21 година затвор за напаѓачот, кој пукаше во шетачот на кучињата на Лејди Гага

Човекот кој го застрела шетачот на кучињата на Лејди Гага и ги киднапира нејзините две миленика во февруари 2021 година, е осуден на 21 година затвор за „ладнокрвен и насилен напад“.

Џејмс Хауард Џексон е еден од тројцата мажи кои учествуваа во нападот во февруари 2021 година. Фишер беше тешко ранет во градите, а по пукањето напаѓачите ги киднапирале двете кучиња на Гага.

Џексон пред судот изјавил дека не оспорува ниту едно од обвиненијата за обид за убиство, соопшти вчера Окружното обвинителство во Лос Анџелес. „Денеска беше постигната спогодба во случајот против Џејмс Хауард Џексон“, изјави портпаролот на обвинителството.

„Г-дин Џексон рече дека не оспорува ниту една точка од обвинението за обид за убиство и го призна обвинението за нанесување тешка телесна повреда. Тој е осуден на 21 година затвор“, рече тој.

„Џексон одговара за извршување на ладнокрвен чин на насилство, што значи правда за нашата жртва. Окружното обвинителство е посветено да одговара секој што ќе изврши акти на насилство во нашата заедница“.

По административната грешка, Џексон беше ослободен од притвор на 6 април 2022 година, но повторно бил уапсен во август. Обвинителството соопшти дека учесникот во инцидентот, Харолд Вајт, вчера изјавил дека не го оспорува обвинението кое го обвинува за поседување оружје, поради што следната година ќе биде осуден.

Полицијата претходно соопшти дека врската со Лејди Гага била случајна, а мотивот за грабежот била вредноста на француските булдози, раса вредна неколку илјади долари. Гага еднаш понудила награда од 500.000 долари на тој што ќе ѝ ги врати миленичињата.

Неповредените киднапирани булдози беа предадени на полициската станица во Лос Анџелес неколку дена по инцидентот од Џенифер Мекбриџ, која исто така е обвинета за учество во злосторството.

Утре променливо облачно и студено

Времето утре ќе биде променливо облачно и студено, попладне со делумно намалена облачност. 

Ќе дува слаб до умерен ветер од северозападен правец. Минималната температура ќе биде во интервал од -8 до -2, а максималната ќе достигне од 1 до 9 степени.

Во Скопје променливо облачно со слаб до умерен ветер од северозападен правец. Минималната температура ќе се спушти до -3, а максималната ќе достигне 5 степени.

Следува период на променливо облачно и студено време. Во вторник локално ќе провејува слаб снег и ќе дува засилен северен ветер. Во среда ќе има преодно намалување на облачноста, а од четврток повторно повремено ќе има слаби врнежи претежно од снег, велат од УХМР.

Магла со видливост до 50 метри на патниот правец Тетово – Попова Шапка

Магла со видливост од 40 до 50 метри има на патниот правец Тетово – Попова Шапка, соопштија вечерва од Авто-мото сојузот на Македонија.

Сообраќајот на останатите државни патишта се одвива непречено, по наместа влажни коловози.

– Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, се наведува во соопштението.

Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата.

– Особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево, се нагласува во соопштението.

За брзо возење на територија на СВР Битола санкционирани 87 возачи

Вкупно 87 возачи се казнети при засилената акциска контрола за санкционирање на лица кои управуваaт возило со брзина поголема од пропишаната што денеска во периодот од 10.00 до 15.00 часот беше спреведена на територијата на СВР Битола. 

Од нив, како што информира МВР, 59 ја пречекориле брзината во населено место, а 28 надвор од населено место.

На сите прекршители изготвени им се соодветни поднесоци.

Од МВР најавуваат дека и во наредните денови же продолжат засилените акциски сообраќајни контроли и апелираат граѓаните да ги почитуваат сообраќајните правила и прописи за, како што велат, да ја зголемиме безбедноста во сообраќајот и заедно да придонесеме за посигурни патишта.

притисни ентер