„Топлинска купола“ на Медитеранот, најжешкиот период допрва доаѓа - Канал 5

Свет

„Топлинска купола“ на Медитеранот, најжешкиот период допрва доаѓа

Низ цела јужна Европа денеска продолжи топлотниот бран, со зголемен ризик од избувнување пожари, а се очекува овој феномен утре да биде уште поинтензивен во Италија, Шпанија и Португалија.

„Топлинска купола“ на Медитеранот, најжешкиот период допрва доаѓа

Во Франција, утре и задутре се очекува температура до 35 степени Целзиусови во најмалку две третини од земјата, со „многу непријатни“ ноќи со минимална температура од 20 степени, изјави метеоролог од Météo-France.

Феноменот денеска го зафати југот на земјата втор ден по ред, а потоа се прошири кон север, носејќи и зголемен ризик од пожари. Се очекува да трае најмалку до вторник.

Météo-France предвидува дека температурите денеска попладне во департманите каде е издаден портокалов аларм ќе достигнат меѓу 34 и 38 степени Целзиусови, а во крајбрежјето „повремено ќе се приближат до температура од 40 степени Целзиусови“.

Причината за новиот топлотен бран во Франција е таканаречената „топлинска купола“ на Медитеранот – голем, силен систем на висок притисок кој формира своевиден капак над одредена област, и го блокира циркулирањето на воздухот во долните слоеви, спречувајќи „влегување“ на временски нарушувања и истовремено постепено загревајќи го воздухот.

Градските власти на јужниот град Марсеј ги известија граѓаните дека влезот на сите градски базени ќе биде бесплатен и објавија мапа на јавни места со клима уреди.

Во изминатите две недели во Ница, на училиштата им беа испорачани речиси 250 преносни вентилатори, а беше организирана и дистрибуција на вентилатори за постари лица кои живеат сами.

Во Италија за денеска за 17 градови беше издадено црвено предупредување за топлотен бран, што вклучуваше и градови на север како Милано, Болоња и Торино. На југ, особено во Неапол и Палермо, се очекуваат температури и до 39 степени Целзиусови.

Утре предупредувањето за топлотен бран ќе се прошири на 21 италијански град. Некои италијански региони, како Лигурија и Сицилија, издадоа наредби со кои се забранува работа на отворено во текот на најризичните часови, а синдикатите се ангажираа да ја прошират нивната реализација и на други региони.

Новинската агенција Анса јави дека поради жештината минатата недела пораснал бројот на повици до итните медицински служби.

Во Рим, термометарот веќе во 10:00 часот по локално време покажуваше 30 степени Целзиусови, а се предвидува дека температурите денеска ќе достигнат до 37 степени Целзиусови.

Слична е ситуацијата и во Венеција. Бројни туристи кои денеска пристигнаа во Вечниот Град се обидуваа да се заштитат од жештината со капи и други покривки за глава, креми за сончање или гасејќи ја жедта на некоја од јавните фонтани.

Во Шпанија, за денеска за неколку региони беше издаден портокалов аларм поради високите температури кои се последица на првиот овогодишен летен топлотен бран, а во некои делови од земјата достигнуваат и до 42 степени Целзиусови, покажуваат податоците на Шпанската државна метеоролошка агенција (Aemet).

Уште повисоки температури се очекуваат утре и задутре, кога температурите во југозападниот дел од земјата и во некои делови на североисток би можеле да надминат 40 степени Целзиусови.

- Се очекува температурите во подрачјето на реките Гвадалкивир, Гвадијана, Тагус но и Ебро да достигнат и до 42 Целзиусови степени, соопшти Aemet.

Поради интензивната жештина, температурата на морето во шпанското крајбрежје и околу Балеарскиот архипелаг надмина 26 степени Целзиусови, што е рекордна бројка за овие датуми и е типична за средината на август, стои во извештајот на Aemet на X, и се додава дека последните три години се најтопли забележани во историјата на Шпанија.

Слична е ситуацијата и во Португалија. Таму, за утре за две третини од земјата е издаден портокалов аларм. Температурите ќе достигнуваат до 42 степени Целзиусови, што се однесува и на главниот град Лисабон, а издадено е и предупредување за голем ризик од пожари.

Тагови: Медитеранот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивни активности за спречување на пожари, кражби и измами и подобрување на безбедноста во сообраќајот

Превентивни активности во рамки на кампањата „Безбеден град“,

Превентивни активности за спречување на пожари, кражби и измами и подобрување на безбедноста во сообраќајот

Денеска (16.09.2026) во Велес, полициски службеници од Отсекот за превенција при СВР Велес реализираа превентивни активности во рамки на кампањата „Безбеден град“, со цел информирање на учесниците во сообраќајот за начинот на функционирање на системот и неговата улога во навремено откривање и санкционирање на сообраќајни прекршоци. Покрај тоа, на возачите во Тетово, Велес, Кавадарци и Неготино им беше укажано на обврската за прилагодување на брзината според сообраќајната сигнализација и условите на патот, а на пешаците за обврска улицата да ја минуваат на обележан пешачки премин и да не користат мобилен телефон и слушалки додека поминуваат пешачки премин. Полициски службеници од СВР Битола пак, во основното училиште „Даме Груев" во Битола, одржаа едукативно предавање „Да ги заштитиме децата во сообраќајот".

