„Варајети“: Комичарот Џад Апатоу со преостри шеги кон Том Круз - Канал 5

Шоу биз

„Варајети“: Комичарот Џад Апатоу со преостри шеги кон Том Круз

Џад Апатоу, комичар, режисер и водител на доделувањето на наградите на Американското здружението на режисери, а на сцената, меѓу другото, го исмеа глумецот Том Круз, пишува „Варајети“ (Variety).

„Варајети“: Комичарот Џад Апатоу со преостри шеги кон Том Круз

Режисерот, имено, според многумина и преостро се шегувал за висината на Круз, неговата желба сам да ги изведува опасните акциони и каскадерски сцени, сајентологијата, но и начинот на одгледувањето на децата со глумиците Никол Кидман и Кејти Холмс.

- Се сеќавате ли кога Том Круз скокаше на каучот и сите бевме како „Каков лудак!“, го започна комичарот својот сценски монолог, потсетувајќи на контроверзното гостување на акционата ѕвезда кај Опра во 2005 година. - Сега го гледаме како се фрла од карпите на мотор и си размислуваме: „Ох, Том е добро.“ Не, Том не е добар! Некој треба да му објасни што е „ЦГИ“ (компјутерски генерирани слики). Имаш 60 години. Смири се!, рече Апатоу.

Потоа тој се префрли и на користењето антидепресиви, но потоа и на шегите за децата и приватниот живот на Круз.

- Единственото нешто од што (Том Круз) навистина се плаши, изгледа, е заедничката грижа за децата и антидепресивите. Јас денеска ја удвоив дозата „Прозак“ - само поради ова! Што мислите, што би размислувал Том ако не зема толку многу антидепресиви? Веројатно нешто како „Нема шанси да скокнам од оваа карпа кога сум толку брутално богат“, вели сценскиот комичар.

Глумецот од „Невозможна мисија“, пак, јавно го изрази своето противење да зема антидепресиви, согласно неговите религиозни убедувања. Тој е припадник на сајентологијата

Апатоу го заврши својот говор со „врвната шега“ - за висината на Круз, којашто изнесува 170 сантиметри.

- Специјалните ефекти во „Маверик“ („Топ ган 2“) се толку добри што не успеав ни да го видам купот телефонски именици на кои седеше Том за да ги допре контролите на авионот, се пошегува водителот.

Том Круз не беше на доделувањето награди, но продуцентот на „Маверик“, Џери Брукхајмер и режисерот Џозеф Косински беа присутни таму, па не изгледаа „премногу воодушевени“. Од друга страна, режисерот Стивен Спилберг имаше само пофални зборови за славниот актер на неодамнешен настан околу номинациите за „Оскар“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во сообраќајка во Скопје во Радишани загина возач на мотоцикл

Во сообраќајна несреќа на улица Радишанска загина возач на мотоцикл.

Во сообраќајка во Скопје во Радишани загина возач на мотоцикл

-Денеска (07.08.2026) во 12:12 часот во СВР Скопје е пријавено дека на ул. „Радишанска“ во Скопје се случила сообраќајна несреќа помеѓу патничко возило „алфа ромео“ со италијански регистарски ознаки, управувано од С.Б. (46) и мотоцикл без регистарски ознаки, управуван од Н.М. (19) од скопско, при што возачот на мотоциклот починал на местото на настанот. Во тек е увид, информираат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: 40.000 навивачи на Трабзонспор го пречекаа Салах

40.000 навивачи го пречекаа Салах во неговиот нов клуб .

Видео: 40.000 навивачи на Трабзонспор го пречекаа Салах

Египетскиот фудбалер Мохамед Салах (34) официјално е претставен како нов играч на турскиот клуб Трабзонспор.

Досегашниот член на Ливерпул, беше пречекан на стадионот „Папара Парк“ од повеќе од 40.000 навивачи , кои му приредија спектакуларен пречек.

Салах потпиша двегодишен договор со турскиот клуб, кој му гарантира плата од 17 милиони евра по сезона. Покрај фиксната плата, договорот вклучува и бонуси врз основа на учинокот, како и 20 проценти од приходите од продажбата на клупски производи со неговото име.

Салах излезе на теренот носејќи бордо-син дрес со бројот 10. Тој ја поздрави публиката, која возврати со гласно навивање. На екраните низ стадионот беа прикажани пораки за добредојде на турски и на англиски јазик.

Египетскиот напаѓач им се обрати на присутните, истакнувајќи дека му се приклучил на клубот со цел да освојува трофеи. Неговото доаѓање се смета за еден од најзначајните трансфери во историјата на турската Суперлига и ги нагласува високите амбиции на Трабзонспор да се натпреварува во самиот врв на турскиот фудбал.

За Трабзонспор Трабзонспор се смета за четвртиот најголем турски клуб, покрај истанбулските гиганти Фенербахче, Галатасарај и Бешикташ.

YouTube video

Тагови: Мохамед Салах

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЛДП: Потпишувањето на договорите за третата фаза од железничкиот Коридор 8 е важен чекор во поврзувањето со Европа

Либерално-демократската партија (ЛДП) го поздравува потпишувањето на договорите со Европската Унија, Европската инвестициска банка и Европската банка за обнова и развој за финансирање на третата фаза од железничкиот Коридор 8.

ЛДП: Потпишувањето на договорите за третата фаза од железничкиот Коридор 8 е важен чекор во поврзувањето со Европа

Ова е важен чекор за подобра регионална поврзаност, економски развој и поблиска интеграција на Македонија во европската транспортна мрежа.

Истовремено, потсетуваме дека државата веќе изгуби околу 60 милиони евра европски грант за овој проект поради неисполнување на роковите и слабата реализација на проектот. Таквите пропусти не смеат никогаш повеќе да се повторат.

ЛДП со години укажува дека инфраструктурните проекти што ја поврзуваат Македонија со Европа се национален интерес кој треба да има поддршка без разлика која политичка гарнитура е на власт

Затоа, за ЛДП ваквите проекти не смеат да бидат предмет на дневнополитички пресметки.

Очекуваме по потпишувањето на договорите да следува навремена, ефикасна и транспарентна реализација на проектот, затоа што на Македонија ѝ се потребни резултати, а не само свечени потпишувања.

ЛДП ќе продолжи да поддржува секој проект што ја доближува Македонија до Европската Унија, ја подобрува регионалната поврзаност и создава услови за економски развој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер