21 јануари 1899: пред 125 години, Opel започна да произведува автомобили - Канал 5

Автомобилизам

21 јануари 1899: пред 125 години, Opel започна да произведува автомобили

Руселсхајм. 2024 година е посебна година за Opel и ќе изминува во знакот на електромобилноста.

21 јануари 1899: пред 125 години, Opel започна да произведува автомобили

- Почеток на една ера: со потпишувањето на договорот, во 1899 година, Opel прерасна во производител на автомобили.

- Моментално најпродавани модели “made in Rüsselsheim”: Opel Astra и Astra Sports Tourer.

- Јубилеј во знакот на електромобилноста: електрична верзија за секој модел на Opel во 2024.

Руселсхајм. 2024 година е посебна година за Opel и ќе изминува во знакот на електромобилноста. За прв пат во историјата на брендот, секој модел ќе добие електрична верзија, првенствено новата Opel Astra Sports Tourer Electric, еден од првите 100% електрични караван автомобили на пазарот.

Компанијата пред 125 години ја постави основата за мобилност на четири тркала, иновативна и ориентирана кон иднината. Wilhelm Opel, син на основачот на компанијата Adam Opel, на 21 јануари 1899 година потпиша Договор со браварот Friedrich Lutzmann, за купување на неговата Motorwagenfabrik (фабрика за автомобили), што беше почетен сигнал за производство на автомобили Opel. Ова го означи почетокот на новата ера која има испишано историја многу подалеку од Rüsselsheim. Претходно успешен како производител на машини за шиење и велосипеди, Opel се впушти на територија непозната за компанијата пред точно 125 години.

Оттогаш, повеќе од 75 милиони возила на Opel ги напуштија производствените погони ширум Европа. Еден од актуелните бестселери доаѓа од Rüsselsheim: најновата генерација на Opel Astra. Додека Opel ја одбележува 125-годишнината од производството на автомобили и го зацрта патот за иднината, иновативниот модел од компактна класа денес излегува од производната лента со напредни технологии и електрифицирани погонски единици без издувни гасови.

Извршниот директор на Opel, Florian Huettl изјави: „ Ние сме на почеток на нова ера исто како ù Opel пред 125 години. Тогаш компанијата стана пионер со влегувањето во автомобилската индустрија. А, во денешно време, Opel е електричен пионер, кој нуди мобилност без емисии како што е на пример новата Astra Sports Tourer Electric. Како и првиот автомобил на Opel, и овој автомобил доаѓа од Rüsselsheim. Ние сме горди на ова наследство и затоа Opel ќе ја слави годишнината од 125 години производство на автомобили, во знакот на електромобилноста“.

Доцните 1890-ти: од машини за шиење и велосипеди до автомобили

Успешната приказна на Opel започна во 1862 година. Adam Opel ја создаде својата прва машина за шиење во Rüsselsheim, поставувајќи ги темелите на компанијата. Opel наскоро се разви во еден од најголемите производители на машини за шиење во Германија и извезуваше низ цела Европа. Велосипедот за Opel беше успешна основа за понатаму. Првиот penny-farthing е изграден во Rüsselsheim во 1886 година, со што Opel стана еден од првите производители на велосипеди во Германија. Во 1920-тите, паралелно со автомобилскиот бизнис, Opel стана најголемиот светски производител на велосипеди, успех за кој беа одговорни синовите на починатиот основач на компанијата.

Тие се исто така, оние кои ја направија фундаменталната промена во моторизираниот транспорт за компанијата Opel. Поради падот на бизнисот со велосипеди во 1890-тите, браќата Opel бараа нови производи и наидоа на автомобилите. Fritz и Wilhelm Opel го посетија првиот германски саем за автомобили во Берлин во 1897 година и таму се сретнаа со Friedrich Lutzmann. Мајсторот за брави произведуваше моторни автомобили од 1894 година и затоа го имаше искуството што го бараа браќата Opel. Тој ги покани браќата Opel во неговата фабрика во Dessau каде Fritz и Wilhelm веднаш го препознаа потенцијалот за производство на автомобили што им го понуди Lutzmann.

Додека сите инволвирани првично размислуваа за соработка, браќата Opel му дадоа на Lutzmann атрактивна понуда за целото производство, вклучувајќи земјиште, зграда и опрема за работилница. На 21 јануари 1899 година, Wilhelm Opel и Friedrich Lutzmann потпишаа договор за куповна цена од 116.887 марки и фабриката станала сопственост на Opel.

