиот претседател Доналд Трамп минатата недела објави на социјалната мрежа Truth social видео генерирана од вештачка интелигенција на која се гледа како американските сили го напаѓаат Харг, со коментар дека островот е „разнесен на парчиња“.

Потоа, генералниот директор на иранската национална нафтена компанија Хамид Бовард изјави дека немало напади и најавите на Трамп ги нарече „смешни“.

Бовард потсети дека во минатото американските и израелските сили постојано го бомбардираа овој остров, од каде потекнуваат 90 отсто од иранскиот извоз на нафта, но и тогаш работните активности не беа прекинати ниту за момент.

Тагови: танкер Харг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тајфун и свлечиште направија хаос во Кина- има загинати и повредени, спасувачите во трка со времето (ВИДЕО)

Жителите на градот Гаопинг во кинеската покраина Џијангси се разбудија во хаос. 

Тајфун и свлечиште направија хаос во Кина- има загинати и повредени, спасувачите во трка со времето (ВИДЕО)

Во лизгање на земјиште предизвикано од обилните дождови загина најмалку едно лице, а 11 се водат како исчезнати, соопштија локалните власти.

Во раните утрински часови, лизгањето на земјиштето затрупа неколку згради и оштети 12 куќи, додека спасувачките екипи се бореа да пронајдат преживеани, објави кинескиот државен радиодифузер CCTV.

Трагичните сцени се резултат на тајфунот Саудел и студениот фронт што донесе обилни дождови и поплави во покраината Сечуан. Жителите беа заробени, патиштата беа оштетени, а клучните јавни услуги беа сериозно нарушени.

Гаопинг е погоден од екстремните временски услови што ја погодија Кина во последните месеци, особено во планинските области.

Тајфунот Саудел, 18-ти што ја погоди Кина оваа година, дополнително ја влоши ситуацијата кога во четвртокот по трет пат стигна до копното во округот Џијангпу, предизвикувајќи евакуација на десетици илјади луѓе поради предупредувања за силни ветрови и обилни дождови. Во соседната покраина Џијангси, тајфунот погоди 128.500 жители во 53 окрузи, принудувајќи речиси 8.700 луѓе да се евакуираат.

Тагови: Кина тајфун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожар во хотел во Истанбул, евакуирани се голем број луѓе

Денеска во хотел во истанбулската населба Бакиркој избувна пожар, а пожарникарите евакуираа голем број луѓе кои биле во зградата.

Пожар во хотел во Истанбул, евакуирани се голем број луѓе

Пожарникарите реагираа на местото на пожарот, а операцијата за гаснење е во тек, објави Хуриет.

Засега нема информации за повредени.

Бакиркој е општина на европската страна од Истанбул, на брегот на Мраморното Море.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер