Мексико го надмина САД по бројот на смртни случаи од последиците од коронавирусот на дневно ниво, откако вчера министерството за здравство регистрира рекордни 1.092 смртни случаи во таа земја. Тоа е повеќе од двојно од претходниот рекорден број жртви на дневно ниво, кој изнесуваше 501.
Во Шпанија вкупниот број починати од коронавирусот изнесува 27.133 лица, пет повеќе од претходниот ден.
Во Србија вчера беа регистрирани 48 нови случаи на ковид 19 , таму бројот на заразени се искачи на 11 571.
Во приватен дом во Петроварадин-Нови Сад, регистрирано е присуство на вирусот кај 22 корисници и шест вработени, изјави претседателот на покраинската влада, Игор Мировиќ. Тој на прес-конференција рече дека станува збор за изолиран случај и дека нема потреба од паника.
– Националната организација за јавно здравје на Грција соопшти дека регистриран е еден смртен случаи од ковид-19, односно 180 од почетокот на епидемијата, а позитивни се уште 15 лица, со што бројот на заразени се зголеми на 2.952 лица.