Сепак, паралелно со ова, се поставува прашањето: што да се прави со батериите од искористени или отпаднати електрични возила?

Автомобилската индустрија со години бара решенија – од отворање погони за рециклирање батерии до проекти во кои искористените батерии се пренаменуваат за системи за складирање енергија, пишува „Index“.

Таквите системи досега беа специјализирани и користени речиси исклучиво во автомобилската индустрија, наместо како производи достапни на поширокиот пазар.

Но, тоа сега се менува.

Volvo Energy

„Volvo Energy“ воведува мобилен систем за складирање и дистрибуција на електрична енергија

„Volvo Energy“, оддел во рамките на „Volvo Group“ (камиони, автобуси), воведе нов производ наречен „PU500“ – систем за складирање енергија базиран на батерии (BESS).

Во суштина, тоа е решение кое изгледа како џиновска надворешна батерија за „iPhone“, но дизајнирано за полнење електрични камиони и градежни машини.

„PU500“ има капацитет од 450 до 540 kWh и може да работи целосно независно од електричната мрежа - на пример, на оддалечени градилишта. Може да се поврзе и на мрежа за побавно полнење.

Опремен е со интегриран „DC“ полнач од 240 kW, што значи дека може брзо да полни електрични возила или да напојува мобилни објекти како што се контејнери.

Сепак, првенствено е дизајниран за полнење на тешки градежни машини и камиони на локации кои немаат вградена електрична инфраструктура.

„PU500 со интегриран „CCS2“ полнач е дизајниран да работи со сите марки на електрична опрема, камиони и патнички автомобили“, рече Никлас Тулин, раководител на понудата на „BESS“ во „Volvo Energy“.

Идеален за шумски градилишта, служби за итни случаи или кризни ситуации

Иако имањето таков уред дома би било претерано, „PU500“ би бил идеален за напојување на електричен багер на градилиште без стабилно поврзување со струја.

Во иднина, таков систем би можел да послужи и како итна енергетска поддршка за флотите на електрични возила, како оние што ги користат спасувачките служби, така што батериите може брзо да се полнат во случај на прекин на струја во нивните бази.

Volvo Energy

„Volvo Energy“ наведува дека еден „PU500“ може да полни до 20 електрични автомобили дневно или еден тежок камион за приближно час и половина.

„PU500 е сигурно, приспособливо и ефикасно решение дизајнирано за потребите на бизнисите и индустриите кои бараат флексибилен извор на енергија“, рече Елизабет Ларсон, директор за продажба и услуги во „Volvo Energy“.

Подобро решение од дизел генератор

На градилиштата моментално најмногу се користат дизел генератори за овие потреби, но тие не се идеални за полнење на големи камиони бидејќи не можат да произведат доволно енергија за краток временски период.

Ова е местото каде што „BESS“, со својот полнач од 240 kW, има клучна предност.

Единствениот услов? Ќе бидат потребни уште многу електрични градежни камиони и машини – а тоа, заклучува „Volvo“, ќе потрае некое време.

Фото: Volvo Energy

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.