Во Штип, Кочани и Делчево, полициски службеници од СВР Штип реализираа превентивни активности „Не користи мобилен телефон додека возиш“ и „Вози безбедно со технички исправно возило“, а ги информирааа граѓаните и за последиците што може да настанат доколку возат под дејство на алкохол.

Отсекот за превенција при СВР Куманово пак, во Куманово спроведе превентивна активност за безбеден јавен превоз на патници и ученици, насочена кон правните лица кои вршат автобуски јавен превоз на патници односно неопходноста превозт да се врши со технички исправни возила.

Полициски службеници од СВР Велес, ОВР Неготино, ПС Пробиштип и ПО Чашка денеска реализираа и превентивни активности за заштита од измами и различни форми на кражби, укажувајќи им на граѓаните да бидат внимателни во комуникација со непознати лица, да не ги споделуваат своите лични податоци и да внимаваат на своите лични предмети. Во рамки на активностите беше поделен печатен едукативен материјал.

Oд страна на полициски службеници од ПС ГН Попова Шапка во с. Вешала и с. Шипковица беа реализирани превентивни активности за заштита од пожари, укажувајќи им на граѓаните за потребата од соработка со институциите и навремено пријавување на било какви појави на несовесно однесување, фрлање и палење на ѓубре и палење оган, особено на отворен простор и во близина на шумски појаси, со цел навремена и брза реакција на сите институции.

Полициски службеници од ПС Берово пак во соработка со родителите на малолетни лица, во Берово спроведоа превентивна активност насочена кон малолетниците, односно за спречување на појавите на малолетничка деликвенција, злоупотреба на алкохол и психоактивни супстанции и нарушување на јавниот ред и мир.

Тагови: Превентивни активности

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривична против Рамиз Мерко и двајца вработени во општина Струга- издавале градежна дозвола во с. Мислешево

Кривична пријава против поранешен градоначалник на Струга и двајца вработени во општината за несовесно работење во службата.

Кривична против Рамиз Мерко и двајца вработени во општина Струга- издавале градежна дозвола во с. Мислешево

ОВР Струга поднесе кривична пријава против Р.М.(69), А.Б.(40), двајцата од Струга како и против Н.Р.(57) од струшкото село Поум поради постоење основи на сомнение за сторено кривично дело „несовесно работење во службата“.

Пријавениот Р.М., поранешен градоначалник на општина Струга, за време на мандатот ја искористил својата службена положба и овластување на тој начин што со пропуштање на должен надзор постапил спротивно на Законот за градење и противправно потпишал одобрение за градење на катастарска парцела во струшкото село Мислешево.

Второ и третопријавениот, од позиција на советник во Секторот за урбанизам, комунални дејности, сообраќај и заштита на животна средина и помошник раководител на истиот сектор, претходно незаконски го изготвиле одобрението и врз основа на некомплетна документација, без приложен идеен проект, одобрението било издадено спротивно на Законот за градење, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев на средба со постојната координаторка на ОН Колумбија: Заеднички фокус на јакнењето на јавната администрација

Министерот за јавна администрација, Горан Минчев, денеска оствари средба со постојната координаторка на Обединетите нации во Македонија, г-ѓа Рита Колумбија.

Минчев на средба со постојната координаторка на ОН Колумбија: Заеднички фокус на јакнењето на јавната администрација

На средбата беа разгледани можностите за продлабочување на соработката во рамки на новата Рамка за соработка ОН–Северна Македонија 2026–2030, со фокус на доброто управување, институционалниот развој и јакнењето на капацитетите на јавната администрација.

Посебно внимание беше посветено на Академијата за стручно усовршување и обука на административни службеници, која треба да започне со работа во 2027 година. Разговарано беше за можностите за поддршка од системот на ОН во развојот на обуките, модулите и обучувачите, со цел континуираниот професионален развој да стане составен дел од работењето на јавната администрација. Во овој контекст беше спомената и досегашната соработка со УНДП во воспоставувањето на системот за управување со учењето – ЛМС.

„Реформата на јавната администрација не е само креирање на закони. Нејзината вистинска вредност е во тоа граѓаните да добијат институции кои работат поефикасно, попрофесионално и во нивен интерес. Затоа ни се важни партнерствата што носат знаење, искуство и конкретна поддршка“ истакна министерот Минчев.

Министерството за јавна администрација ќе продолжи да ја продлабочува соработката со меѓународните организации и партнери преку конкретни иницијативи и активности, насочени кон поддршка на приоритетите и реформските процеси во јавната администрација, со цел да се придонесе кон создавање на поефикасна, професионална и современа јавна администрација во служба на граѓаните.

Ви благодариме.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер