Магазин

Студија открива кој најтешко ќе се снајде поради промена на пазарот на трудот со вештачката интелигенција

Вештачката интелигенција повеќе ги погодува занимањата каде доминираат жени, открива нова студија

Извештајот на Институтот Брукингс и Центарот за управување со вештачка интелигенција покажува дека работниците во индустриите во кои повеќе доминираат жени се поизложени на ризиците што ги носи вештачката интелигенција на пазарот на трудот, објавува Њујорк пост.

Истражувачите со комбинирање на јавни и приватни збирки на податоци анализирале кои занимања се најизложени на автоматизацијата и промените и колку вработените во овие подрачја би можеле да се прилагодат.

Најзагрозени се жените со канцелариски и административни работни места

Од 37,1 милион американски работници кои според студијата се најзагрозени од губење на работното место поради напредокот во вештачката интелигенција, околу 6,1 милиони вработени (4,2% од работната сила во примерокот) веројатно ќе имаат потешкотии да се прилагодат на промените. Како причина истражувачите ги наведуваат постарата возраст и помалите финансиски ресурси.

Според наодите, овие работници се претежно концентрирани во канцелариските и административните занимања, а околу 86% од нив се жени. „Ова се работни места кои долго време се на удар“, изјави за CBS News Марк Муро, виш соработник во Институтот Брукингс.

Муро нагласи дека овие статистики зборуваат за ранливоста на работните улоги во дејностите во кои доминираат жени, а не за способноста на самите работнички.

Кој полесно ќе се снајде со промените?

Од друга страна, студијата покажа дека 26,5 милиони работници имаат „натпросечна способност за прилагодување“ - односно подобра почетна позиција за префрлање на друго работно место доколку е потребно. Истражувачите проценуваат дека околу 70% од овие работници би можеле да се префрлат на нова работа со споредлива плата.

Сем Менинг, виш истражувач во Центарот за управување со вештачка интелигенција, вели дека ова се претежно вработени во области како маркетинг, финансии и наука - сектори кои често бараат поразновиден збор на вештини и вклучуваат повеќе технички и менаџерски задачи.

„Овие работни места користат поширок спектар на вештини, за разлика од некои административни и канцелариски улоги каде што основните компетенции се потесно дефинирани“, изјави тој за CBS News.

Совет од експертите: Научете да работите со вештачка интелигенција

Менинг и Муро велат дека вработените треба да се запознаат со алатките за вештачка интелигенција и да научат како да ги користат - особено ако размислуваат за промена на кариерата или сакаат да ја зајакнат својата позиција на пазарот на трудот.

„Експериментирањето со оваа технологија со цел да видите како да станете попродуктивни и да ги проширите вашите способности, па и да се истакнете во вашата професија сигурно може да помогне“, заклучува Менинг.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче: Потребно е укинување на акцизата за горивата и намалување на ДДВ од 18 на 5 проценти

Претседателот на СДСМ, д-р Венко Филипче, на денешната прес-конференција предложи конкретни мерки за намалување на цените на горивата, од кои граѓаните ќе видат реален ефект.

Филипче посочи дека мерките на Владата се повторно задоцнети и недоволни, без суштински ефект, додека граѓаните веќе подолг период се соочуваат со високи цени и растечки трошоци.

„Денешните предлог мерки од премиерот се задоцнети и недоволни, намалување само на ДДВ. Затоа предлагаме Владата да ги слушне граѓаните, да излезе од нивниот свет, замислен свет, да излезе премиерот од неговиот свет на бајките и на елитата, така наречена, да ги слушне проблемите со кои што граѓаните се соочуваат, да излезе од светот негов, да ги имплементира следни мерки: dа се укине акцизата на горивата и ДДВ-то да се намали од 18% на 5%“, рече Филипче.

На прес-конференцијата, Филипче, направи споредба што значат мерките на Влада, а што и каков бенефит ќе добијат граѓаните со мерките што ги предлага СДСМ, од што јасно се гледа дека со мерките на СДСМ граѓаните ќе имаат значајно олеснување, реално поголема куповна моќ и помал трошок за гориво.

„Ќе направам една споредба, ќе кажам неколку суми на литри споредбено со просечната и минимална плата, односно колку еден човек со просечна или минимална плата може да купи литри гориво, сега со мерките кои ќе ги предлага владата, и така како што ние предлагаме, за да имаат, претстава граѓаните за што станува збор. Доколку се имплементираат мерките на Владата, недоволното намалување на акцизата од 18 на 10%, тогаш, човек со просечна нето плата може да купи 513 литри евродизел или 535 литри Евросупер. Со нашите предлог мерки, ќе може да купи 621 литар евродизел, значи 108 литри повеќе, или 740 литри евросупер, односно 205 литри повеќе.“, рече Филипче.

Филипче посочи дека разликата уште појасно се гледа кај граѓаните кои примаат минимална плата, за кои секое намалување на трошоците има директно значење за семејниот буџет.

„Човек со минимална плата, наместо со мерките кои што ги предлага Владата да може да купи 276 литри евродизел, да може да купи 334 литри евродизел, значи 58 литри повеќе, и наместо 288 литри евросупер, 398 литри евросупер, односно 110 литри гориво повеќе со мерките на СДСМ.“, рече Филипче.

Претседателот на СДСМ нагласи дека ова се мерки што ќе имаат поширок ефект врз економијата, бидејќи пониските цени на горивата можат да влијаат и врз останатите цени, особено во услови кога граѓаните се соочуваат со високи цени на основните производи.

„Сметаме дека ова се вистински мерки, кои граѓаните ги заслужуваат, затоа што ова значајно намалување на цените на горивата, со поддршка од страна на државата, може да предизвика и некаков пад на останатите цени. Затоа што цените по маркетите се ужасни. Ние имаме поскапи цени од Германија - на прехранбени продукти, на пијалоци, на се. И никој од оваа криминална арамиска влада за тоа не е заинтересиран, заинтересирани се само за партиските тендери од кои што крадат народни пари.“, рече Филипче.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кузеска: Обвинителство мора да отвори истрага за лотото на мицкоски и трошењето 5,5 милиони евра

Граѓаните ја платија сметката, сега треба да знаат до денар каде завршија нивните пари.

Во кое својство владата ѝ наложила на државната лотарија да ја организира и финансира прославата за денот на назависноста прашуваат од СДСМ и бараат обвинителството да отвори истрага

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Камионџиите го откажаа протестот во последен момент, добија ново ветување од ЕУ

Превозниците ги откажаа блокадите кон Европската унија откако на средба во Белград добиле уверување за решавање на проблемот со шенгенските ограничувања.

Камионџиите од Македонија, Србија, Босна и Херцеговина и Црна Гора најавија дека денеска целосно ќе го запрат сообраќајот кон европските граници, но по разговорите со претставници на дел од членките на шенген-зоната и европските дипломати, блокадите се ставени во мирување за да не се прекинат регионалните трговски синџири.

Од асоцијацијата „Макам-Транс“ потврдија дека превозниците отстапиле од радикалните чекори за да остават простор за преговори.

„На овој начин покажавме добра волја и разбирање за проблемите кои би настанале со прекинување на синџирот на снабдување на стока меѓу Западен Балкан и ЕУ“, соопштија од организацијата.

Со ова сообраќајот на граничните премини останува редовен, но транспортерите предупредуваат дека решението не смее да се одолговлекува.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.