Целата компанија, вклучувајќи ги вработените и машините, беше преместена од Dessau во седиштето на Opel во Rüsselsheim. Самиот Lutzmann беше назначен за менаџер за продажба на Adam Opel Motorfahrzeug-Fabrik.

Преземањето на производството и лиценцата значеа дека Opel веднаш стекна долгогодишно искуство во производство на моторни возила. Оттогаш, Lutzmann и избраните вработени кои работеа на производството на велосипеди во Opel, произведуваа автомобили под името Opel во специјално изградената зграда. Првите рекламни натписи за новите модели се појавија уште во пролетта 1899 година и гласеа: „Моторните возила на Opel се најдобри“.

Пионерско достигнивање од Rüsselsheim: новата Astra Sports Tourer Electric

Додека пред 125 години Opel-Patentmotorwagen System Lutzmann беше пионерско достигнување како прв автомобил од Rüsselsheim, денес тоа е најновата генерација на бестселерот Opel Astra, кој е дизајниран, развиен и произведен таму. Особено динамичните електрифицирани врвни модели Astra GSe и Astra Sports Tourer GSe (потрошувачка на гориво според WLTP: 1,3 l/100 km, емисија на CO2 30-29 g/km) излегуваат од производната лента во Rüsselsheim, заедно со новата Astra Sports Tourer Electric. Целосно електричниот компактен караван, еден од првите од ваков тип, ја имаше својата светска премиера на минатогодишниот IAA Mobility, импресионирајќи ги сите со својот дизајн, удобност и просторност, а особено со своите перформанси. Електричниот мотор испорачува 115 kW/156 КС и моќни 270 Nm максимален вртежен момент. И додека многу други електрични автомобили се ограничени на 150 km/h или 160 km/h, новата Astra Sports Tourer Electric може да достигне максимална брзина до 170 km/h. Овозможен е и опсег до 413 km (WLTP ) со едно полнење на батеријата. Достапни се и најсовремените технологии, како што се водечките светла во калсата Intelli-Lux LED Pixel со 168 LED елементи и системот Intelli-Drive 2.0 со полуавтоматско менување лента и интелигентно прилагодување на брзината.

125 години по почетокот на производството на автомобили во Rüsselsheim, Opel и неговите клиенти чекорат кон иднината без емисии, со возила кои се забавни за возење и погодни за секојдневна употреба. 2024 година ќе биде обележана со големиот јубилеј и континуираното патување на Opel кон електрификација, придружено со прослави, како и со иновативни нови модели. Повеќе информации за годишнината ќе следат наскоро.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Хајди Клум: Мојот сопруг ме охрабри да ја прифатам мојата пополна фигура и облини

Хајди Клум откри дека нејзиниот сопруг Том Каулиц ја охрабрил да ја прифати својата пополна фигура, години откако се соочи со критики во светот на модата за нејзиниот изглед.

Хајди Клум: Мојот сопруг ме охрабри да ја прифатам мојата пополна фигура и облини

Германската манекенка, која го прослави својот 53-ти роденден во јуни, е во брак со 36-годишниот музичар од „Токио Хотел“ од 2019 година.

Советот на нејзиниот сопруг во светот на модата

„Мислам дека изгледаме подобро како што старееме кога не сме толку слаби. Мојот сопруг беше првиот што го истакна тоа. Ми рече: „Треба да јадеш повеќе, ќе изгледаше подобро ако имаше малку повеќе месо на коските“, изјави Клум за „UsWeekly“.

Поранешниот ангел на „Викторија Сикрет“ рече дека советот на Каулиц е „нешто што никогаш не ти го кажуваат во оваа индустрија, бидејќи секогаш се очекува да бидеш послаба отколку што си“. И таа се согласува со тоа.

„Кога ги гледам фотографиите, си мислам: „Во право е!“ „Изгледам подобро пропорционално кога сум пополна“, призна таа. Клум, исто така, ја отфрли употребата на лекови за слабеење како Оземпик, велејќи: „Воопшто не ме интересира тоа“.

Извор: Индекс.хр

Тагови: Хајди Клум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Русија го забрани извозот на дизел

Русија го забрани извозот на дизел за да спречи недостиг на гориво на домашниот пазар по серијата украински напади со беспилотни летала врз руските рафинерии.

Русија го забрани извозот на дизел

Одлуката би можела дополнително да го зголеми притисокот врз глобалниот пазар на гориво, кој веќе е погоден од прекините во снабдувањето предизвикани од војната со Иран. Според податоците собрани од Блумберг врз основа на аналитичката компанија Вортекс, Русија минатата година учествуваше со околу 11 проценти во снабдувањето со дизел гориво во светот.

Досега, забраната за извоз се однесуваше само на трговците и другите продавачи на гориво во Русија кои не произведуваат гориво сами.

„Денес воведовме забрана за извоз на дизел“, изјави рускиот вицепремиер Александар Новак за време на владиниот состанок со претседателот Владимир Путин.

Тешкотии во обезбедувањето доволно снабдување на домашниот пазар

Новата забрана се темели на постојните ограничувања за извоз на повеќето количини бензин и гориво за авиони. Во последните месеци, Русија се соочуваше со тешкотии во обезбедувањето доволно снабдување на домашниот пазар со нафтени деривати и се обидува да го ограничи порастот на цените на горивата откако украинските напади со беспилотни летала оштетија неколку рафинерии.

Зголемените украински напади го турнаа руското рафинирање на сурова нафта на најниско ниво во последните години. Поради прекини во снабдувањето, многу руски региони беа принудени да воведат одредена форма на рационализација на потрошувачката на гориво.

Извор: Индекс.хр

Тагови: Дизел русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Дете од Аризона прогласено за мртво, пет часа подоцна, во мртовечница сфатиле дека дише

18-месечно момче од САД, кое било прогласено за мртво откако било извлечено од базен во Аризона, било пронајдено живо во болничка мртовечница неколку часа подоцна, покажува новообјавен полициски извештај.

Дете од Аризона прогласено за мртво, пет часа подоцна, во мртовечница сфатиле дека дише

Семејството повикало служби за итни случаи во паника на 8 февруари откако го пронашло момчето со лицето надолу во базенот во семејниот дом во Гилберт, предградие на Феникс. Полицијата и болничарите пристигнале на местото на настанот и веднаш започнале со кардиопулмонална реанимација. Потоа детето било однесено во болница, каде што било прогласено за мртво околу еден час подоцна, објавува Би-Би-Си.

Според полицискиот извештај, полицајците му рекле на д-р Арјан Туси дека забележале знаци на живот кај момчето. Докторот, според извештајот, одговорил: „Вие работете ја вашата работа, а јас дозволете ми да ја работам мојата“.

„Постои причина зошто одев на медицински факултет“, додал Туси, според полицискиот извештај.

Детето со хеликоптер префрлено во друга болница

Семејството се собрало да го гледа Супербоулот на НФЛ тој ден кога полицијата добила пријава за можно давење. Полицијата пристигнала во домот околу 17:30 часот по локално време, а момчето било однесено во Медицинскиот центар „Мерси Гилберт“, каде што било прогласено за мртво во 18:20 часот.

„Доколку нема забелешки, би сакал да го објавам времето на смртта. Времето на смртта е 18:20 часот. Момент на тишина“, вели Туси, според снимката од полициската камера за тело. Пет часа подоцна, службеник од Канцеларијата на судскиот испитувач на округот Марикопа пристигнал во болницата за да го земе телото, но открил дека момчето сè уште дише.

Детето било префрлено со хеликоптер во друга болница, каде што се опоравило и оттогаш е пуштено на домашна нега. Медицинските картони не биле вклучени во полицискиот извештај, па затоа сè уште не е јасно што точно се случило или како смртта била погрешно дијагностицирана.

Истражителите почувствувале силен мирис на марихуана во домот

Полицијата оттогаш препорачала обвиненија против родителите за небрежност. Според полицискиот извештај, истражителите почувствувале силен мирис на марихуана во домот, за кој веруваат дека можеби го одвело детето во базенот без надзор.

Канцеларијата на државниот обвинител на округот Марикопа сè уште не одлучила дали да поднесе обвиненија против родителите. Медицинскиот центар „Мерси Гилберт“ соопшти дека спровел „темелен преглед на сите аспекти на пружената грижа за да утврди што се случило и да направи значајни промени за подобрување на грижата“.

Извор: Индекс.хр

Тагови: Аризона

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер