После повлекувањето на песните на кралот на поп музиката од поедини радио станици, како и епизодата од „Симпсонови“ во која Џексон го позајмува гласот, се огласи и актерот Меколи Калкин.

Познат по своето пријателство со Џексон, кое започнало кога имал само девет години, како и претходно, повторно застана во одбрана на својот пријател, цврсто негирајќи било каков сексуален контакт меѓу нив двајца.

„Во мојот случај се беше нормално. Тоа беше едно обично пријателство. Лесно е да се рече дека беше “бизарно“, но не е. Луѓето го преиспитуваат моето пријателство со него само затоа што тој беше најпознатиот човек на светот“ – изјави, денеска 38 годишниот Калкин.

Тој инаку за својот однос со пејачот, како сведок на одбраната, зборуваше и во текот на судењето на Мајкл Џексон за сексуално злоставување во 2005 година.

Тогаш 24 годишниот Калкин ги отфрли обвинувањата против Џексон како “тотално смешни“, но призна дека тие двајца спиеле во ист кревет. Калкин тогаш инсистираше дека нивниот однос никогаш не бил од сексуална природа, оти никогаш не му било непријатно, како и тоа дека неговите родители биле запознаени со ова.

„Тие ова никогаш не го гледаа како проблем“ – изјави Калкин пред судот во 2005 година.

Сепак, уште нешто што тогаш го изјави, ги потврди наводите од филмот „Напуштајќи ја Недојдија“. Двајцата соговорници од филмот, Вејд Робсон и Џими Сејфчак, зборуваа за тоа дека ходникот кој водел кон спалната соба на Џексон бил опремен со аларм, пренесува „Њузхаб“.

„Постоеше патека во ходникот, која додека се приближувате до вратите се огласуваше со “динг-донг динг-донг“. И кога некој ќе се приближеше до собата, се слушаше тој пригушен аларм“ – изјави Меколи Калкин пред судот во 2005 година.

Познатиот боксер Мајк Тајсон, кој исто така беше долгогодишен пријател на Мајкл Џексон, и кој редовно го посетуваше во „Недојдија“, изјави дека тој никогаш не би му дозволил на своето осумгодишно дете да помине време со познатиот пејач.

„Мајкл го биеше таков глас. Иамм осумгодишно дете и не би му дозволил на Мајкл да биде со него. Не би му дозволил да оди во куќата на Мајкл. Да се разбереме, јас го сакам Мајкл. Дали ви е јасно што тоа значи?“

Тајсон кој во 1992 година беше осуден за силување, изјави дека е свесен оти вината во неговиот случај има исто значење.

„Некои луѓе ќе речат ’Ти си Мајк Тајсон. Ни ја не би и дозволил на мојата ќерка да биде во твоја близина, бидејќи си лежел робија поради силување’. Го разбирам тоа и го почитувам. Всушност, и ја самиот би постапил така“ – изјавил Тајсон.

Меѓутоа, Тајсон дел од вината во случајот на Џексон ја стави и на сметка на родителите кои на децата им дозволиле да се најдат во „Недојдија“, нагласувајќи дека и “тие мораат за сносат одговорност за сето ова“.