Свет

176 патници и членови на екипажот загинаа во авионска несреќа на украински ,,Боинг 737“ во Иран

Патнички авион Боинг 737 на украинската национална компанија со 176 лица рано утринава се урна во близина на иранскиот главен град Техеран. 

Несреќата во која нема преживеани се случила само две минути по полетувањето од аеродромот „Имам Хомеини“, и неколку часови откако Иран лансираше ракетни напади врз цели на САД. Сепак, според првичните информации, како причина за падот се води технички проблем со еден од моторите, а иранските и украинските власти веднаш ги отфрлија шпекулациите дека станува збор за можен терористички напад. Украинскиот претседател Зеленски пак, на социјалните мрежи напиша дека ќе ги истражат сите можни верзии за несреќата.

„Дадов насоки на јавниот обвинител да отвори кривична постапка за несреќата во Техеран. Ќе биде формирана и истражувачка комисија со претставници на цивилното воздухопловство. Мораме да ги истражиме сите можни верзии“, вели Володимир Зеленски.

Иранските медиуми објавија и аматерски снимки, на кои може да се забележи дека авионот уште пред падот е во пламен, уште по страшни се апокалиптичните сцени од местото на несреќата.

Со пораки за сочувство, но и повик за целосна истрага во врска со несреќата, се огласија и од Европската комисија. Од таму порачаа дека потребно е да се истражат сите детали кои довеле до падот на авионот.

„Ви сакала да го изразам моето најдлабоко сочувство до сите кои загубија сакани во падот на украинскиот авион утринава. Во овој момент работа на авионските безбедносни експерти е да ги истражат причините за несреќата и да дадат одговори за оваа ужасна трагедија.“, вели Урсула вон Дер Лејен, Претседателка на Европска Комисија.

Украинските власти објавија дека најголемиот дел од патниците во авионот чија дестинација бил Киев, биле Иранци и Канаѓани, за кои Киев бил само транзит до други држави.

82- Иранци

63 – Канаѓани

11 – Украинци

10 – Швеѓани

4 – Авганистанци

3 – Германци

3 – Британци

Според меѓународните правила, Иран има рок од 30 дена да достави прелиминарен извештај со основните факти за несреќата.

Регион

Ален на средба со Курти: Косово припаѓа во ЕУ и НАТО, да се спроведат договорите со Србија

Претходно, американската дипломатка се сретна и со претседателката Вјоса Османи.

Американската државна потсекретарка за јавна дипломатија Елизабет Ален, која престојува во Косово, по средбата со претседателката на државата, Вјоса Османи, беше примена и од косовскиот премиер, Албин Курти, со кого вели дека имала „длабока дискусија“, јави дописникот на МИА од Приштина.

Ален на платформата „Икс“, поранешен Твитер, покрај фотографии од средбата со Курти, напиша дека „Косово припаѓа во ЕУ и НАТО“, а го повтори и барањето на Вашингтон за спроведување на договорите со Србија.

„Ја ценам длабоката дискусија со косовскиот премиер Албин Курти. Косово припаѓа во ЕУ и НАТО. Ние бараме целосна имплементација на сите договори што Косово и Србија ги постигнаа во рамките на Дијалогот олеснет од ЕУ“, напиша Ален.

Претходно, американската дипломатка се сретна и со претседателката Вјоса Османи, со која потпиша договор за разбирање меѓу владите на Соединетите Американски Држави и Република Косово, против манипулациите со информации од други држави.

На заедничката прес-конференција по потпишувањето на договорот, Ален рече дека со Османи разговарале и за „критичните прашања на евроатлантскиот пат на Косово“, оценувајќи дека „суштинскиот чекор кон евроатлантскиот пат на Косово (е) напредокот на Косово во врска со формирањето на Заедницата на општини со српско мнозинство“. /МИА

Свет

Руската нафтена рафинерија во Краснодар привремено ја прекина работата по украинските напади

Руската нафтена рафинерија „Славјанск“ во јужниот дел на областа Краснодар денеска привремено ја прекина работата по синоќешниот напад на украински беспилотни летала, јавија руските медиуми.

Според извештаите на локалните власти, шест украински беспилотни летала паднале на територијата на рафинеријата.

Дроновите со кои беше нападната рафинеријата во јужниот дел на Русија не предизвикаа пожари, додаваат медиумите, повикувајќи се на властите.

Рафинеријата има капацитет од четири милиони тони нафта годишно, што е околу еден милион барели дневно./МИА

Македонија

Стабилна состојба на работникот, кој се здоби со тешки повреди во лифт

Стабилна е состојбата на 56 годишниот маж кој вчера попладне се здоби со тешки телесни повреди во лифтот во угостителски објект во Штип. 

Надлежните во Клиничка болница- Штип информираат дека е примен со скршеници на пршлените и е хоспитализиран на oдделението за ортопедија во штипската Клинничка болница. Неговиот колега, 71 годишниот пензиониран кувар им подлегна на повредите добиени при пад на лифтот, во кој биле работно ангажирани.

Во меѓувреме директорката на Државниот инспектор за труд, Весна Томовска за МИА изјави дека на лице место вчера е излезен трудов инспектор. Утврдено е дека двајцата работници не биле вработени, туку работно ангажирани во објектот. Починатиот бил кувар во пензија.

Посочува дека утре до инспекторатот треба да биде доставена документацијата за безбедност при работа во објектот. Од Обвинителството пак информираат дека се обезбедуваат докази за расчистуваање на настанот, а стручно лице ќе направи техничко вештачење на лифтот. Како дошло до трагедијата се уште нема официјални информации. Телото на починатото лице е дадено на обдукција.

притисни ентер